Istr. 8:11 - Yus Papí: Shuarja̱i̱ Yus Yamaram Chicham Najanamu

¹¹ Nú papiniumka ashí péprunam Israer shuar matsamármia núnaka, suntar tú peprunmaya̱ṉsha núja̱i̱nchuka nuṉka tesarma armia nuya̱ṉsha atumín amutmaktaj tusa káutramkakrumni̱ṉkia iruntrarum ayamprumakrum nú aentska uchiimiak tura nuwa̱imiak emeskarum kajeṉkrum amuktárum túrarum niniu wariṉkish írunna nuka atantrarum nérentin ajastarum tusa úunt akupin Israer shuaran tsaṉkatkarmiayi.

Istr. 8:11 Iomraidhean Croise

Istr. 3:13

Tsawant traise ámanum nantu tuse Atar nantutin ashí nuṉka tesarmánum Israer shuar pujuiniana nu ashí uunt ainia nusha uchisha nuwa̱sha natsa ainia nusha chikichik tsawantini̱ṉ mantamna mash amuukarti. Túrunawarmatai ni warirí̱sha jurunkiarti tu chícham najanamu úunt akupin áakman ashí nuṉkanam akuprarmiayi.

Istr. 9:18

Israer shuar Súsanam pujuarmia nu tráisetin núnisaṉ katursetincha iruntrarmiayi tura nú nantutini̱ṉ kínsetincha ayamainiak tí peṉker yurumkan iwiarkar yurumáiniak tí warasarmiayi.

YKan. 137:8

¡Amesha Papirúnia emeskamu átatme! Iin yajauch túrukratamunam yapajtiamuk ámin túrutmattana nuka shiir warasti.

YKan. 68:3

Antsu Yusan enentáimtin ainia nuka warasar Yusja̱i̱ shiir pujusár ti warainiak nanten nanten ajartatui.

Isk. 39:10

Nui̱ṉkia kampunniunmaya̱ jíniaka júukchartatui núnisaṉ jiniasha tsupikchartatui antsu mesetnum mánitiaiji̱a̱i̱ jíniaka ikiapáiniartatui. Nuní̱ túrawar atararmia nuna atantrartatui. Tura ni warirí̱n yarurkarmia nunasha nisha yapajmiainiak yarurkartatui” tawai Uunt Yus Ashí Aentsu Uuntri̱.