Ists. 1:2 - Yus Papí: Shuarja̱i̱ Yus Yamaram Chicham Najanamu

² “Wi Siru Pírsianmaya̱ úunt akupin asan ju̱ chichamam paant étsereajai. Nayaimpinmaya̱ Uunt Yus winia ashí nuṉkanam akupkatniun apujtusuiti tura Jutá nuṉkanam Jerusaréṉnum Uunt Yusa Je̱e̱ je̱a̱mtinian anaitiukuiti. Isa. 44:28

Ists. 1:2 Iomraidhean Croise

1 Akup. 8:27

Warí Ámeka nayaimpir nayaimpir pujakmesha náṉkatkachuitme. Tímianaitiatmesha wi ju̱ nuṉkanam je̱a̱mjana ju̱i̱sha ¿itiurak pujustam?

Ists. 1:5

Nuya̱ṉka Jutá tura Piṉjiamín weanmaya̱ uuntri̱ armia nuna núnisaṉ Yúsnan pujurin armia nunasha nuyá̱ Riwí shuarnasha Yus Jerusaréṉnum Uunt Yusa Je̱e̱ je̱a̱mtinian enentáimtikraram waketkitiai tusar iwiarnararmiayi. Jrm. 25:11; 29:10

Ists. 3:7

Nuya̱ṉka Pírsianmaya̱ úunt akupin Siru akupkámia tímiatrusaṉ Tírunmaya̱ tura Setunnumia̱ aents kayá iwiarin nuyá̱ numiji̱a̱i̱ je̱a̱mtan unuimiátka armia nuna kuítian súsarmiayi. Núnisaṉ Ríwianunmaya̱n sétrun nayantsanmaṉ ajekiar Júpiniam ikiankarat tusar yurumkancha umutaincha tura asuitincha súsarmiayi.

Ists. 4:3

Túrasha Surupapír, Jesúa, núnisaṉ Israer shuara uuntri̱ armia nu chichainiak “Ii Yusri̱ Je̱e̱ṉka atumji̱a̱i̱ iruntrarkia je̱a̱rchatniuitji. Antsu Pírsianmaya̱ úunt akupin Siru akupkámuja̱i̱ métek Uunt Yus Israer shuara Yusri̱ Je̱e̱ṉka iik je̱a̱rtiniaitji” tiármiayi.

Ists. 5:15

Tura úunt akupin Siru ímia niṉki chicharuk “Pai yamaikia ju̱ takatai̱ ainia nu Jerusaréṉnum Yusa Uunt Je̱e̱ ana nui̱ yaruakta tura Yusa Uunt Je̱e̱sha awaiṉki̱ péṉker iwiarnaktui̱ amia nui̱ṉᵏⁱ ataksha je̱a̱mnakti” tímiayi.

Ists. 6:10

Nayaimpinmaya̱ Yusan wakerú ajamainian aestuiniak úunt akupniu iwiaakmari̱n tura ni uchirí̱ Yusan seatiarti.

Ists. 6:3

“Siru úunt akupin ajasma emka uwí yama juármanum imia niṉki úunt akupin Síruk Yusa Uunt Je̱e̱ Jerusaréṉnum ana nu ataksha iwiarkarum je̱a̱mkatarum aestuatai̱ ati tusa akupkámiayi. Pauri̱sha wewe ukurtarum tura ni yakiri̱sha paintisiáti mitru núnisaṉ waṉkantí̱sha paintisiáti mítruk najanatarum.

Ists. 7:12

“Artajírjis, úunt akupniu akupniúri̱, nayaimpinmaya̱ Yusa akupkámu papiri̱ áatniuri̱ Ístras. Péṉker aṉkant pujusti. Tura yamaikia

Neem. 1:4

Nu chichama antukan kúntuts enentáimkiun núkap tsawant úttsan pujusmajai. Túmakun ijiarmán nayaimpinmaya̱ Yusan seakun

Neem. 1:5

“Maa, Uunt Yusru, nayaimpinmaya̱ Yusá, Ámeka ti naṉkamantu kakaram ashammai Yúsaitme. Tura shuar Ame akupkámu umiktin chichaman tura Ame aentsja̱i̱ chícham najanamun uminiaka aneakum waitnenniuitme.

YKan. 136:26

¡Nayaimpir nayaimpirnumia̱ Yus shiir awajsata! Ni waitnenkartutairi̱ṉkia amuichaiti.

YKan. 85:2

Ame shuarumi yajauchiri̱ṉkia tsaṉkurarmame túram ashí ni tunaari̱ṉkia nukurkarmame. (Séraj)

Neka. 21:1

Uunt Yuska akupniu enentái̱nkia entsa akatai̱ya̱ áitkiaraiti. Tuma asa Ni wakera núnaka tímiatrusaṉ umimtikniuiti.

Isa. 41:2

Uunt akupin tuke awakmauncha etsa̱ jintiainmasha ¿ya iwiainiakma? Uunt akupniun wishikmai awajkar tura ni puya̱ri̱ji̱a̱i̱ ju̱yu̱ awajás núnisan tíshimkiuri̱ji̱a̱i̱ṉkia chiruntkan tsakiṉma nútikiat tusasha ¿uunt nuṉka tépaku ainia nunasha ya íiktussha iniaisama?

