Istr. 7:2 - Yus Papí: Shuarja̱i̱ Yus Yamaram Chicham Najanamu

² Tura nu tsawantincha úunt akupin wíniun umúu pujus Istiran chicharuk “¿Ame wakeramusha tuit? Núnaka amastatjai. Tura ¿warí seattiaj tame? Kame wi akupeamu jímiapetek sunastatme” tímiayi.

Istr. 7:2 Iomraidhean Croise

Istr. 5:3

Nui̱ waya̱mtai úunt akupin chicharuk “Nuwa̱ akupin Istirá ¿warí aa tura warí seattinia wakeram? ¡Tákumni̱ṉkia wi akupeamu jímiapetek sunastatme!” tímiayi.

Istr. 5:6

Úunt akupin wíniun umúu pujus chichaak “¿Ame wakeramusha tuit? Núnaka amastatjai. Tura ¿warí seattiaj tame? Kame wi akupeamu jímiapetek sunastatme” tímiayi.

Istr. 7:1

Kame úunt akupniuka Amanja̱i̱ nuwa̱ akupin Istirja̱i̱ yurumátaj tusar wéarmiayi.

Istr. 9:12

Tura úunt akupin Istiran chicharuk “Aya Súsanmaṉ Israer shuarka kiniantu áishmaṉkan tura Amana uchirí̱ncha tiásan máwar emeskaruiti. Tura úunt akupniu nuṉké̱ chíkich tesarma ainia nui̱sha nu arantcha ¿wariniak túrukaruit? Yamaisha ¿warí seameam? nuka sunastatme. Nu arantcha ¿warí wakeram? nusha tímiatrusaṉ túrunattawai.”

Mar. 6:23

Nekas tájame, ashí ame seatmena núnaka amastatjai. Wats, seatkumni̱ṉkia takakjana nuna jímiapetek nakakán amastatjai” tímiayi.

Juaṉ 16:24

Yamaisha Winia enentáimtursarum winia Apar seachurme. Túrasha seakrumni̱ṉkia ti shiir warasuk tusa amastatui.

Tur. 23:19

Uunt kapitiáncha nú uchin eṉkeki̱ arantach jukí̱ chicharuk “¿Warí turuttiaj tame?” tímiayi.