Ists. 1:7 - Yus Papí: Shuarja̱i̱ Yus Yamaram Chicham Najanamu

⁷ Núnisaṉ úunt akupin Napukutunusúr Jerusaréṉnumia̱ Uunt Yusa Je̱e̱ya̱n Yúsnan takarkur takakmatai̱n yaruak ni najanamu yusri̱ je̱e̱n ikiusármia nuna úunt akupin Siru jusa ashí awakearmiayi.

Ists. 1:7 Iomraidhean Croise

2 Akup. 24:13

Nuyá̱ úunt akupin Napukutunusúr Uunt Yusa Jé̱e̱nia̱n núnisaṉ úunt akupniu je̱e̱n kuit irunmia nunasha mash jusamiayi. Nuna tura Saramúṉ Israernum úunt akupin pujus Yus Je̱a̱nam takatai̱ṉ kuriji̱a̱i̱ tí shiirmachin najankamia núnaka mash tsái̱kmiayi. Nu túrunamtai Uunt Yus timia nuka tímiatrusaṉ uminkiamiayi.

Ists. 5:14

Núnisaṉ takatai̱ kuriji̱a̱i̱ nuyá̱ kuit jiruja̱i̱ najantkamu Jerusaréṉnum Yusa Je̱e̱n írunun Napukutunusúr ji̱i̱r Papirúnianam aents najantkamu enentáimtutai̱ je̱a̱nam yaruakmia nunasha úunt akupin Siru aents najantkamu enentáimtutai je̱e̱n Papirúnianam írunun ji̱i̱r úuntri̱n anaikiarmia nuna Sespasáran susamiayi.

Ists. 6:5

Núnisaṉ Yusa Je̱e̱n takatai̱ kuriji̱a̱i̱ tura winchá jiruja̱i̱ najankamu Napukutunusúr Jerusaréṉnum Yusa Uunt Je̱e̱ya̱n yaruak Papirúnianam ikiusmia nú Jerusaréṉnum awakearam Yusa Uunt Je̱e̱n ikiuntsati.”

Jrm. 51:44

Áitkiasnak Papirúnianmaya̱ aentsu yusri̱ Píirnasha asutián, ni ku̱jarmia nuna ímiumtikiattajai. Nuna túramtaiṉkia ashí nuṉkanmaya̱ aentssha nin shiir awajsachartatui. Tura Papirúnia téntakar wénuimiuri̱ṉkia mash yumpuartatjai.

Tan. 1:2

Nuyá̱ Jutá úunt akupniuri̱ Juasimian tura Yusa Je̱e̱n takatai̱ shíirmach najankamu irunmia nunasha yaruak Senar nuṉkanam ni yusri̱ je̱e̱n ikianak ni yusri̱ kuit ikiutai̱ je̱a̱nam ikiusti tusa Uunt Yus Napukutunusúran tsaṉkatkamiayi.

Tan. 5:23

Antsu nayaimpiniam Uunt Yus pujana nu ti yajauch enentáimturume. Túram Ni je̱e̱ya̱ piniṉ ikiankam amesha tura peṉkeri̱sha núnisaṉ nua̱rmiji̱a̱i̱ nuyá̱ ashí nua̱rmea núnis ainia nuja̱i̱ winiu umarurme. Nu arant ántar yus kuriji̱a̱i̱, kuitji̱a̱i̱, yaṉkú jiruja̱i̱ tura namincha jiruja̱i̱ ántsaṉ numiji̱a̱i̱ nuyá̱ kayaja̱i̱ najankamu wáinmachu, ántichu tura nékachu ainia nu shiir awajsarme. Túrasha ame iwiaakmarmin nuyá̱ ame wekaamna nuna nérenniuri̱ya̱ nu Yuska peṉké enentáimturchame.