Istr. 4:3 - Yus Papí: Shuarja̱i̱ Yus Yamaram Chicham Najanamu

³ Ashí nuṉka tesarmánum pujuarmia nuka úunt akupin papí najana akuprámu jeariármaka nuiṉkia Israer shuarka kúntuts enentáimprar útainiak chíkichkia ijiarmáwar nuyá̱ útainiasha núnisaṉ útkur entsatái̱ pushin entsarusha nuyá̱ muuknum yuṉkunmin ukatmamusha ármiayi. Kame untsurí Israer shuarsha útkur entsatái̱ pushin áintkiar yuṉkunminiam tepashaa ármiayi.

Istr. 4:3 Iomraidhean Croise

Istr. 1:1

Uunt akupin Asueru pujumia nui̱ ju̱ túrunamiayi. Kame Asueruka uunt nuṉka tépaku Íntianmaya̱ juárkin Itiupía tímianai ni nuṉké̱ tesarma siantu paintisiáti armia nui̱ akupmiayi.

Istr. 3:12

Nuya̱ṉka emka nantutin tsawantka tráisetin úunt akupniu papiri̱n ain armia nuna untsukarmiayi. Túrawar Aman timia núnaka ashí áatrarmiayi. Úunt akupniu sátrapari̱ncha núnisaṉ nuṉka tesarmánum anairamuncha ántsaṉ kapitián armia nunasha tura péprunam uuntri̱ aṉkant aṉkant nuṉka tesarmánum pujuarmia nunasha ni áatai̱ri̱ji̱a̱i̱ṉ núnisaṉ pépruncha ni chichame̱ja̱i̱ṉ úunt akupin Asueru náari̱ji̱a̱i̱ áatkar ni aniyuri̱ji̱a̱i̱ apujtua asakamiayi.

Istr. 4:16

“Israer shuarka Súsanam matsatainia nu ashí irurarta. Túrarum menaintiú tsawant tura menaintiú kashi winia enentáimtursarum ijiarmátarum. Tura menaintiú tsawant tsawai̱sha káshisha yurumtsuk tura umutcha umutsuk pujustarum. Wisha núnisnak winia yáintin ju̱i̱ pujuinia nuja̱i̱ ijiarmáttaji. Kame nuna túran úunt akupniun waintiattajai. Kame nuka akupkámunmaṉka tsaṉkamkachma ai̱ṉᵏ núnaka túrattajai. Tuma asamtai jáknasha jakatjai” tímiayi.

Istr. 4:2

Nuna túmaki̱ úunt akupniu wáitiri̱n jeamiayi. Nu ajakmárar entsatái̱ pushí entsarikia úunt akupniu wáitiri̱ṉkia naṉkaamaktin tsaṉkamkachmauyayi.

Istr. 4:4

Nuwa̱ natsach tura áishmaṉ nuatcha Istiran yain armia nu tariar Martukíu tuma nuna ujakármiayi. Nu ujakam nuwa̱ akupin Istir ti kúntuts enentáimpramiayi. Tura Martukíu útkur entsatái̱ pushin entsarna núnaka ai̱k ajapa ju̱na entsarti tusa pushin akuptúkmiayi. Túrasha Martukíuka achiktinian nakitrámiayi.

Istr. 9:31

Núnisaṉ Purim tsawant najanatin tesamu enentáimtustinian ní shuar umikiarat tusa Martukíu Israernumia̱ nu tura nuwa̱ akupin Istir papin ataksháa áararmiayi. Tura ju̱ enentáimtakur útkur kúntuts tura ijiarmár seakur pujusmaka iisha tura ukunam akiiniawartatna nusha kajinmáttsuk umiktáji tiarmia nunasha áararmiayi.

Juup 2:8

Túram Juupsha ni aya̱shí̱n téreer awajénam jakachji̱a̱i̱ kesamamiayi. Túmak yuṉkunminiam ajapén pujuyayi.

Isa. 22:12

Tuma asamtai nu tsawantinkia Ashí Akupin Uunt Yusa nu ajakmárua nuní̱ enentáimprar úttinian tura piniu awamártinian nuyá̱ kúntuts pujakur entsatái̱ pushí entsartinian untsumkattawai

Tan. 9:3

Nuyá̱ ijiarmán kúntuts nekapkur entsatái̱ pushin entsaran, yukú ukatmamkan Ashí Aentsu Úuntri̱n Yusan áujtusan ti seamjai.

Jns. 3:6

Núnisaṉ Níniwi pepru akupniuri̱sha nu chichaman antuk niṉki enentáimtumas akupin pujutái̱nmaya̱ akaikí̱ entsatái̱ri̱ncha áimiar suí̱r pushin entsar yuṉkunim ajaptai̱niam pujusmiayi.

Mat. 22:13

Nuyá̱ úunt akupin yurumka ajaaman chicharuk ‘Achikrum nawe̱nmasha uwejnumsha jiṉkiarum a̱a̱ jí̱i̱krum kiritniunam ajapatarum. Nui̱sha ti úttin tí waitsatin átatui’ timiai.

Mat. 25:30

Ju̱ umichu shuarsha a̱a̱ kiritniunam ajapatarum. Nui̱ ti wáitiak ti úttiatui’ timiai.” Tu áujmatsamiayi Jesus.