Isa. 44:26

Winia takarniu chichame̱nka umikian ni ‘Ju̱ka túrunattawai’ takui̱ ‘Nekas uminkiati’ tajai Yus asan. Warí, Yúsnan etserin ‘Ju̱ka naṉkamnattawai’ takui̱ Wisha ‘Túrunati’ tajai. Nuyá̱ Wikia Jerusaréṉkan áujmakun untsurí aentsja̱i̱ piaku ajastatui tura Jutá pépruri̱nkia áujmatkun pépruka atak je̱a̱mma ártatui. Jutanam emeskamu ainia nuna atak je̱a̱mkattajai.

Isa. 44:28

Tura Wisha Sírun áujmakun ‘Winia shuar wáinniuka níyaiti. Wi wakerajna nuna mash umiktatui. Siru Ists. 1:2 Jerusaréṉkan títinkia ju̱i̱ti, je̱a̱ je̱a̱mma átatui tura Yusa Je̱e̱nka tépakmari̱nkia aeprukma átatui.’ ”

Isa. 66:1

Uunt Yus chichaak “Nayaimpikia Winia akuptai̱ pujutái̱ruiti tura núṉkaka Wi tarimsar pujutái̱ruiti. Winia je̱a̱rtitiai tárumna nu je̱a̱sha ¿tui̱ aa? tura Wi ayampratniusha ¿tui̱ aa?” tawai. Tur. 7:49

Jrm. 10:11

Kame chicharkuram “Najankamu yus nuṉkancha tura nayaimpincha najankacharua nu yuska ju̱ nuṉkanmaya̱ṉka ántsaṉ nayaimpi wakenmari̱ya̱sha meṉkararti” titiarum.

Jrm. 27:5

‘Uunt Yus chichaak Winia ti kakarmar kunturun iwiaintiukan nuṉkancha aentsnasha yajasmancha nuṉká írunna nunasha najankamjai tura wi yana wakeraj nuna súsaitjiai.

Jrm. 29:10

Tura Papirúnianam Wi timiaj núnisaṉ sataintia uwí jeamtaikia atumín waitnentakun waketrukin tura Winia chichamprun umíakun ataksha ju̱i̱ṉ awakeartatjarme tawai Uunt Yus.

Tan. 1:21

Nuyá̱ Taniarka Siru akupta juárkimia tímianaisha pujumiayi.

Tan. 2:21

Niṉki uwincha tura tsawantnasha yapaji̱átsuk. Tura úunt akupniu anaikiasha Niṉki yapajchakait. Nékanka nekatai̱n súchakait nuyá̱ enentáimniunka unuiniachukait.

Tan. 2:28

Antsu chikichik Yus nayaimpiniam pujana nuke nekaachminia nunasha paant awajniuiti. Tuma asa úunt akupin Napukutunusúrá, ukunam túrunattamna nuna paant iniakturmasai. Ame peakrumi tepesam mesekranam tura ímiaja̱i̱k wáinmiam nusha ju̱i̱ti.

Tan. 4:25

Tura áminkia aentsnumia̱ṉka ji̱i̱ki̱ ajunmiartatui. Túrutmawarmatai kampunniunmaya̱ yajasmaja̱i̱ tsaniṉkiam pujuttame. Túmakum waakaja̱i̱ métek sa̱a̱k yútatme. Núnisaṉ saana iniji̱á̱tmattawai. Ashí Naṉkamantu Yus akupin ainia nuna Úunt Akupniuri̱nti tura yana wakera nuna súwiti tu enentáimtumam nuní̱ túrunam siati uwí pujustatme.

Tan. 4:32

Tura aentsnumia̱sha ji̱i̱ki̱ ajunmiartatui. Túrutmawarmatai kampunniunmaya̱ yajasmaja̱i̱ tsaniṉkiam pujuttame. Túmakum waakaja̱i̱ métek sa̱a̱k yútatme. Ashí Naṉkamantu Yus akupin ainia nuna Úunt Akupniuri̱nti tura yana wakera nuna súwiti tu enentáimtumam siati uwí pujustatme” tímiayi.

Tan. 5:23

Antsu nayaimpiniam Uunt Yus pujana nu ti yajauch enentáimturume. Túram Ni je̱e̱ya̱ piniṉ ikiankam amesha tura peṉkeri̱sha núnisaṉ nua̱rmiji̱a̱i̱ nuyá̱ ashí nua̱rmea núnis ainia nuja̱i̱ winiu umarurme. Nu arant ántar yus kuriji̱a̱i̱, kuitji̱a̱i̱, yaṉkú jiruja̱i̱ tura namincha jiruja̱i̱ ántsaṉ numiji̱a̱i̱ nuyá̱ kayaja̱i̱ najankamu wáinmachu, ántichu tura nékachu ainia nu shiir awajsarme. Túrasha ame iwiaakmarmin nuyá̱ ame wekaamna nuna nérenniuri̱ya̱ nu Yuska peṉké enentáimturchame.

Tan. 6:25

Nui̱ṉkia úunt akupin Taríu ashí aentsun tura mátsatkamu uunt nuṉka ainia nuya̱ncha núnisaṉ chíkich chíkich chichamtin ainia nuna papin áatainiak “Atumsha tuke aṉkant matsamsatarum.

Jns. 1:9

Tuíniakui Junas chichaak “Wikia Israer shuaraitjiai. Nayaimpinmaya̱ Uunt Yusan nayantsan tura nuṉkancha najanamia nu Yusan ashamniuitjiai” tímiayi.