Ists. 4:2 - Yus Papí: Shuarja̱i̱ Yus Yamaram Chicham Najanamu

² Tura Surupapíran núnisaṉ uunt armia nuna weriar chicharainiak “Iisha atumji̱a̱i̱ irunturar ju̱ je̱a̱ je̱a̱mtai. Warí iisha atumji̱a̱i̱ métek atumí Yusri̱ e̱a̱ji. Tura Asirianmaya̱ úunt akupin Esarjatún ju̱i̱ ikiatmakmiaj nuyá̱ juárkimiuk yamaiya̱ ju̱i̱sha enentáimtukir murikkia Ni áestukir winiaji” tiármiayi.

Ists. 4:2 Iomraidhean Croise

Naṉ. 10:11

Nú nuṉkanmaya̱ jiinkí̱ Asiria nuṉkanam wémiayi. Nui̱sha Níniwi, Rejuputir, Kara tura Risen péprun najankamiayi. Risenka úunt pepruyayi tura Níniwi péprunmaya̱ Kara pepru ajapén étentamunam ámiayi.

2 Akup. 17:24

Tura Asirianmaya̱ úunt akupin aentsun Papirúnianmaya̱n tura Kutanmaya̱n nuyá̱ Ápnumia̱ncha Amatnumia̱ncha núnisaṉ Separwáimniumia̱ncha ikiankar Israer shuar matsamármia nui̱ Samaria nuṉkanam pepru írunmanum matsasármiayi. Tura Samaria nuṉkanam pepru irunmia nuna akintrukar nérentin ajasár íksaraṉ nu aents nui̱ matsamsarmiayi.

2 Akup. 17:41

Tuma ásar nu péprunmaya aentska Úunt Yusnasha ashamainiayataṉ najankamu yusri̱ncha shiir awajiármiayi. Ni uchirí̱ tura ni uchirí̱ya nuyá̱ uchirí̱ armia nusha núnisaṉ túrawarmiayi. Nisha ni aparí̱ túrawarmia núnisaraṉ yamaiya̱ ju̱i̱sha túruiniawai.

2 Akup. 19:37

Nuyá̱ chíkich tsawantin ni yusri̱ Nisruk enentáimtutai̱ je̱a̱nam enentáimtak pujan ní uchirí̱miak Atramirík nuyá̱ Saresérja̱i̱ tariar puya̱ja̱i̱ máwar ikiuiniak Ararát nuṉkanam pisarármiayi. Tu mantamnamtai ni uchirí̱n Esarjatún akupin ajas pujusmiayi.

Ists. 1:5

Nuya̱ṉka Jutá tura Piṉjiamín weanmaya̱ uuntri̱ armia nuna núnisaṉ Yúsnan pujurin armia nunasha nuyá̱ Riwí shuarnasha Yus Jerusaréṉnum Uunt Yusa Je̱e̱ je̱a̱mtinian enentáimtikraram waketkitiai tusar iwiarnararmiayi. Jrm. 25:11; 29:10

Ists. 2:2

Kame ni uuntri̱ Surupapír tura Jesúa, Neemías, Serayás, Reerayás, Martukíu, Wírsan, Míspar, Wikwai, Reum nuyá̱ Páanaja̱i̱ iruntrar waketkiarmiayi.

Ists. 3:12

Nuyá̱ Yúsnan pujurin tura Riwí shuarsha uuntri̱ armia nusha tura ti uunt armia nusha Uunt Yusa Je̱e̱ je̱a̱mtin juarma yamái wainji tusar ti kakantar útiarmiayi. Túmainiamunam chíkichkia warainiak charaatun ajarmiayi.

Ists. 3:2

Nuya̱ṉka Jusatáka uchirí̱ Jesúa ni yachi̱ Yúsnan pujurin armia nu, núnisaṉ Saratiára uchirí̱ Surupapír yachi̱miak yaunchu Muisais Yusa takarniúri̱ papinium aarmia nuna uminiak Israer shuar murik maar Yus áestutai̱n najanawarmiayi.

YKan. 73:8

Chíkich ainia nunasha wishikiainiak tí waantu enentáimtumasar chichainiak yajauch awajsatniun chichaman juruiniawai.

Use. 14:3

Kame Asiriaka tura chíkich aentssha yaintmakchamnia ásarmatai pachischattaji tura iiksha kawainium ekemkatniusha enentáimsashtatji. Núnisaṉ ántar yus íi najankamuk ainia nusha ‘Ámeka ii yúsri̱nme’ tíchattaji. Warí mitiaik ainia nuka Ame waitnenkartutairmin wáinkiartatui” titiarum.

Kar. 2:4

Tura nu shuar ántar yachi ainia nu antuktai tusar waya̱warmai. Tura ii chichame̱n antukar itiurchat awajtámsatai tusar wakeriarmai. Iis, Kristu Jesus iin uwemtikrampra asamtai ti shiir iisha Yus yúpichuch umíaji. Tura nuna nekaawar atakka aya yáunchu akupkámu itiurchat ana nuja̱i̱ uwemtikrampratniun wakerutmakarmaji.

2 Tim. 3:8

Yaunchu Ejiptunam Muisais úunt akupniuja̱i̱ chichaakui jimiará iwishin, Jánissha tura Jámprissha Muisaisan kajerainiak “ántar tawai” tiármiayi. Núnisaṉ ju̱ shuar nekas chichaman nakitiáiniawai. Naka enentáimiainiachu ásar Yúsnan naka jintíatniun peṉké tujintiainiawai.