Istr. 6:6 - Yus Papí: Shuarja̱i̱ Yus Yamaram Chicham Najanamu

⁶ Takui̱ Aman waya̱miayi. Túrunamtai úunt akupin inintrak “Úunt akupniun yana shiir awajsattsa wakera nuna ¿úunt akupin warinia túratta?” takui̱ Amanka ní enentáimsaṉ wiji̱a̱i̱ naṉkaamassha ¿yanak úunt akupin shiir awajsatniuncha wakera? tu enentáimsamiayi.

Istr. 6:6 Iomraidhean Croise

Istr. 1:15

Kame akupniu nuwé̱ Pasti úunt akupin Asueru chichame̱n nuatcha ainia nui̱ akatmamar akupkámun umikcha asasha akupkámu umiktin chichamsha warí itiurnakti tawa tusa úunt akupin anintrúsmiayi.

Istr. 5:11

Tura Amanka imiá naṉkaamas kuítriniuya nuna núnisaṉ uchirí̱sha tí untsurí armia nunasha tura itiurá úunt akupin uunt awajsámia áitkiasaṉ úunt akupin chíkich úuntri̱ji̱a̱i̱ nuyá̱ chíkich takarniúri̱ji̱a̱i̱sha naṉkamantu awajsámia nuna áujmatmiayi.

Istr. 6:11

Tutai Aman pushin achik áentsar kawainium ekenak Martukíun pepru áṉkamuri̱ ámanum jukimiayi. Nui̱ ewekámas kakantar untsumuk “Úunt akupin áishmaṉkan shiir awajsattsa wakera nuka jú̱tikiatniuiti” tu untsummiayi.

Istr. 6:5

Tura úunt akupniu yaintri̱ chichainiak “A̱a̱ṉka Aman wajawai” tuíniakui úunt akupin chichaak “Waya̱ti” tímiayi.

Istr. 6:7

Nuya̱ṉka Aman úunt akupniun aya̱k “Nu áishmaṉnaka úunt akupin shiir awajsattsa wakerana nui̱ti.

Istr. 6:9

Tura pushinkia núnisaṉ kawaincha úunt akupniu takarniúri̱ nekas peṉkeri̱ya̱ nu susati. Núnisaṉ úunt akupin yana shiir awajsattsa wakera núnaka nú pushin áentsrar kawainium ekenak pepru init á̱a̱ri̱n ewekámas kakantar untsumainiak ‘Úunt akupin yana shiir awajsataj tusa wakera nuka jú̱tikiatniuiti’ tu untsumkarti” tímiayi.

YKan. 35:27

Wi péṉker túramunam waitanentruinia nuka waras kantamáwarti. Tura Uunt Yus Ni takarniúri̱ aṉkant pujak shiir enentáimkiui nu aents iisar “Uunt Yus nekas shiir awajsamu atí” tuke tiartí.

Neka. 1:32

Nekasaiti. Shuar ántichu ainia nu ni náṉkamas wekatairi̱ji̱a̱i̱ mantamnawartatui. Núnisaṉ nétseka “Warí iikia tí peṉker pujatsjik” tuinia nuja̱i̱ amunkartatui.

Neka. 16:18

Waantu enentáimtumastiṉkia itiurchatnum jukartiniaiti. Tura naṉkamantu enentáimtumastiṉkia aya̱shniasha wakanniasha emesniuiti.

Neka. 18:12

Emeskamnia nuka emka waantu enentáimtumatainmaya̱iti tura shuar péejchachia nuna Yus páantin awajsattawai.

Neka. 30:13

Núnisaṉ aents waantu enentáimtumak ímiancha enentáimkiartinkia naka imias wekainiusha írunui.

Isa. 42:1

Ju̱i̱ti Winia takartin anaikiamu yáiṉtatjana nu. Wi anaikiamu asamtai wakantrusha shiir enentáimtawai. Winia wakantrun nin súsaitjiai. Túramu asa nekasa nuja̱i̱ ashí nuṉkan sumamtikiawartatui.

Jrm. 32:41

Tura Wisha niin peṉker túruiniakun ti wararnaisartatjai. Núnisnak nekas enentái̱rja̱i̱ ashí wakantruja̱i̱ ataksha nekasa nuja̱i̱ ju̱ nuṉkanam matsasártatjai.

Apt. 1:3

Ame naṉkamantu enentáimtumamuk anaṉkramaiti. Amesha muchiṉ tsentsakamunam ti yakí̱ pujakum ame enentáimtumasmek ‘¿Winiasha yaki nuṉkasha aju̱ntrat?’ túmamme.

Mat. 3:17

Túramtai nayaimpinmaya̱ Yus chicháa antukamiayi “Ju̱ka winia Uchiruiti. Ti aneamuiti. Ti shiir enentáimtajai” tímiayi.

Ruk. 14:9

Tura ipiatmania nu chichartamuk ‘Chíkich íktusta’ turamchatpiash. Nui̱ṉkia chíkich náṉkatkamu pujutai̱nium wéakum natsa̱a̱rtatme.

Juaṉ 5:23

Tuma asamtai ashí shuar Yus Apan shiir awajainia áintsaṉ ni Uchirí̱ncha métek shiir awajsatin áiniawai. Yus Apa ni Uchirí̱n akupka asamtai Uchirí̱n shiir awajeatsna nuka Yus Apancha shiir awajeatsui” tímiayi.