Istr. 8:8 - Yus Papí: Shuarja̱i̱ Yus Yamaram Chicham Najanamu

⁸ Nui̱ṉkia átum úunt akupniu náari̱ji̱a̱i̱ áakrum Israer shuar amuktai tusar papí najanamu asakártai tusarum átum wakeramuja̱i̱ aartarum. Tura áarum winia aniyurja̱i̱ kuchaat kuchaat apujtuatarum. Warí úunt akupniu náari̱ji̱a̱i̱ núnisaṉ ni aniyuri̱ji̱a̱i̱ kuchaat kuchaat apujturma papikia yapaji̱áchminiaiti.”

Istr. 8:8 Iomraidhean Croise

1 Akup. 21:8

Nuya̱ṉka Jisawír Akaapa náari̱ji̱a̱i̱ papin aar akupniu aniyuri̱ji̱a̱i̱ apujtua asakamiayi. Tura Nawut pujumia nu pepru úuntri̱n tura peṉkeri̱ncha akuptúkarmiayi.

Istr. 1:19

Tuma asamtai úunt akupniu, ámiji̱a̱i̱ péṉkeraitkiuiṉkia akupkámu umiktin chicham úunt akupniui̱ya̱ jíinkiti. Tura Pírsianmaya̱ núnisaṉ Mítianmaya̱ akupkámu yapajchatai̱ya núnis yapajniáshti tusam yamaikia Pástikia úunt akupin Asueru pujamunam peṉké weantkashti. Antsu chíkich nuwa̱n níji̱a̱i̱ṉkia naṉkaamas péṉkeran akupniu nuwe̱ úunt akupin awajsati.

Istr. 3:12

Nuya̱ṉka emka nantutin tsawantka tráisetin úunt akupniu papiri̱n ain armia nuna untsukarmiayi. Túrawar Aman timia núnaka ashí áatrarmiayi. Úunt akupniu sátrapari̱ncha núnisaṉ nuṉka tesarmánum anairamuncha ántsaṉ kapitián armia nunasha tura péprunam uuntri̱ aṉkant aṉkant nuṉka tesarmánum pujuarmia nunasha ni áatai̱ri̱ji̱a̱i̱ṉ núnisaṉ pépruncha ni chichame̱ja̱i̱ṉ úunt akupin Asueru náari̱ji̱a̱i̱ áatkar ni aniyuri̱ji̱a̱i̱ apujtua asakamiayi.

Istr. 8:10

Nú papinkia úunt akupniu Asueru náari̱ji̱a̱i̱ áakar aniyuri̱ji̱a̱i̱ asaka apujturarmiayi. Nuna tura úunt akupniu kawairi̱ peṉkeri̱ kakaram wekain armia nuyá̱ akiiniawarua nú kawaiji̱a̱i̱ chichaman etserniun papin atakas akupkarmiayi.

Istr. 8:5

chicharuk “Úunt akupniuja̱i̱ iisam péṉkeraitkiuiṉkia tura winiasha waitnentrakmeka wi seajmena nusha núnisaṉ tájamna nusha túramniaitkiumka uminkiati. Núnismek winiasha shiir enentáimturkumka Akaak shuar Ametáta uchirí̱ Aman Israer shuarka ashí amuukarti tusa papí najana ashí nuṉka tesarma ainia nui̱ akuprarma nuka uminkiashti tusam yamaram chicham ataksha najanata.

Tan. 6:8

Tuma asamtai úunt akupniu, yamaikia umiktin chicham najanam yapajniáshti tusam kuesmakta. Kame Mítianam tura Pírsianmasha akupkámu yapajchatai̱ asamtai nui̱ túrutai̱ya nuja̱i̱ métek túrata” tiármiayi.

2 Tim. 2:19

Túrasha Yus ashí naṉkaamas enentáimtustinia nuna paant awajsaiti. Jú̱nisaiti “Uunt Yus ni shuari̱n nékainiawai” tura nuyá̱ “Ashí Kristu shuari̱ ainia nu tunaanumia̱ kanakiarti.”