Istr. 8:5 - Yus Papí: Shuarja̱i̱ Yus Yamaram Chicham Najanamu

⁵ chicharuk “Úunt akupniuja̱i̱ iisam péṉkeraitkiuiṉkia tura winiasha waitnentrakmeka wi seajmena nusha núnisaṉ tájamna nusha túramniaitkiumka uminkiati. Núnismek winiasha shiir enentáimturkumka Akaak shuar Ametáta uchirí̱ Aman Israer shuarka ashí amuukarti tusa papí najana ashí nuṉka tesarma ainia nui̱ akuprarma nuka uminkiashti tusam yamaram chicham ataksha najanata.

Istr. 8:5 Iomraidhean Croise

Istr. 2:17

Istirka tí peṉker enentáimkia asamtai úunt akupin ashí nuwa̱ natsa áishmaṉja̱i̱ tsaniṉcha armia nuja̱i̱ naṉkaamas wakerukmiayi. Tura asa úunt akupin etseṉkrutai̱n muuknum etseṉkrumtikiamiayi. Tura nuik Pasti pujumia núnisaṉ yamaikia nuwa̱n akupin awajsámiayi.

Istr. 2:4

Túramtai úunt akupin iis ni wakeruka nú nuwa̱ Pasti pujumia núnisaṉ akiniak pujusti” tiármiayi. Nuna antuk úunt akupniuka ti shiir waras nútiksaṉ túramiayi.

Istr. 3:1

Nu naṉkaamasu ai̱ úunt akupin Asueru Ametáta uchirí̱ Amanan Akaak aentsnumia̱n uuntri̱ awajsámiayi. Tura ashí nui̱ chichaman iwiarin unuimiákaru armia núnaka iniaṉkas Amannaka uunt awajsámiayi.

Istr. 5:8

Úunt akupniuja̱i̱ iisam péṉkeraitkiuiṉkia tura wi seajme nusha núnisaṉ tájamna nusha túramniaitkiumka wi ataksha tí peṉker núkap yurumátniun iwiarattajna nui̱ Amanja̱i̱ winitiá tusan wakerajai. Tákumni̱ṉkia kashin ame támena núnisnak túrattajai” tímiayi.

Istr. 7:3

Nuya̱ṉka tutai Istir chichaak “Úunt akupniuja̱i̱ iisam péṉkeraitkiuiṉkia tura wi seajme nusha núnisaṉ tájamna nusha ámiji̱a̱i̱sha túramniaitkiuiṉkia wi wakeramuka wi iwiaaku átinian núnisnak wi seatjam tájana nuka wí shuarsha iwiaaku árat tusan seajme.

Jiin. 33:13

Wats, Ame winia waitnenkartutair waitrukmeka ame jintim iniaktursata. Wisha ame waitnenkartutairmin wáinkiataj. Tura ju̱ aentssha waitnentrata. Warí ame shuarum áiniawai” tímiayi.

Jiin. 33:16

¿Tura wi nuyá̱ amé shuarum waitnenkartin íkrattsaitmena ju̱nasha tura ame iin nemartamkakminkia ashí nuṉkanmaya̱ aentssha ame shuar akankaitmena nunasha nekaachartatuak?” tímiayi.