Ists. 3:2 - Yus Papí: Shuarja̱i̱ Yus Yamaram Chicham Najanamu

² Nuya̱ṉka Jusatáka uchirí̱ Jesúa ni yachi̱ Yúsnan pujurin armia nu, núnisaṉ Saratiára uchirí̱ Surupapír yachi̱miak yaunchu Muisais Yusa takarniúri̱ papinium aarmia nuna uminiak Israer shuar murik maar Yus áestutai̱n najanawarmiayi.

Ists. 3:2 Iomraidhean Croise

Naṉ. 12:7

Tura nú nuṉkanam Uunt Yus Apraman wantintiuk “Amé shuaran jú̱ nuṉkan susattajai” tímiayi. Tutai Apramka Yus wantintiukma asa Yusan shiir awajeak nui̱ kayan irumar Uunt Yus shiir awajkur áestutai̱n najanamiayi.

Ists. 10:18

Chíkich nuṉkanmaya̱ nuwa̱n nuatraruka Yúsnan pujurniu uchirí̱ṉkia tiasisiáti ármiayi. Nuyá̱ Riwí shuarka sais ármiayi núnisaṉ kantamin armia nuya̱ṉka chikichik ámiayi tura waiti wáinniuka menaint ármiayi. Núnisaṉ Israer shuar náṉkamas armia nuka uchaintia ármiayi. Kame ashí ju̱ aentska chíkich nuṉkanmaya̱ nuwa̱n nuatkaru ásar chíkichkia uchincha yajutmaku ármiayi.

Ists. 2:2

Kame ni uuntri̱ Surupapír tura Jesúa, Neemías, Serayás, Reerayás, Martukíu, Wírsan, Míspar, Wikwai, Reum nuyá̱ Páanaja̱i̱ iruntrar waketkiarmiayi.

Ists. 3:8

Kame Saratiára uchirí̱ Surupapír nuyá̱ Jusatáka uchirí̱ Jesúa ni yachi̱sha núnisaṉ ashí Yúsnan pujurin ántsaṉ Riwí shuar tura ashí achirar yajá yaruakma Jerusaréṉnum waketrar káunkarmia nuyá̱ chikichik uwí amukar chíkich uwí naṉkama jimiará nantu jeamunam Uunt Yusa je̱e̱n je̱a̱mtan naṉkamawarmiayi. Tura Riwí shuarsha painti uwí íniaṉkasaṉ takaku armia nu Uunt Yusa Je̱e̱n je̱a̱mtan juárkiarmiayi.

Ists. 5:2

Nuya̱ṉka Saratiára uchirí̱ Surupapír tura Jusatáka uchirí̱ Jesúaja̱i̱ ataksha chichamprukar Uunt Yusa Je̱e̱ Jerusaréṉnum je̱a̱mainiayat iniaisámun ataksha naṉkamawarmiayi. Tura Yúsnan etserin armia nusha niji̱a̱i̱ métek pujuiniak ikiakáiniarmiayi.

Neem. 12:1

Yúsnan pujurin tura Riwí shuar Saratiára uchirí̱ Surupapírja̱i̱ tura Jesúaja̱i̱ waketraruka ju̱ áiniawai: Serayás, Jirimías, Ístras,

Neem. 12:8

Tura Riwí shuar Jesúa, Piniuí, Katmiar, Serepías, Jutá tura Mataníaska Yusa náari̱n shiir awajuk kantamtukniuyayi ni shuarja̱i̱ métek.

YKan. 78:68

Antsu Jutá weanmaya̱ Seun nainnium pujuarmia nuna anea asa anaikiamiayi.

Jiin. 27:1

Yus áestutai̱ akasia numija̱i̱ nájankum esantí̱sha tura waṉkantí̱sha seṉku kuntu nuyá̱ yakiri̱ṉkia menaintiú kuntu jeá nekapmam najanata.

Aji. 1:1

Uunt akupin Taríu akupin ajas jimiará uwí wéamunam nantu sáistin nantu juarma tsawantin Yúsnan etserin Ajíui̱ní̱ Jutanmaya̱ shuara uuntri̱ Saratiára uchirí̱ Surupapíran núnisaṉ Yúsnan takarniu uuntri̱ Jusatáka uchirí̱ Jusuin Uunt Yusa chichame̱n akuptúkmiayi. Tura Ajíu chicharainiak

Aji. 1:12

Tura Saratiára uchirí̱ Surupapír nuyá̱ Yúsnan pujurniu uuntri̱ Jusatáka uchirí̱ Jusuí nuyá̱ ashí shuar waketkiar matsamármia nu Yúsnan etserin Ajíu Uunt Yusa chichame̱ étserman antukar Uunt Yusan ti ashamkarmiayi.

Aji. 1:14

Tura Uunt Yus nuní̱ chicharkar Jutanmaya̱ shuara uuntri̱ Saratiára uchirí̱n Surupapíran tura Yúsnan pujurniu úuntri̱n Jusatáka uchirí̱ Jusuin nuyá̱ Israer shuar waketraru káunkar matsamármia nunasha ashí enentáimtikrarmiayi. Túram ashí káutkar Ashí Akupin Uunt Yusa Je̱e̱n ataksha takastinian naṉkamawarmiayi.

Aji. 2:21

“Jutanmaya̱ shuara uuntri̱ Surupapír chicharkum ‘Wi nayaimpincha nuṉkancha umuchrattajai’ tawai titiá.

Aji. 2:23

Ashí Akupin Uunt Yus chichaak ‘Saratiára uchirí̱ Surupapír Winia takartiniá, nú tsawantinkia Winia uwejruí̱ weamatai̱ya ímiatrusan Wi anaikiamu asakmin áminkia tuke wainkiattajme. Wi Ashí Akupin Uunt Yus tajai’ titiá” tímiayi.

Sak. 3:1

Nuya̱ṉka Yúsnan pujurniu uuntri̱ Jusuin iniaktursamai. Kame nisha Uunt Yusa suntari̱ íimmianum naka wajamai. Tura Jusuin sumamtikiataj tusa Satanás ni untsuuri̱ni̱ wajan wainkiamjai.

Sak. 3:8

Yúsnan pujurniu uuntri̱ Jusuiyá amesha tura ame tsaníakmaram Yúsnan pujurin ámiji̱a̱i̱ pujuinia nuja̱i̱ ukunam ártatna nuna nakumin árumin ju̱ anturkatarum. Nekaatarum, Winia takarniurun Kanawe̱n tutai jé̱e̱rtatna nuna utitiatjai.

Sak. 6:11

Nuyá̱ kuri kuitji̱a̱i̱ tawasap najanam Yúsnan pujurniu uuntri̱ Jusuí Jusatáka uchirí̱ etseṉkrumtikiata.

Ruk. 3:27

Jutá Juanaa uchirí̱yayi, Juana Resa uchirí̱yayi, Resa Surupapíra uchirí̱yayi, Surupapír Saratiára uchirí̱yayi, Saratiár Nerí uchirí̱yayi,