Ists. 4:12 - Yus Papí: Shuarja̱i̱ Yus Yamaram Chicham Najanamu

¹² Ju̱ úunt akupniu ame paant nekaamu atí. Israer shuar amiya̱ akupramamna nu Jerusaréṉnum iini̱i̱ káunkarai pepru umiktinian nakitín tura yajauch tura wenuken tura tépakmari̱n iwiartuiniawai.

Ists. 4:12 Iomraidhean Croise

2 Akup. 18:20

Ámeka mesetnum tí neka tura kakarmaitjiai tátsumek. Túrasha ántram chichamtiniaitme. Tura yamaisha ¿yainia enentáimkiumea winiasha kajertukum?

2 Akup. 24:1

Tura Juasim úunt akupin pujumia nui̱, Papirúnia úunt akupniuri̱ Napukutunusúr kakarmaja̱i̱ nu nuṉkan eṉkemtuamiayi. Tura Juasimnaka menaintiú uwí nin umirin awajsámiayi. Túramaitiat Juasim ataksha enentáimiar íksaṉ akupniun kajerkámiayi.

Ists. 4:11

Ju̱i̱ti papin áarar akupkarmia nuna wakaní̱ jusamu “Úunt akupin Artajírjisan, ámin takartámin entsa amaini̱ pujuiniana nu amikmátmainiawai.

Ists. 4:15

Nusha yaunchu naṉkaamasua nu nekaatin tusar túrunawarma papinium ame apa ainia nu aarma nui̱ iistá. Túram nu yaunchu naṉkaamasua nu papinium aarma wainkiattame umiktinian nakitín peprua nu, tuma asa akupin ainia nuna tura péprun itiurchat awajin ainia nu nekaattame. Tura yáunchuya̱n umiktinian nakitín ainia nu nekaattame. Tuma asa nu pepru emeskamuiti.

Ists. 4:19

Tura wi akupeamu umiktarum tusan tsaṉkatkamjai chichaman apujtusaram papin e̱a̱kar wáinkiarmai. Kame nú pépruka yáunchusha úunt akupin ainia nuna kajerin umiktinia nakitín tura nuamtaksha itiurchatan najanin tama wainniakai.

Ists. 5:3

Núnisaṉ Yúpratis amaini̱ uunt mátsatkamu uuntri̱ Tatnai tura Sétarpusnai ni írutramuri̱ji̱a̱i̱ takaarmia nuna tariar chicharainiak “Yusa Je̱e̱ ataksha je̱a̱mtinniasha tura wenuke̱ iwiartuktinniasha ¿ya atumniasha tsaṉkatramkaitrum?

Ists. 5:9

Nui̱ṉkia anaikiamu ainia nu chicharkur ‘¿Ya tsaṉkatramkamarum ju̱ je̱a̱ je̱a̱mtinniasha tura wenuke iwiartuktinniasha?’ tu inintrúsmaji.

Neem. 1:3

Tutai achirar yaruakma juákaru ni nuṉke̱n waketrarua nuka tí waitkiasma wishiktai̱ pujuiniawai. Tura Jerusaréṉka wenuke̱sha sá̱a̱rmaiti núnisaṉ wáitiri̱sha áestukmaiti” tu ujatkarmai.

Neem. 6:6

Jú̱nis áarmauyi “Uunt nuṉka mátsatka áiniasha antukaruiti tura Jasmu chichartamuk Ámeka tura Israer shuarja̱i̱ umiktin nakitiakrum kajektin enentáimprume tuma asarum pepru tanishri̱ iwiartukurme túramui. Ju̱na tawai tama chícham ántuwana núja̱i̱ṉkia ámeka akupin ajastin wakerame.

Istr. 3:8

Nuyá̱ Aman úunt akupniun chicharuk “Ashí nuṉka tesarma ame akupeamunam aents tsakiṉmakaru ámin umirtamainiachu tura ni akupeamuri̱sha nusháa ainia nui̱ pujuiniawai. Nuka pujuiniaksha úunt akupniunka warinmaṉsha yáiniatsui. Tuma ásarmatai ánis pujusárti tusar iniaisacharminiaiti.

Jrm. 52:3

Tuma asamtai Uunt Yuska Jerusaréṉkan Jutaja̱i̱ suira kaje̱ntuk pujamunmaya̱ ji̱i̱ki̱ ajapawarmai. Túruna Setekíaska Papirúnia úunt akupniun nakitiar kajerkámai.

Tan. 3:8

Tuma asamtai nu tsawantin Kartíu aents káunkar Israer shuaran tsanumprurar peṉké yajauch chicharkarmiayi.

Tan. 9:25

Tura péṉker antukam paant nekaata. Jerusaréṉsha iwiarkar ataksha je̱a̱mkatin chicham etsernaktatna nuyá̱ Úunt Akupniu Uchirí̱ Misías táamam siati tumiṉ tura sasaintitús tumiṉ naṉkaamastatui. Núnisaṉ ti wáitsatin ámanum Jerusaréṉsha á̱a̱ri̱ntiuk tura wenukri̱ntiuk ataksha iwiarnaktatui.

Ruk. 13:34

¡Jerusaréṉnumia̱tiram, Yúsnan etserin máiniaitrume tura Yus akatar akuptúrmakmania nusha kayaja̱i̱ tukurum máiniaitrume! Tuma ai̱ṉ atash ni uchirí̱n etektana núnisnak Wisha wéartajtsan wakerimjiarme túrasha nakitramarme.

Tur. 24:5

Jú̱ aishmaṉ Papru, suṉkura utsukratniua núniniaiti. Nisha ashí nuṉkanam mesetan najanatniun Israer shuaran ikiakáiniaiti. Tura Jesusa aentsri̱, nasaréu tuinia nuna úuntri̱nti.

1 Tis. 5:22

Ashí yajauch ana nuya̱ṉka kanaktiarum.