Istr. 7:10 - Yus Papí: Shuarja̱i̱ Yus Yamaram Chicham Najanamu

¹⁰ Martukíu kajemtikra mátniun imia niṉki Aman najanamia nui̱ níniak nenawarmiayi. Túrawarmatai úunt akupin suir kaje̱ntkamun mikirmiayi.

Istr. 7:10 Iomraidhean Croise

Naṉ. 40:22

Túrasha páṉkan najanniu úuntri̱nkia Jusé timia tímiatrusaṉ sué̱nam jiṉkiá nená mámiayi.

Istr. 2:1

Uunt akupin Asueru kajekmári̱n iniaṉkas pujus Pasti túramia nuna núnisaṉ úunt akupniui̱ṉkia atakka peṉké táchati tu chichaman najanawarmia nuna ti enentáimturmiayi.

Istr. 5:14

Nuna takui̱ ni nuwe̱ Séres núnisaṉ ni amikrí̱sha chicharainiak “Tákumka kajemtikra maatai̱ yakiri̱ seṉkuintia kuntu jeá najanmamtikiawarta. Túram kashin káshik úunt akupin chicharkum Martukíu nui̱ nenatarum titiá. Nu túram tí peṉker yurumtai̱ nampernum úunt akupniuja̱i̱ warasam waya̱ta.” Tuinia nuna Aman antuk nekas péṉkeraiti tu enentáimias kajemtikrar “maatai̱ najanatarum” tímiayi.

Istr. 7:7

Nuya̱ṉka úunt akupin nuna nekáa ti kajek péṉker yurumtainmaya̱ ajapa ikiuak kuku̱j aja úunt akupniu je̱e̱n amia nui̱ wémiayi. Antsu Amanka úunt akupin Amanka mantamnati títinian nekaama nuwa̱ akupin Istirai̱ jáka̱i̱j antsu iwiaakmarun chichampruktaj tusa nuiṉ wajas juákmiayi.

Istr. 7:8

Nuya̱ṉka úunt akupin kuku̱j ajanmaya̱ waketki̱ péṉker yurumtainiam nui̱ ataksha támiayi. Tura pujutai̱niam Istir pujamunam Aman iniant awaṉtun tarimiayi. Kame úunt akupin nuna wainiak chicharuk “Winia je̱a̱rui̱ wisha pujai̱ṉkik ¿Istirsha yajauch awajsattam?” úunt akupin nuna takui̱ Amana yapi̱n nukurkarmiayi.

Istr. 8:7

Nuya̱ṉka úunt akupin Asueru Istiran Martukíuja̱i̱ chicharainiak “Nekaata. Amanan Israer shuaran amuktin chichaman najatamtai kajemtikra mátai̱nian nenawarmai. Nuna je̱e̱nka wariri̱ntiuk wi Istiran súsarjai.

Istr. 9:14

Kame núnis uminkiati tusa úunt akupin akupkámiayi. Nú chicham najanamuka Súsanmaṉka ashí etsernakmiayi. Túrunamtai Amana uchirí̱ tias armia núnaka nenawarmiayi.

Istr. 9:25

Nuya̱ṉka Istir úunt akupin pujamunam wantinkiamtai úunt akupniuka yajauch awajkartin Israer shuaran amuktaj tusa enentáimna nuka niṉki nuja̱i̱ tumá asutniáti tusa papinium tu áarman paant awajsámiayi. Nu uminiakui Amanan ni uchirí̱ji̱a̱i̱ sué̱nam jiṉkiá nenawarmiayi.

YKan. 37:15

Túrasha ní puya̱ri̱ ainia nuke ni enentái̱n ijiú pana jí̱niartatui. Tura tishimkiuri̱nkia kupí kupí awajnásartatui.

YKan. 7:16

Ni yajauch túramuri̱ ti takakmasma nuke muukem aju̱a̱rartatui tura tí yajauch túrutai̱ṉ muuknumaani̱ iniantrattawai.

YKan. 94:23

Tura yajauch shuar ainia núnaka ni tunaari̱ni̱ṉ ii Uunt Yusri̱ sumamtikiawar amukártatui.

Neka. 11:27

Shuar péṉkera nuna túrataj tusa wakerinkia waitnentramuiti. Antsu yajauchin e̱á̱a̱ nuka yajauchiniam wáitsattawai.

Neka. 11:8

Shuar péṉker enentáimkia nuka wáitsatniunmaya̱ aṉkant awajnásuiti. Túrunamtai Yusan enentáimtichuka íksaṉ ní waitsatniuri̱n súmamui.

Neka. 26:27

Aents wa̱a̱n tawa nuka ímia niṉki akaikí̱ iniaawai núnisaṉ kayan akaṉkéa nuka niṉki nekemaktatui.

Jrm. 34:17

Núja̱i̱ṉkia Wi Uunt Yus asan tájarme. ‘Átum aṉkant aṉkant atumí yachi̱sha tura írutramuri̱sha iniatai̱ram matsatainia nu nekas aṉkant akupkachu asarum aṉkant awajsatin chicham najanamu umirtukchaitrume. Túrachu asakrumin Wikia íksanak atumín aṉkant akupáiniakun mesetja̱i̱sha, suṉkurja̱i̱sha tsukaja̱i̱sha ashí nuṉkanmaya̱ akupeamu ainia nunasha peṉké tsuumaiji̱a̱i̱ kúntuts pujusuk tusan tsaṉkatkattajrume.

Isk. 5:13

Nu túruna naṉkaamasmatai Winia kajekmar amukáttawai tura Winia kajetair nekanati tusan ni yajauch túramuja̱i̱ métek asutiáwartatjai. Nuna túran Wikia suíran mikirtatjai. Antsu nu ashí uminkiamtai Wi Uunt Yus tunaaja̱i̱ matsamsara̱i̱ tusan tí akasma asan túramaj nuna paant nekaawartatui.

Tan. 6:24

Nuya̱ṉka Taniaran chichaman najatawarua nú aents ikiankatarum tusa úunt akupin akuprámiayi. Tura nú aentsun ikiankar nua̱rtiuk uchirtiuk úunt ya̱wa̱ matsamtai̱ wá̱a̱nam aju̱a̱warmayi. Tura nuṉkaṉka iniainiachunak úunt ya̱wa̱ esái achia̱rar ukunchí̱ncha tsai̱ tsai̱ awajtúsarmiayi.

Tan. 6:25

Nui̱ṉkia úunt akupin Taríu ashí aentsun tura mátsatkamu uunt nuṉka ainia nuya̱ncha núnisaṉ chíkich chíkich chichamtin ainia nuna papin áatainiak “Atumsha tuke aṉkant matsamsatarum.

Sak. 6:8

Nuya̱ṉka untsurak chichartak “Iisiana, arakaani̱ wénana nuka nui̱ Winia Wakantrun shiir enentáimtikrutrarai” turutmiai.