Istr. 5:10 - Yus Papí: Shuarja̱i̱ Yus Yamaram Chicham Najanamu

¹⁰ Amanka tímianu kajekiataṉ katsuntas páchitsuk je̱e̱n waketkimiayi. Túruna taa ni amikri̱ armia nuna tura ni nuwé̱ Séresnasha untsukarmiayi.

Istr. 5:10 Iomraidhean Croise

Naṉ. 45:1

Maa, nuja̱i̱ Jusesha aneṉkratamuri̱n katsunteachuk ni takarniúri̱ matsamármia nuna kakantar chicharainiak “Ju̱ya̱ṉka mash jíintrarum wetarum” tiármiayi. Nu tutai ni takarniúri̱ chikichkisha Juseja̱i̱ṉkia juákchamiayi. Aya yachi̱ji̱a̱i̱ṉ juak “Atumí yachi̱ntjiai” tusa paant awajmámsamiayi.

Istr. 5:11

Tura Amanka imiá naṉkaamas kuítriniuya nuna núnisaṉ uchirí̱sha tí untsurí armia nunasha tura itiurá úunt akupin uunt awajsámia áitkiasaṉ úunt akupin chíkich úuntri̱ji̱a̱i̱ nuyá̱ chíkich takarniúri̱ji̱a̱i̱sha naṉkamantu awajsámia nuna áujmatmiayi.

Istr. 6:13

Aman je̱e̱n jea ni nua̱ri̱n Séresan tura amikrí̱ncha túrunamia nuna mash ujakármiayi. Túram chicharainiak “Nú Martukíu Israer shuaraitkiuiṉkia ámeka peṉké nupetkashtatme antsu nekas yajauch awajmámsattame” tiármiayi.