Istr. 4:16 - Yus Papí: Shuarja̱i̱ Yus Yamaram Chicham Najanamu

¹⁶ “Israer shuarka Súsanam matsatainia nu ashí irurarta. Túrarum menaintiú tsawant tura menaintiú kashi winia enentáimtursarum ijiarmátarum. Tura menaintiú tsawant tsawai̱sha káshisha yurumtsuk tura umutcha umutsuk pujustarum. Wisha núnisnak winia yáintin ju̱i̱ pujuinia nuja̱i̱ ijiarmáttaji. Kame nuna túran úunt akupniun waintiattajai. Kame nuka akupkámunmaṉka tsaṉkamkachma ai̱ṉᵏ núnaka túrattajai. Tuma asamtai jáknasha jakatjai” tímiayi.

Istr. 4:16 Iomraidhean Croise

Naṉ. 18:19

Warí ni uchirí̱ncha tura ni shuári̱ncha nuyá̱ uchirí̱ akiiniawartatna nunasha péṉker túratniuncha naka wekasatniuncha tura Uunt Yusa chichame̱n umiktinian jintintiáwartatna nuna nékakun anaikiaitjiai. Tuma asan tímiajna nu uminkiami tusan achikchamkaj” tu enentáimsamiayi.

Naṉ. 43:14

Kame Ashí Tujintkiachu Yus nú akupniun waitneṉkratai enentáin susati. Nisha waitnentramar Semiunnasha aṉkant awajsati tura Piṉjiamínniasha awaiṉki̱ péṉkernak akupkati. Kame uchirtichu juáktiniaitkiunka uchirtichu juaktajai” tímiayi.

2 Sam. 10:12

Ii aentsri̱ tura ii Yusri̱ pépruri̱ enentáimtusam kakaram ajasta túrar kakaram mániktai tura Uunt Yussha tuna péṉker iiyá núnis túrati.”

Ists. 8:21

Tura Ajawa entsanam ayamach matsamsar ii Yusri̱ íimmianum péejchach ajastai tusar núnisrik wéajnia nui̱sha iincha tura ii uchirí̱ncha nuyá̱ ii warirí̱ncha ii Yusri̱ péṉker waitramkat tusar ijiarmár ii Yusri̱ seawartai tiármajai.

Istr. 4:15

Tura Istirsha Martukíun chichaman akuptak

Istr. 4:17

Kame Martukíu nuyá̱ waketki̱ Istir timia nútiksaṉ ashí túramiayi.

Istr. 4:3

Ashí nuṉka tesarmánum pujuarmia nuka úunt akupin papí najana akuprámu jeariármaka nuiṉkia Israer shuarka kúntuts enentáimprar útainiak chíkichkia ijiarmáwar nuyá̱ útainiasha núnisaṉ útkur entsatái̱ pushin entsarusha nuyá̱ muuknum yuṉkunmin ukatmamusha ármiayi. Kame untsurí Israer shuarsha útkur entsatái̱ pushin áintkiar yuṉkunminiam tepashaa ármiayi.

Istr. 5:1

Nuya̱ṉka menaintiú tsawant naṉkaamasmatai Istirka nuwa̱ akupin entsatái̱ pushin entsar úunt akupniu je̱e̱n ajapéri̱n waya̱miayi. Úunt akupniuka wáitiniam naka ni pujutái̱ri̱n pujumiayi.

Istr. 9:31

Núnisaṉ Purim tsawant najanatin tesamu enentáimtustinian ní shuar umikiarat tusa Martukíu Israernumia̱ nu tura nuwa̱ akupin Istir papin ataksháa áararmiayi. Tura ju̱ enentáimtakur útkur kúntuts tura ijiarmár seakur pujusmaka iisha tura ukunam akiiniawartatna nusha kajinmáttsuk umiktáji tiarmia nunasha áararmiayi.

Isa. 22:12

Tuma asamtai nu tsawantinkia Ashí Akupin Uunt Yusa nu ajakmárua nuní̱ enentáimprar úttinian tura piniu awamártinian nuyá̱ kúntuts pujakur entsatái̱ pushí entsartinian untsumkattawai

Jrm. 36:9

Jusíasa uchirí̱ Juasim Jutanmaya̱ úunt akupin ajasma seṉku uwí ámanum nantusha nuiwi ai̱ nuka túrunamiayi. Uunt Yus pujamunam ijiarmáwar iruntratniun etserkarmatai ashí Jerusaréṉnumia̱ shuar tura ashí Jutanmaya̱ aentssha Jerusaréṉnum iruntrarmiayi.

