Istr. 5:12 - Yus Papí: Shuarja̱i̱ Yus Yamaram Chicham Najanamu

¹² Amancha nu arant chichaak “Tí peṉker yurumátniun iwiarainia nui̱ nuwa̱ akupin Istir úunt akupniui̱ wétinian chikichnaka ipiatsuk kashincha winiak ipiatáyi.

Istr. 5:12 Iomraidhean Croise

Istr. 5:13

Túrasha tímianaitiatnaksha Martukíun úunt akupniu wáitiri̱n pujan wáinkiun peṉké antra núnis nekapmameajai” tímiayi.

Istr. 5:8

Úunt akupniuja̱i̱ iisam péṉkeraitkiuiṉkia tura wi seajme nusha núnisaṉ tájamna nusha túramniaitkiumka wi ataksha tí peṉker núkap yurumátniun iwiarattajna nui̱ Amanja̱i̱ winitiá tusan wakerajai. Tákumni̱ṉkia kashin ame támena núnisnak túrattajai” tímiayi.

Neka. 27:1

Ántram “eem tímiatruattajai” tiip. Warí kashin átatna nuka ámeka nékatsme.

1 Tis. 5:3

Ashí shuar “Pai, yamaikia ti nekas shiir péṉker pujuiniaji” tu matsatainiai̱ aya aneachma nuṉka mesertin tsawant jeattawai. Nuwa̱ ajamtin aya aneachma jatema áintsaṉ nékachmanum átatui. Túmakui̱ pisartin peṉké atsuttawai.