Istr. 8:9 - Yus Papí: Shuarja̱i̱ Yus Yamaram Chicham Najanamu

⁹ Tura nu chichamaik úunt akupniunu papí ain armia núnaka nántuka menaintiunam tura tsawantka paintitráistin untsukarmiayi. Kame Martukíu timia ímiatrusaṉ Israer shuarnaka tura sátrapancha nuyá̱ uuntri̱ armia nunasha nuṉka tesarmánum uuntri̱ anaikiamu armia nunasha Íntianmaya̱ juarki̱ Itiupía ímianai papí áarman akuprarmiayi. Tura ashí siantu paintisiáti nuṉka tesarmánum pujuarmia núnaka ní aatai̱ri̱ji̱a̱i̱ métek tura ashí aentsnasha aṉkant aṉkant ní chichame̱ja̱i̱ṉ áatkarmiayi. Tura Israer shuarnaka ní aatai̱ri̱ji̱a̱i̱ṉ tura ní chichame̱ja̱i̱ métek áatkarmiayi.

Istr. 8:9 Iomraidhean Croise

2 Akup. 18:26

Nuiṉkia Iriakím Irkíasa uchirí̱ Sepna nuyá̱ Juash Rapsasesan chicharainiak “Waitneasam, ame takartámin Aram chichamja̱i̱ áujsata. Warí iikia nékaji. Íiji̱a̱i̱ṉkia Ipríu chichame̱ja̱i̱ṉkia chichasaip, aents wenuknum wajainia nu antukara̱i̱ṉ” tiármiayi.

Istr. 1:1

Uunt akupin Asueru pujumia nui̱ ju̱ túrunamiayi. Kame Asueruka uunt nuṉka tépaku Íntianmaya̱ juárkin Itiupía tímianai ni nuṉké̱ tesarma siantu paintisiáti armia nui̱ akupmiayi.

Istr. 1:22

Tuma asa úunt akupin ni nuṉké̱ nakaarma armia nui̱ṉkia aṉkant aṉkant ní áakmatairi̱ji̱a̱i̱ṉ áatrar núnisaṉ péprunka ní chichame̱ja̱i̱ṉ áatar ashí akuptuiniak ashí áishmaṉ ni je̱e̱nkia akupkarti tu áarman akuprarmiayi.

Istr. 10:1

Úunt akupin Asueruka nuṉká matsatáinia nusha núnisaṉ nayantsa yantamén pujuinia nusha úunt akupin kuit súsatniua núnaka ímiatrusaṉ akikmarti tusa akupkámun najanamiayi.

Tan. 4:1

Wi akupin Napukutunusúr ujaajrumna nu nekaatarum. Ashí aentstiram núnisaṉ mátsatkamu uunt nuṉkanmaya̱tirmesha tura chíkich chíkich chichamtin árumna nútirmesha shiir aṉkant matsamsatarum tajai.

Tan. 6:1

Kame úunt akupin Taríuka enentáimiuk wi akupeamunmaṉka siantu painti sátrapan anaikiartatjai tusa shiir enentáimsamiayi.

Tan. 6:25

Nui̱ṉkia úunt akupin Taríu ashí aentsun tura mátsatkamu uunt nuṉka ainia nuya̱ncha núnisaṉ chíkich chíkich chichamtin ainia nuna papin áatainiak “Atumsha tuke aṉkant matsamsatarum.