Istr. 6:12 - Yus Papí: Shuarja̱i̱ Yus Yamaram Chicham Najanamu

¹² Nu turasu̱a̱ umikiam Martukíuka ataksha úunt akupniu je̱e̱n wáitiri̱n pujuumiayi. Túrasha Amanka tí kuntuts enentáimiar muuke̱n nukuk wárikmas je̱e̱n waketkimiayi.

Istr. 6:12 Iomraidhean Croise

2 Sam. 15:30

Túrasha Tawitkia Uriwiu náintian warukmiayi. Wákuk muuke̱nka nukuk náwek utki̱ wakamiayi. Núnisaṉ ashí aents niji̱a̱i̱ wéarmia nuka aṉkant aṉkant muuke̱n nukukár útkiar wákarmiayi.

2 Sam. 17:23

Ajitupírka ni chichame̱n umirkacham umpururi̱n iwiar ekemak jiinkí̱ ni pépruri̱n je̱e̱ amia nui̱ waketkimiayi. Nui̱ je̱e̱n jeá írunun iwiarak ikiuak kaje̱mar jakamiayi. Túrunamtai ni aparí̱ ikiusmanumaṉ iwiarsarmiayi.

1 Akup. 20:43

Kame Israernumia̱ úunt akupniusha kakarmachu ajas kajeku ni je̱e̱n waketki̱ Samarianam jeamiayi.

1 Akup. 21:4

Tura Akaapsha Jisriir nuṉkanmaya̱ Nawut aparu nuṉké juakua núnaka amaschattajai tama asa, kajeku kúntuts enentáimpra ni je̱e̱n jeá yurumtsuk peakri̱n tepesmiayi.

1 Akup. 21:6

Tutai Akaap nuwe̱n aya̱k “Jisriirnumia̱ Nawutan chicharkun ‘Ame ajarmin kuitji̱a̱i̱ sumaktájai kame wakerakmiṉkia wisha ajanak amastájai’ taja. Támaitiat ‘Winia ajarnaka amaschattajai’ túruta” tímiayi.

Istr. 2:19

Nuwá̱ natsan ataksha irurarmia nuiṉkia Martukíuka úunt akupniu wáitiri̱n pujumiayi.

Istr. 6:11

Tutai Aman pushin achik áentsar kawainium ekenak Martukíun pepru áṉkamuri̱ ámanum jukimiayi. Nui̱ ewekámas kakantar untsumuk “Úunt akupin áishmaṉkan shiir awajsattsa wakera nuka jú̱tikiatniuiti” tu untsummiayi.

Istr. 7:8

Nuya̱ṉka úunt akupin kuku̱j ajanmaya̱ waketki̱ péṉker yurumtainiam nui̱ ataksha támiayi. Tura pujutai̱niam Istir pujamunam Aman iniant awaṉtun tarimiayi. Kame úunt akupin nuna wainiak chicharuk “Winia je̱a̱rui̱ wisha pujai̱ṉkik ¿Istirsha yajauch awajsattam?” úunt akupin nuna takui̱ Amana yapi̱n nukurkarmiayi.

Juup 9:24

Niin enentáimtuiniatsna nuna ju̱ nuṉkan íktusuiti. Tura sumamtikin ainia nuna ji̱ncha ukusturaruiti. Nuiṉkia ¿Níchuitkiuisha yaki aint nusha tui̱ pujá?

1 Sam. 3:15

Tu ujakam Samuirsha kanarmiayi. Nuyá̱ kashin káshik nantaki̱ Uunt Yusa Je̱e̱ wáitiri̱n urarmiayi. Tura Samuirsha ímiaja̱i̱k Uunt Yus timia nuna Irin ujaktinian ashamak arantimiayi.