Istr. 8:10 - Yus Papí: Shuarja̱i̱ Yus Yamaram Chicham Najanamu

¹⁰ Nú papinkia úunt akupniu Asueru náari̱ji̱a̱i̱ áakar aniyuri̱ji̱a̱i̱ asaka apujturarmiayi. Nuna tura úunt akupniu kawairi̱ peṉkeri̱ kakaram wekain armia nuyá̱ akiiniawarua nú kawaiji̱a̱i̱ chichaman etserniun papin atakas akupkarmiayi.

Istr. 8:10 Iomraidhean Croise

1 Akup. 21:8

Nuya̱ṉka Jisawír Akaapa náari̱ji̱a̱i̱ papin aar akupniu aniyuri̱ji̱a̱i̱ apujtua asakamiayi. Tura Nawut pujumia nu pepru úuntri̱n tura peṉkeri̱ncha akuptúkarmiayi.

1 Akup. 4:28

Núnisaṉ ni kawairi̱ncha ántsaṉ umpururi̱ kijin aentstai̱ armia nunasha tsawant tesamunam súsartin anairamu armia tímiatrusaṉ nu taṉku matsamármia nui̱ weriar sewata nuyá̱ sa̱a̱kniasha ikiatkar ayurtiarmiayi.

Istr. 8:8

Nui̱ṉkia átum úunt akupniu náari̱ji̱a̱i̱ áakrum Israer shuar amuktai tusar papí najanamu asakártai tusarum átum wakeramuja̱i̱ aartarum. Tura áarum winia aniyurja̱i̱ kuchaat kuchaat apujtuatarum. Warí úunt akupniu náari̱ji̱a̱i̱ núnisaṉ ni aniyuri̱ji̱a̱i̱ kuchaat kuchaat apujturma papikia yapaji̱áchminiaiti.”

Isa. 66:20

Tura Yus súsatniun piniṉ péṉkernum chumpíawar Israer shuar Uunt Yusa Je̱e̱n ikianainia nútiksaraṉ atumí yachi̱ ashí uunt mátsatkamu ainia nui̱ pujuinian Winia akantúkma naintrui̱ Jerusaréṉnum Yus súsatniua núnis ikianainiak kawainiumsha núnisaṉ kárunmasha tura umpurunmasha nútiksaraṉ peaknumsha nuyá̱ kamiyunmasha ikiankartatui tawai Uunt Yus.

Jrm. 2:23

Kame ¿itiura wikia mui̱jmiainkia ajakchaitjiai tura Páarnasha peṉké enentáimtuschaitjiai tíminiaitiam? Wats pakanam túramamna nu enentáimsam náṉkamas wekain kamiyuch nekasapitia titiá.

Jrm. 51:21

Tura ámiji̱a̱i̱ṉ kawaincha nui̱ eketainia nunasha tura káruncha ewekámniuri̱miak amuktatjai.

Tan. 4:1

Wi akupin Napukutunusúr ujaajrumna nu nekaatarum. Ashí aentstiram núnisaṉ mátsatkamu uunt nuṉkanmaya̱tirmesha tura chíkich chíkich chichamtin árumna nútirmesha shiir aṉkant matsamsatarum tajai.

Tan. 6:8

Tuma asamtai úunt akupniu, yamaikia umiktin chicham najanam yapajniáshti tusam kuesmakta. Kame Mítianam tura Pírsianmasha akupkámu yapajchatai̱ asamtai nui̱ túrutai̱ya nuja̱i̱ métek túrata” tiármiayi.