Ists. 10:6 - Yus Papí: Shuarja̱i̱ Yus Yamaram Chicham Najanamu

⁶ Ístras Yusa Je̱e̱ya wajaki̱ Iriasípia uchirí̱ Jujanánnumia̱ je̱e̱n wémiayi. Nui̱ we kúntuts enentáimiar apatkuncha yurumáchmiayi tura entsancha peṉké umarchamiayi. Nisha achirar yaruakma tunaari̱n enentáimtus túrunamiayi.

Ists. 10:6 Iomraidhean Croise

Ists. 10:1

Tura Ístraska Yusa Je̱e̱n eem tikishmar Yusan áujeak útkamaikia ni tunaari̱n Yusan ujak pujurai̱ Israer shuar áishmaṉsha, nuwa̱sha tura uchisha ti kuntuts jakamnia nekapáiniak uutkamaitiak ti untsurí niin iruntrarmiayi.

Ists. 10:7

Nuya̱ṉka achirar yajá yaruakarma waketrar káunkaru Jerusaréṉnum ashí iruntrarti tusa Jutanmasha tura Jerusaréṉnumsha chichamam akupkarmiayi.

Ists. 9:4

Nuyá̱ ashí shuar Israera Yusri̱ chichame̱n ashamin arma nu Israer shuar achirar yaruakma yajauch túramuri̱n kúntuts enentáimiainiak wi pujamunam iruntrarmai. Kame aaṉku taṉku maar aestutai̱ ura jeamam wi tí kuntuts nekapran wáitsan pujumjai.

Neem. 12:10

Jesúaka, Juyakímian yajutmarmiayi tura Juyakímka Iriasípian yajutmarmiayi tura Iriasípkia Juyatan yajutmarmiayi,

Neem. 12:22

Iriasíp, Juyata, Jujanán tura Jatúa pujuarmia nu tsawantin Riwí shuarka ni shuara uuntri̱ armia nuja̱i̱ métek áararmiayi. Núnisaṉ Yúsnan pujurniusha Pírsianmaya̱ Taríu úunt akupin ajas pujumam pémakarmiayi.

Neem. 13:28

Kame Yúsnan pujurniu uuntri̱ Iriasípia uchirí̱ Juyata nuna uchirí̱ chikichik Urun aents Samparáta áwe̱yayi tuma asamtai wini̱ya̱ṉka árantak awajsámjai.

Neem. 13:5

Tura awajsámtai Yusa Je̱e̱n uunt tesamunam Tuwías pujustinian iwiarturmiayi. Nu tesamunam nuik wariṉkish ikiusma irunmia nuka ju̱ ármiayi. Israer shuar súsarma árak nuyá̱ kuṉkuin núnisaṉ Yusa Je̱e̱n takakmatai̱ ántsaṉ Riwí shuar nuyá̱ kantamin tura wáitin wáinin súsartinian tiásnumia̱ akanák chikichkiniak Israer shuar ikiankarman araka nere̱n tura yamaram wíniuncha núnisaṉ asuitincha nuyá̱ Yúsnan pujurin ainia nu ántar súsatniuncha nú ikiutai̱niam ikiusma ármiayi.

Neem. 3:1

Nuya̱ṉka aents iruntrar uunt pepru wenuke̱ sa̱a̱rmauya̱ nuna iwiarkar amuktai tusar aṉkant aṉkant takatan naṉkamawarmiayi.

Juup 23:12

Ni akupkámu chichame̱ya̱nka peṉké kanakchamjai. Winia yurumkarja̱i̱ naṉkaamas Ni akupkámu chichame̱nka umikmajai.

YKan. 102:4

Winia itiurchatruja̱i̱ kúntuts nekapeakun nupa̱ tsupikiam kaana ánkiajai. Tuma asan yurumátniuncha enentáimtichmajai.

Jiin. 34:28

Tura Muisais Uunt Yusja̱i̱ Senainium kuaraintia tsawant tsawai̱sha káshisha yurumtsuk entsankesh umutsuk pujumia nui̱ tias Akupkámu Umiktin Chichaman kayanam áarmiayi.

Isa. 22:12

Tuma asamtai nu tsawantinkia Ashí Akupin Uunt Yusa nu ajakmárua nuní̱ enentáimprar úttinian tura piniu awamártinian nuyá̱ kúntuts pujakur entsatái̱ pushí entsartinian untsumkattawai

Tan. 9:3

Nuyá̱ ijiarmán kúntuts nekapkur entsatái̱ pushin entsaran, yukú ukatmamkan Ashí Aentsu Úuntri̱n Yusan áujtusan ti seamjai.

Muis. 9:18

Atumí Uunt Yusri̱ íimmianum ti yajauch túrakrum akajkamarumna nuja̱i̱ Uunt Yusan werin tikishmátramjai. Túran ataksha nuik túramiaj nútiksanak kuaraintia tsawant tsawai̱sha káshisha yurumtsuk tura entsankesha umutsuk pujusmajai.