Ists. 10:11 - Yus Papí: Shuarja̱i̱ Yus Yamaram Chicham Najanamu

¹¹ Yamaikia átumka atumí aparí̱ Yus tunaarum ujaakrum Jiuwá shiir awajkuram Ni wakeramu túratarum. Tura chíkich nuṉkanmaya̱ aentsnumia̱ṉka tura nuwa̱nmaya̱sha kanaktiarum” tímiayi.

Ists. 10:11 Iomraidhean Croise

Ists. 10:10

Nuya̱ṉka Yúsnan pujurin Ístras wajaki̱ chichaak “Yajaya̱ nuwa̱ nuatka asarum átum tunáa túraitrume túrakrum Israer shuara tunaarí̱ nuna nukap patatkarme.

Ists. 10:12

Nuyá̱ ashí irunar matsatainia nuka kakantar aimiainiak “Ee ame támena nuka tímiatrusrik umiktatji,

Ists. 10:3

Wats yamaikia ii Yusri̱ji̱a̱i̱ chícham najanatai, ame támena nuja̱i̱ tura ii Yusri̱ akupkámun ashamainiak nu nuwa̱nka núnisaṉ nu nuwa̱nmaya̱ akiiniawaru ainia nuka jirarar ashí akuprarti. ¡Umiktin Chicham akupkámu ana nuja̱i̱ métek ashí uminkiati!

Ists. 9:1

Nu naṉkaamasmatai uuntri̱ ainia nu taruti chichartuiniak “Israer shuarsha núnisaṉ Yúsnan pujurin tura Riwí shuarsha chíkich nuṉkanmaya̱ aentsu túrutairi̱ ainia nuya̱ṉka kanakcharuiti. Tura Kanaan, Jet, Píris, Jípius, Amun, Muap, Ejiptu, Amur aentsun túrutairi̱ji̱a̱i̱ métek mui̱jmiain túruiniawai.

Neem. 13:3

Tura akupkámu áujman antukar yajaya̱ aentsja̱i̱ Israer shuarja̱i̱ pachiniair matsamin armia nuya̱ṉka kanakármiayi.

Neem. 9:2

Tura Israer shuarka Israer shuarcha armia nuyá̱ kanakiar ni tunaari̱n tura ni we̱a̱tri̱ yajauch túrutairi̱n etsertumainiak wajakiar Yusan ujakármiayi.

YKan. 32:5

Tura nuiṉkia winia tunaarun nuyá̱ yajauch túramun ishichkisha ú̱rtsuk ujakmajme. Nekas tunaarun Uunt Yusan ujaktájai tu enentáimsan ujakmajmena nui̱ winia ashí tunaar tsaṉkurturmame. (Séraj)

Neka. 28:13

Shuar ni yajauch túrutairi̱n u̱á̱ nuka péṉker áchattawai antsu ni tunaari̱n etserak yajauch túrutairi̱n ikiuana nuka waitnennar tsaṉkurnartatui.

Isa. 56:4

Warí Uunt Yus jú̱nis tawai “yajutmachu ainia nu ayamtai̱ tsawant winia tsawantrun umirainia nuna Wi wakeraj nu achiktarum tura Wi chícham najanamu miniakkatarum.

Jrm. 3:13

Antsu áyatik ame yajauch túramuram “nekasaiti” titiá. Warí Uunt Yus ame Yúsrum kajerkam umirkachuitme. Túrakum ashí numi ukat ukatin írunmanum nékashtai̱ yus áiniana nu shiir enentáimtusaruitme. Túmakum Winia chichampruka peṉké anturtukchaitme túramui’ titiá” tímiayi Uunt Yus Jirimíasan.

Jrm. 7:3

Kame Ashí Akupin Uunt Yus Israer shuara Yusri̱ jú̱nis tawai. Atumí enentái̱n iwiarnartarum tura atumí túrutairi̱sha eseeratarum. Túrakrumni̱ṉkia nuiṉ pujustinian tsaṉkatkattajrume.

Isk. 18:30

Tuma asamtai Israerá, atumí túramuri̱ji̱a̱i̱ métek aṉkant aṉkant sumamtikiattajrume” tawai Uunt Yus Ashí Aentsu Uuntri̱. “Núnisrumek ené enentáimiu ajasrum atumí yajauch túrutairi̱ iniaisatarum núja̱i̱nchuka atumí tunaari̱ṉ makurmartatrume.

Juaṉ 9:24

Nuiṉkia Israer shuara uuntri̱ kusuru tsuarman ataksha untsuk chicharainiak “Yus íimmianum nekasa nu titiá, ju̱ áishmaṉka tunaarinniuiti nékaji” tiármiayi.

Rum. 12:2

Núnisrum jú̱ nuṉkanmaya̱ ana nu páchitsuk Yus winia enentáimmiarun yapajtiúrat tusarum tsaṉkatkatarum. Nu túrakrumka Yus wakera nu nekaattarme. Ni wakeramusha yajauchichuiti antsu imiá nekas péṉkeraiti.

2 Kur. 6:17

Tuma asamtai ju̱nasha tímiayi “Ni matsatainia nuyá̱ jíinkitiarum tura niiya̱ kanaktiarum, tawai Uunt Yus tura yajauch ana nu antiṉkiairap.Isa. 52:11 Túrakrumninkia awayá̱ttajrume.”

Kurs. 1:10

Atumsha Krístunu ainia núnisrum péṉker takarsak tusar seaji. Tura ashí ni wakerana nu umíakrum ashí péṉker ana nu, nerektinia áintsarmek túrattarme. Núnis túrarum Yusna unuimiátki̱ wéakrum Niniu tí peṉker nekaak tusar seaji.

Jus. 7:19

Nuyá̱ Jusuí Akanan chicharuk “Uchiru, Israer shuara Uunt Yusri̱ nekas enentáimtusam shiir awajeakum ame itiurkaitiam nu ú̱rtutsuk ujatkata” tímiayi.