Istr. 8:16 - Yus Papí: Shuarja̱i̱ Yus Yamaram Chicham Najanamu

¹⁶ Nuyá̱ Israer shuarka nuna nekaawar ashí péṉker ajakí̱ wénakui warasar shiir enentáimtuiniak yumiṉsarmiayi.

Istr. 8:16 Iomraidhean Croise

Istr. 4:16

“Israer shuarka Súsanam matsatainia nu ashí irurarta. Túrarum menaintiú tsawant tura menaintiú kashi winia enentáimtursarum ijiarmátarum. Tura menaintiú tsawant tsawai̱sha káshisha yurumtsuk tura umutcha umutsuk pujustarum. Wisha núnisnak winia yáintin ju̱i̱ pujuinia nuja̱i̱ ijiarmáttaji. Kame nuna túran úunt akupniun waintiattajai. Kame nuka akupkámunmaṉka tsaṉkamkachma ai̱ṉᵏ núnaka túrattajai. Tuma asamtai jáknasha jakatjai” tímiayi.

Istr. 9:17

Tsawant tráisetin Atar nantutin jú̱nis naṉkaamasmiayi. Tura nú nantutini̱ṉ tsawant katurse ayamainiak tí peṉker yurumkan najanawar yurumáiniak tí warasarmiayi.

YKan. 112:4

Péṉker enentáimkia ainia núnaka tsáapin awajtawai. Tura péṉker waitnenkartin yáiṉkratniua nuka Níyaiti.

YKan. 118:27

Uunt Yuska nekas Yúskete. Tuma asa tsáapninian suramsaitji. Tuma asamtai maar áestuatin áestutai̱ kachuri̱n jiṉkiatarum.

YKan. 18:28

Ti nekas winia shirikpir keek tsáapin awajturme. Uunt Yus winia Yusur wini̱n kirit ana nuna tsáapin awajturui.

YKan. 30:12

Tuma asamtai winia wakantruka Ámin kantamprútmati tura takamat pujuschati. Uunt Yus winia Yusru tuke shiir awajtiatjame.

YKan. 97:11

Péṉkera túrin shuar ainia nuka tsáapninian wáinkiartatui tura naka enentáimkia ainia nusha warastin sunasartatui.

Neka. 11:10

Péṉker enentáimin ainia nu péṉker túramuja̱i̱ uunt péprunam matsatainia nusha warainiawai. Antsu yajauch shuar jakamtaikia wará áiniawai.

Neka. 28:12

Péṉker túrin ainia nu awakmainiakka ashí warainiawai antsu yajauch túrin ainia nu wajararmataiṉkia aents u̱mainiawai.

Isa. 35:10

Tura Jiuwá uwemtikrarma ainia nuka waketrar kantamkiar Seúnnum káunkartatui. Nuiṉkia etseṉkruktinia ántsaṉ amukashtin warartai takusartatui. Tura imiá shiir waratai̱n wáinkiar kúntuts pujakur wáittiakur úttaiṉkia emeṉkákartatui.