Istr. 8:6 - Yus Papí: Shuarja̱i̱ Yus Yamaram Chicham Najanamu

⁶ Kame wí shuar itiurchat matsataisha wisha ¿itiurak katsuntrataj? Tura wí shuar takamtsuk amuukartinnium matsatainiai̱sha ¿itiur enentáimsanak katsuntrataj?” tímiayi.

Istr. 8:6 Iomraidhean Croise

Naṉ. 44:34

Nú uchi wiji̱a̱i̱ waketchakuiṉkia ¿itiurak wisha aparuí̱ waketkincha jeataj? Uchi jeachmatai apar wáitian íistinian nakitiajai” tímiayi Jutá.

Neem. 2:3

Túmayatnak úunt akupniun chicharkun “Uunt akupniú, tuke iwiaaku pujú atá. Winia apar iwiarsamu péprusha emeskar ti yajauch awajsamu tura wáitiri̱nkia ashí ekemárma áiniawai tu ujatkaru ai̱sha ¿urukamtaik wisha kúntutscha pujuschattaj?” tímiajai.

Istr. 7:4

Warí, wikia winia shuaruja̱i̱ emesnakar kajeṉkar amunkatin surukmaitji. Antsu emetamu iniatai̱ ártí tusar surukmaitkiurkia nuiṉkia pachimiascharaintji. Núnisaṉ ii túrunawarmasha úunt akupniunka kuit akikma naṉkaamas peṉké yajauch awajsainti” tímiayi.

Istr. 9:1

Kame tuse nantu Atar nantutin tsawantka tráisetin úunt akupin chichakma tura umiktin chicham najanamusha uminkiatniuyayi. Nu tsawantinkia Israer shuara nemasri̱ armia nuka nupetkartatji tu enentáimtusarmiayi. Túrasha nuka túmatsuk antsu Israer shuaran nakitiarmia nú aentsun Israer shuar tumá nupetkarmiayi.

Jrm. 4:19

¡Maa, tí itiurchatan wainkian peṉké pujuchmin nekapeajai! Warí winia enentái̱r eṉketmasha najamprutawai. Winia enentái̱rsha péṉker eṉkemsachmin ajatrawai. Winia wakantru wikia peṉké itiatkashtatjai. Warí ámeka meset náṉkamui tusa kachu umpuamu antukchamek.

Jrm. 9:1

Wi shuara nawantri̱ kaji̱ṉkiáru enentáimtusar káshisha tura tsawai̱sha úttinniasha ¿yaki entsa akaana nútikruat winia muukrui̱sha tura winia nea̱jkirnasha yaki púkuni jiinia nútikruat winia ji̱rui̱sha?

Rum. 10:1

Yatsuru, Israer shuar uwemprarat tusan ti wakerakun Yusan áujtajai.