Ists. 10:1 - Yus Papí: Shuarja̱i̱ Yus Yamaram Chicham Najanamu

¹ Tura Ístraska Yusa Je̱e̱n eem tikishmar Yusan áujeak útkamaikia ni tunaari̱n Yusan ujak pujurai̱ Israer shuar áishmaṉsha, nuwa̱sha tura uchisha ti kuntuts jakamnia nekapáiniak uutkamaitiak ti untsurí niin iruntrarmiayi.

Ists. 10:1 Iomraidhean Croise

1 Akup. 8:30

Tura Ámin takarniuitjiamna ju̱ núnisaṉ Amé aentssha Yusa Je̱e̱ni̱ iimsar seatmainia nu anturkarta. Nayaimpiniam pujutái̱rmin pujamna nuya̱ṉ seatmainia nu anturkaram tsaṉkurarta.

1 Akup. 9:3

Nuyá̱ Uunt Yus chicharuk “Ame seatmena nuna anturkajme tura nu je̱a̱ je̱a̱rtinmena nui̱ winia Naar tuke shiir awajtai̱ asamtai ti shiir imiatkincha awajsájai. Tuma asamtai tuke tsawant shiir enentáimtusan wainkiatjai.

Ists. 10:6

Ístras Yusa Je̱e̱ya wajaki̱ Iriasípia uchirí̱ Jujanánnumia̱ je̱e̱n wémiayi. Nui̱ we kúntuts enentáimiar apatkuncha yurumáchmiayi tura entsancha peṉké umarchamiayi. Nisha achirar yaruakma tunaari̱n enentáimtus túrunamiayi.

Neem. 1:4

Nu chichama antukan kúntuts enentáimkiun núkap tsawant úttsan pujusmajai. Túmakun ijiarmán nayaimpinmaya̱ Yusan seakun

Neem. 1:6

Kame wi nuyá̱ wí shuarsha Amiin yajauch túraitji. Ame takartámin tsawai̱sha tura káshisha seatmana nu anturkata. Warí Israer shuaran Ame takartámin ainia nuna wi niin seatajme. Tura Israer shuarti Amiin yajauch túrawaruitiajⁱ wi ujajmena nui̱ waitneasam tsaṉkurkarturta.

Neem. 10:28

Nuyá̱ péprunmaya̱ juákaruka: Yúsnan pujurin tura Riwí shuar, wáitin wáinin nuyá̱ kantamin núnisaṉ Yusa Je̱e̱n iniatai̱ ántsaṉ ashí nuṉkanmaya̱ pepru ainia nuyá̱ Yus akupkámun umiktaj tusa ashí kanakiáruka ni nua̱ri̱ji̱a̱i̱ tura uchirí̱ji̱a̱i̱sha, nawantri̱ji̱a̱i̱ tura ashí antukar émamkes iisar nekanawarmia nuka.

Neem. 8:9

Kame ashí aents umiktin chichaman antukar útainiakui uuntri̱ Neemíaska tura Yúsnan pujurin Ístras papí ain asa Riwí shuarja̱i̱ iruntrar chichainiak “Ju̱ tsawantka atumí Yusri̱ enentáimtustin tsawantaiti. Kúntuts enentáimsarum útirap” tiármiayi.

YKan. 119:136

Ame akupkámurmin uminiachu asamtai wi utkui nea̱jkir entsa waana ímiatrus jíiniawai.

YKan. 32:5

Tura nuiṉkia winia tunaarun nuyá̱ yajauch túramun ishichkisha ú̱rtsuk ujakmajme. Nekas tunaarun Uunt Yusan ujaktájai tu enentáimsan ujakmajmena nui̱ winia ashí tunaar tsaṉkurturmame. (Séraj)

Jrm. 9:1

Wi shuara nawantri̱ kaji̱ṉkiáru enentáimtusar káshisha tura tsawai̱sha úttinniasha ¿yaki entsa akaana nútikruat winia muukrui̱sha tura winia nea̱jkirnasha yaki púkuni jiinia nútikruat winia ji̱rui̱sha?

Tan. 9:20

Tura wikia winia Yusur akantúkma náintri̱n pachisan winia tunaaruncha núnisaṉ Israer shuara tunaarí̱ncha Uunt Yusa ujakun chicháa pujai̱ṉ

Use. 14:2

Uunt Yusai̱ waketkirum seakrum “Ii yajauch túrutairi̱sha ashí tsaṉkurkarturta. Túram péṉker wáinmena nuja̱i̱ shiir enentáimkiartusta. Túrakmin ii wene̱ja̱i̱ yúmiṉkiakur waaka maar súamua áitkiasar kantampríttiaji.

Sak. 12:10

Tura Tawitia shuari̱n nuyá̱ Jerusaréṉnum pujuinia nuna waitnenkartin tura Yus seamin enentái̱n súsartatjai. Nuya̱ṉka Winia ijiutiarmia nuna ijiumun wáinkiar kúntuts enentáimiainiak ni uchirí̱n chikichkiniak iwia̱i̱ri̱ ajakra núnis úttiartatui.

Mat. 3:6

Tura ni yajauch túramuri̱n paant etserkarmatai Juaṉ Jurtannum imiainiarmiayi.

Ruk. 19:41

Jerusaréṉnum tíjiu̱ch ajatémas péprun wainiak úutuk jú̱nis chichaak

Tur. 10:30

Tutai Kurniriu chichaak “Kuatru tsawant naṉkaamasai̱ tura nantusha ju̱ni̱ ai̱, wikia yurumtsuk Yusan áujsamjai, kí̱arai̱ áujsatin ana nuna. Túran wí chicha̱i̱ṉ áishmaṉ ni entsatái̱ri̱ wincharpátniun naka wajatran wainkiamjai.

Tur. 21:5

Tura siati tsawant naṉkaamasmatai jiinkimji. Ashí Yus shuar armia nu núwentuk uchirtiuk nemartamkamji, péprunam iniaṉkatmaktiai tusar. Kaanmatkanam jear tikishmarar Yus áujsamji.

Rum. 9:2

Israer shuaran waitnentakun tuke tí kuntuts enentáimjiai.

Muis. 31:12

Túrawakrumin ashí nu akupkámu umiktin chichaman antukar núnisaṉ Uunt Yusan atumí Yusri̱n ashamkatniun nekaawar ni tana nuja̱i̱ métek túrawarat tusarum áishmaṉsha nuwa̱sha uchisha tura yajaya̱ aents atumí pépruri̱n pujuartatna nusha irurtarum.