Ists. 3:11 - Yus Papí: Shuarja̱i̱ Yus Yamaram Chicham Najanamu

¹¹ Tura Uunt Yusan kantampruá shiir yumiṉkiainiak “Warí Niṉkia tí peṉkerchakait Israer shuarnaka tuke waitnenniuiti” tuíniakui ashí shuar Uunt Yusa Je̱e̱ je̱a̱mtan juárkiarai tusar Uunt Yusan shiir wararainiak charaatum ajarmiayi.

Ists. 3:11 Iomraidhean Croise

Neem. 12:24

Riwí wea peṉkeri̱nkia ju̱i̱ti: Asapías, Serepías, Katmiara uchirí̱ Jesúa tura ni shuar armia nuka naka wajas Yusan shiir enentáimtak tura Yusan yumiṉkias, Yusan enentáimtin áishmaṉ Tawit túratniun akupkámia nuja̱i̱ métek túrin armia nu ármiayi.

Neem. 12:40

Nuyá̱ kantamin mái̱ iruntraruka Yusa Je̱e̱n setuawarmai tura wisha núnisnak uuntri̱ arma nu jímiapetek nakaakaruja̱i̱ nui̱ setuawarmaji.

YKan. 100:5

Warí, Uunt Yuska tí peṉker asa tuke nekas chichamtiniaiti núnisaṉ tuke waitnenkartiniaiti.

YKan. 103:17

Tura Nin ashamainiak umirainia núnaka yáunchuya̱sha ukunmasha tuke iniaṉnatsuk Uunt Yus waitnentainiawai. Kame uchirí̱ncha tura tiraṉkí̱ncha ashí yáiniak nekasa nuna túrattawai.

YKan. 106:1

¡Naṉkamantuitme Uunt Yusá! Uunt Yus nekas péṉker asa tura ni waitnenkartutairi̱ṉkia amuicha asamtai shiir awajsatarum.

YKan. 107:1

¡Uunt Yus nekas péṉker asa tura Ni waitnenkartutairi̱ṉkia amuicha asamtai nekas yumiṉsatarum! YKan. 136:1

YKan. 118:1

¡Uunt Yus tí peṉker asamtai shiir awajsatarum! ¡Warí ni waitnenkartutairi̱ṉkia peṉké amuichaiti!

YKan. 131:1

Jiuwá enentái̱rja̱i̱ṉkia wikia Ámiṉkia antra núnisnaka enentáimtuschaitjiame. Núnisaṉ winia jí̱ruja̱i̱ naṉkamantu íimiaschaitjiai. Núnisnak uunt awajmámsattaj tura shiir enentáimtu ajamai átaj tusancha wekaasachuitjiai.

YKan. 135:3

Jiuwaka shiir awajsamu atí, warí, Ninkia ti péṉkeraiti Ni naari̱ pachisrum Yus kanta tampruátarum, warí Ninkia ti shiiraiti.

YKan. 47:1

Ashí nuṉkanmaya̱ aentstiram uwejmiji̱a̱i̱ pákeer awajtitiarum. Túrakrum warasma chichamja̱i̱ Yusak ti shiir wararsatarum.

YKan. 47:5

Kame Uunt Yuska awakmaku asamtai ti wararainiak kachun umpuukiar nemarsarmiayi.

Jiin. 15:21

Marisha kantamuk “Uunt Yus kantampruátai. Aentsun kawairi̱ntiuk nayantsanam amukuiti. Warí Nisha imiá naṉkamantu asamtai shiir awajsamu atí” tímiayi.

Isa. 12:6

Wats Seúnnum matsatrumna nútiram atumíin Tunaarincha Yus naṉkamantua nu pujá asamtai warakrum kakaram kantampruátarum” títiatrume.

Isa. 44:23

Maa nayaimpí, Uunt Yus ámin najatmamna nu kantampruata. Nuṉka initri̱yá̱ warasam untsumkata, náintirmesha tura kampunniunam numi írunna núurtiuk shiir awajkuram chichaktarum. Warí Uunt Yus Jakupan aṉkant awajsaiti tura ni winchari̱ Israer shuarnum shiir awajsaiti.

Isa. 6:3

Tura nisha kakantar chichainiak “Ju̱ka peṉké tunaarincha, peṉké tunaarincha Ashí Akupin Uunt Yus peṉké tunaarinchaiti. Ashí nuṉkanam Ni winchari̱ timiá tsáapninia nuja̱i̱ piákuiti” tiarmai.

Jrm. 33:11

Túmaitiat atak ántuakka shiir enentáimkiur untsummasha tura warakur untsumainiamusha áishmaṉ nuatuk untsummasha tura nuwa̱ nuatnayak untsummasha untsumainiak “Ashí Akupin Uunt Yus shiir awajsatarum. Warí Uunt Yuska péṉker asamtai Niṉkia tuke waitnenkartiniaiti” tuinia nu ártatui. Yumiṉsajme tusar Uunt Yusa Je̱e̱n Yusan suinia chichame̱sha antuntiatui. Kame achira yaruakma ainia núnaka Wi ataksha awakeara ikiankartatjai, yaunchu matsamin armia núnis matsamsartatui’ tawai Uunt Yus.

Aji. 2:3

‘Emka Je̱a̱ páantniuri̱ urukuya nuna atumíiya̱ ¿ya wáinkiait? Tura yamaisha ¿urukua íyarum? Yamái ana nuka átum iismasha imiancha ¿ániuchukait?

Sak. 4:7

Maa timiá uunt naintiá ¿amesha yáitiam? Túrasha tímianu ámini̱ṉ Surupapír paka awajtámsattawai. Niṉkia amúamu kaya peṉkeri̱nia nu apujeak untsumuk “¡tí shiirmachichukait, tí shiirmachichukait!” ajattawai’” tímiayi.

Sak. 9:9

Seuna nawantri̱yá ti warastarum. Jerusaréṉka nawantri̱ya ti shiir warasrum untsumkatarum. Warí, atumí Úunt Akupniuri̱ péṉkernak túrin tura uwemtikrin peejcha asa umpuru uchirí̱n eketka winitrámprume. Mat. 21:4-5; Jṉ. 12:15

Ruk. 1:50

Tura Nin umirkatniun wakerana nunasha Yus tuke waitnentrartatui. YKan. 103:17

Jus. 6:10

Nuyá̱ Jusuí ni shuari̱n chicharainiak “Átumka tákamtak éstarum. Antsu wi ‘pai’ takui̱ nui̱ṉkia kakaram untsumkatarum” tímiayi.

Jus. 6:16

Nuyá̱ Yúsnan pujurin armia nusha kachun siati awena umpuararmatai Jusuí chicharainiak “Pai, yamaikia Uunt Yus ju̱ nuṉkanka iin suramsa asakrin kakarmaja̱i̱ charáa ajaktarum.

Jus. 6:5

Tura kachu umpuamu antukrumka atumsha ti kakaram untsumkatarum. Nu túrawakrumin pepru wenuke̱ yumpunar utsanattawai. Túrunamtai péprunam nákak utsaṉtuatarum.” Uunt Yus Jusuin tu akatrámiayi.