Tan. 2:18

Kame Papirúnianmaya̱ nekamin ainia nuja̱i̱ métek mantamnawa̱i̱j tusa úunt akupin mesekrampramun Yus paant ujatmáktai tusar ni amikrí̱ji̱a̱i̱ iruntrar nayaimpinmaya̱ Yusa waitnenkartutairi̱n seawarmiayi.

Mat. 12:40

Junas menaintiú kashi menaintiú tsawantcha namaka ampuje̱n eṉkemiayi.Jns. 1:17 Núnisnak Wi, Aents Ajasu asan, menaintiú kashi menaintiú tsawant nuṉká jakan tepestatjai.

Ruk. 9:24

Kame shuar ju̱ nuṉkanam aya péṉker pujustaj tákuṉka nu shuar uwemtsuk jakattawai. Antsu Winia anentu asa péṉker pujustinniak enentáimtsuna nú shuarka nekas iwiaakman wainkiattawai.

Juaṉ 19:22

Tura Piratu áiniak “Wi áaraj nuke átatui” tímiayi.

Tur. 10:7

Tura Yusa suntari̱ waketkimtai Kurniriuka ni takarniúri̱n jímiaran itiamiayi. Tura suntaran chikichkiniak nemarsat tusa itiamiayi. Nu suntar ni írutramuri̱yayi. Tura Yusan enentáimtiniuyayi.

Tur. 20:24

Kame wikia jákashtajash. Túrasha warí winia itiurtawa. Wikia Yusa jinti̱i̱n warasan wekasataj tusan wakerajai. Yusai̱ wea wéakuan jáakun iniaisataj tajai. Tura nuyá̱ takatan Uunt Jesus surusmia nuna péṉker amuktaj tusan wakerajai. Jesus chichartak ‘Yus waitnenkartana nú chicham etserkata’ turutchamka.

Tur. 21:13

Tutai Papru chichaak “¿Urukamtai útkuram winia enentái̱rui̱ kúntuts awajtarum? Wi Jesusna asan Jerusaréṉnum jiṉkiatrarmataisha jákatniun ashamatsjai” tímiayi.

Tur. 27:33

Tura kashin káshik Papru ikiaká̱rtasa wakerak chichaak “Ishichkisha yurumátarum. Atumsha katurse tsawant kánutsuk yurumtsuk pujarme.

Tur. 9:9

Nui̱ jeá íimtsuk tura yurumtsuk núnisaṉ umutnasha úmutsuk menaintiú tsawant pujumiayi.

Rum. 16:4

Nisha winia uwemtikrurtai tusar jániṉkiarmiayi. Tuma asamtai yumiṉkiniajai. Tura aya wíkichu antsu ashí Israer shuarchanumia̱ Yus shuar ainia nusha yumiṉkiniawai.

Jir. 2:30

Kristu takatrí̱n takaak tí janiṉkiamai. Átum yáintkiachminia nuna winia yáintkiataj tusa pujus jániṉkiamai.

Jus. 24:15

Tura Uunt Yus nekas umirkatin nakitiakrumka ¿warí yusa umirkatarum? ¿Atumí we̱a̱tri̱ Yúpratis entsa pakarí̱n matsamsar enentáimtin armia nú yusak nuíchuka tuke nuṉkentin Amur aentsu yusri̱n umirkatarum? Yamaik turutiarum. Antsu wikia wí shuarja̱i̱ nekas Uunt Yusan umirkattajai” tímiayi.

1 Sam. 19:5

Jiristíanmaya̱ aentsun mátaj tusa ni iwiaakmari̱ncha tsuumainiam apujsamiayi túrunamtai Israer shuar ashí nupetmakarat tusa Jiuwá ti ikiakárarmai. Nuya̱ṉka úunt akupniusha timia ni jí̱jian wainkiamame tura ti warasmai. Túrayatcha ¿urukamtai umitmákchancha peṉké ántrasha itiurchat awajkati tura ántar makursha Tawitniasha maati?