Istr. 9:21 - Yus Papí: Shuarja̱i̱ Yus Yamaram Chicham Najanamu

²¹ Tuke uwitin Atar nantutin tsawant katurse tura kínsetin aṉkant ajasma tsawantan enentáimtustinian umikiarti tusa papin akuptúkarmiayi.

Istr. 9:21 Iomraidhean Croise

Ists. 6:15

Tura úunt akupin Taríu sais uwí náamak Pírsianam pujái̱ uwí amúamu nantu menaintiú tsawantai̱ Uunt Yusa Je̱e̱n amukármiayi.

Istr. 3:7

Asueru úunt akupin ajas tuse uwí pujái̱ Nisan nantutin uwí juármanum pur tutain Aman nakurúsmiayi. Núnaka warí tsawantini̱ṉᵏⁱ tura warí nantutini̱ṉᵏⁱ túramniait tusa túramiayi. Tura tuse nantutin Atar nantu tuinia nui̱ jeamiayi.

Istr. 9:17

Tsawant tráisetin Atar nantutin jú̱nis naṉkaamasmiayi. Tura nú nantutini̱ṉ tsawant katurse ayamainiak tí peṉker yurumkan najanawar yurumáiniak tí warasarmiayi.

Istr. 9:18

Israer shuar Súsanam pujuarmia nu tráisetin núnisaṉ katursetincha iruntrarmiayi tura nú nantutini̱ṉ kínsetincha ayamainiak tí peṉker yurumkan iwiarkar yurumáiniak tí warasarmiayi.

Istr. 9:20

Naṉkaamasua nuna Martukíu úunt akupin Asueru akupeamunam nuṉka tesarmánum ashí Israer shuar pujuarmia nui̱ tíjiu̱chisha tura yajasha papin aar akuprámiayi.

Istr. 9:22

Kame nu tsawantin Israer shuarka ni nemasri̱ji̱a̱i̱ aṉkantcha pujuarmia nuyá̱ aṉkant ajasármiayi. Warí kúntuts matsamtai̱ nantunka iniaisar íksaṉ ti shiir warasarti. Ántsaṉ ajakmámprar útaincha iniaisar tumá tí peṉker yurumkan iwiarkar warasar yurumáwarti. Tura ni írutramuri̱ji̱a̱i̱ mái̱ ajamnai ajainiak nuya̱sha atsumainia nunasha wariṉkish súsarti tusa umiktin chichaman aar akuptúkmiayi.

Istr. 9:27

Israer shuarsha tura ni uchirí̱sha tura iisha Israer shuar ajastatji tiarua nusha ju̱ tuke enentáimtutai̱ átin najanamua ju̱ka umiktatji tiármiayi. Nusha itiur áarmait ímiatrusaṉ tuke uwitin nú nantutini̱ṉ jimiará tsawant najantiatji tiármiayi.

Istr. 9:29

Nuyá̱ nuwa̱ akupin Istir Apijiáira nawantri̱ Martukíuja̱i̱ ni kakarmari̱ji̱a̱i̱ Purimian pachis ataksháa papin áararmiayi.