Ists. 3:7 - Yus Papí: Shuarja̱i̱ Yus Yamaram Chicham Najanamu

⁷ Nuya̱ṉka Pírsianmaya̱ úunt akupin Siru akupkámia tímiatrusaṉ Tírunmaya̱ tura Setunnumia̱ aents kayá iwiarin nuyá̱ numiji̱a̱i̱ je̱a̱mtan unuimiátka armia nuna kuítian súsarmiayi. Núnisaṉ Ríwianunmaya̱n sétrun nayantsanmaṉ ajekiar Júpiniam ikiankarat tusar yurumkancha umutaincha tura asuitincha súsarmiayi.

Ists. 3:7 Iomraidhean Croise

2 Sam. 5:11

Nuya̱ṉka Tírunmaya̱ úunt akupin Jiram aents chichaman etserin armia nuna Tawitian akuptúrmiayi. Núnisaṉ sétur numincha tura je̱a̱ je̱a̱mniuncha nuyá̱ wenuke̱ najatkatniunka kayá iwiarniun akuptúram Tawitia je̱e̱n je̱a̱riármiayi.

1 Akup. 5:6

Tuma asamtai yamaikia sétur numin Ríwianunmaya̱n tsupirturarat akuptúrkarta. Tura winia takartin ainia nunasha ame takartámniuja̱i̱ iruntrar takasarat tusan akuprartatjai. Ámin takartámin ainia núnaka ame urutmá akikiárta turuttiatam nuja̱i̱ métek akikiártatjai. Núnisaṉ amek nékame, Setunnumia̱ aentsja̱i̱ métek numi tsupiktinian unuimiátraruka wini̱ṉkia atsuiniawai” tímiayi.

2 Akup. 12:10

Eṉketáiniam kuit núkap eṉkemámtai iisar úunt akupniunun kuítian wáitniuya nu tura Yúsnan pujurniu úuntri̱ji̱a̱i̱ kuítian Uunt Yusa Je̱e̱n amia nuna nekapmarar umpursanam eṉkeawar

2 Akup. 12:13

Tura Uunt Yusa Je̱e̱n eṉkemámia nu kuítji̱a̱i̱ṉkia tsapancha, amamkuncha kachuncha tura shirikip kesatai̱ncha kuítji̱a̱i̱sha tura kuriji̱a̱i̱sha peṉké najanacharmiayi.

Ists. 3:6

Tura Uunt Yusa Je̱e̱n je̱a̱mtinkia tépakmari̱sha aepruntsa̱i̱ṉ nántuka siati yama naṉkammanum tsawantka chikichik ai̱ Uunt Yus takamtsuk áestuatniunka juárkiarmiayi.

Jns. 1:3

Támaitiat Junaska nuna nakitiak Uunt Yusan u̱mpruktatjai tu enentáimias Társes nuṉkanam wéak Jupi péprunam jeamiayi. Nui̱ jeá uunt kanú Társes nuṉkanam wéan jearí akikmak eṉkempramiayi.

Tur. 9:36

Túrasha Jupi péprunam nuwa̱ Yus shuar pujuyayi, ni naari̱ Tapitia. Tura nusha Kriaku chichamja̱i̱ṉkia Túrkas tuíniawai. Nu nuwa̱sha nui̱ pujus tuke péṉker túriniuyayi. Tura nisha nútiksaṉ ya̱i̱ wémiayi.

Tur. 9:38

Jupi péprusha Rítianmaya̱ tíjiu̱ch ámiayi. Júpinmaya̱ Yus shuar Rítianam Pítiur pujan nekaawar jimiará áishmaṉkan akatrar akupkarmiayi, Júpiniam wari winití tusar.

Tur. 9:43

Tura Pítruka Jupi péprunam untsurí tsawant nuapen iwiarin Semuṉka je̱e̱n pujusmiayi.