Ists. 1:6 - Yus Papí: Shuarja̱i̱ Yus Yamaram Chicham Najanamu

⁶ Tura ímiatrusaṉ ashí pujuarmia nu Israer shuaran wariṉkísha kuitji̱a̱i̱ kuriji̱a̱i̱ ni waakari̱ji̱a̱i̱sha núnisaṉ ni warirí̱ kuitji̱a̱i̱ tura kuriji̱a̱i̱ najanamu ainia nunasha súsar nu arant ni wakeraka ni enentái̱ji̱a̱i̱ṉsha Yúsnaka súsarmiayi.

Ists. 1:6 Iomraidhean Croise

Ists. 1:4

Tura ashí nuṉkanam tuke pujutiram atumí nuṉke̱ya̱ waketainia nuka kuitji̱a̱i̱, kuriji̱a̱i̱ tura warirum takakrumna nuja̱i̱ nuyá̱ waakaja̱i̱sha yaiṉtarum. Nu arantcha wakeruiniakka Yusa Je̱e̱ Jerusaréṉnum je̱a̱mtinian ni enentái̱ji̱a̱i̱ṉ súsarti” tímiayi.

Ists. 8:33

Ayamprar kuatru tsawantinkia ii Yusri̱ Je̱e̱n kuitcha kurisha tura takatai̱ najankamu armia nusha kijin nekapmatai̱niam nekapmawarmaji. Túrar Yúsnan pujurniun Uríasa uchirí̱ Mirimiút súsarmaji. Núnisaṉ Piniasa uchirí̱ Iriasársha tura Riwí shuarsha Jesúa uchirí̱ Jusapát nuyá̱ Piniuí uchirí̱ Nuatías niji̱a̱i̱ pujuarmiayi.

Neem. 6:9

Warí niṉkia tu tutai “Nakitkiar takatan iniaṉnak iniaisarat” tu enentáimias sapijmiamtikiartaj tusar turamainiaji. Tuma asamtai maa Yusá, enentáimtikruram kakaram awajtusta.

YKan. 106:46

Núnisaṉ ashí achirar yaruakaruya nunasha waitnentrarat tusa waitnenkartutai̱ enentáin eṉketáwarmiayi.

YKan. 110:3

Ame akupkatin tsawantruminkia Áminiu ainia nuka ni enentái̱ji̱a̱i̱ṉ pushiri̱ncha péṉkeran entsarar káshik sanamána, áintsaraṉ tuke tsawant Ámin suramsartatui.

Jiin. 12:35

Israer shuarsha Muisais timia tímiatrusaṉ Ejiptunmaya̱ aentsun kurin tura kuít jiruncha, pushincha seawarmiayi.

Jiin. 12:36

Nuyá̱ Israer shuaran waitnentrar seamainia nuna súsarat tusa Uunt Yus Ejiptunmaya̱ aentsun waitnenkartin awajsaram tí nukap súsarmiayi. Nuní̱ túrawarmatai Ejiptunmaya̱ aentsun mash atantrarmiayi.

Isa. 35:3

Uwej kakarmachu ikiaká̱rarta. Núnisaṉ chíkich pimpiruka wewe awajsarta.

2 Kur. 9:7

Tura ashí shuar ni enentái̱n enentáimna nunak susati. “Nakitiayatnak susatjai” tíchamniaiti. “Turutainiakui susatjai” tíchamniaiti. Shiir enentáimias súana núnaka Yuska shiir enentáimtawai.