Istr. 4:14 - Yus Papí: Shuarja̱i̱ Yus Yamaram Chicham Najanamu

¹⁴ Ame yamái chichachkumni̱ṉkia Israer shuar aṉkant ajastinkia núnisaṉ uwempratniusha chikichnumia̱ táartatui. Túrasha ámeka tura ame apá shuari̱sha amuukartatui. Kame ya neka yamái jú̱niniakui ame shuarum yáiṉtin náamkachuashitiam” tímiayi.

Istr. 4:14 Iomraidhean Croise

Naṉ. 22:14

Nu túruna asamtai Aprajámka nú nuṉka náari̱nkia “Uunt Yus Amaawiti” tú anaikiamiayi. Tuma asamtai yamaiya̱ ju̱i̱sha “Uunt Yusa náintri̱nkia Yus amaawiti” tiniu áiniawai.

2 Akup. 19:3

Tura chichainiak “Esekías jú̱nis chichaak ‘Ju̱ tsawantka ti kúntuts enentáimprar natsa̱a̱rar asutniátin tsawant asamtai nuwa̱ uchin takustaj tukamá tujintiak pimpir jeakcha ajana núnisar matsatainiaji.

Ists. 9:9

Warí iikia iniatai̱ pujaji túrasha nui̱ pujarni̱sha Yuska ajapanka iniaitiámsachuitji. Tura ni waitnenkartutairi̱ji̱a̱i̱ Pírsianmaya̱ úunt akupniusha iwiaaku pujustinian tsaṉkatramak ii Yusri̱ Je̱e̱ emeskamu atak awaiṉki̱ je̱a̱mtinniasha tura Jutanam tura Jerusaréṉnumsha iin waitmakat tusa tsaṉkatramkaitji.

Neem. 6:11

Nuyá̱ túrutkui wi ayakun “¿Áishmaṉ wía jú̱nin úmkaintiak? Wía jú̱ni̱nkia Uunt Yusa je̱e̱n waya̱waintiak uwemprataj tusa waya̱shtatjai” tiarjai.

Istr. 2:15

Nuya̱ṉka Apijiáira nawantri̱ Istir Martukíu ni íichri̱niun ni nawantri̱ya nútikias tsakatmarmia nu úunt akupniunam wétintri̱ jeamiayi. Niṉkia warinkish júkitniun enentáimsachmiayi. Antsu áyatik nuatcha Jekái wáinin timia nunak jukimiayi. Tí peṉker shiir enentáimtusmin asamtai Istirnaka ashí wainiarmia nusha shiir enentáimtiarmiayi.

Istr. 2:17

Istirka tí peṉker enentáimkia asamtai úunt akupin ashí nuwa̱ natsa áishmaṉja̱i̱ tsaniṉcha armia nuja̱i̱ naṉkaamas wakerukmiayi. Tura asa úunt akupin etseṉkrutai̱n muuknum etseṉkrumtikiamiayi. Tura nuik Pasti pujumia núnisaṉ yamaikia nuwa̱n akupin awajsámiayi.

Istr. 2:7

Istira aparí̱sha nukurí̱sha jákaru ásarmatai Martukíuka kaná aparí̱ nawantri̱ asamtai jukí̱ ni nawantri̱ya tímiatrus tsakatmarmia nuka shíirmach íirkauyayi. Nú nuwa̱chikia Jatasaiti kame Jatasa támaka Istir támaiti.

Istr. 4:13

Nuya̱ṉka Martukíu Istiran chichaman akuptak “Wikia úunt akupniu je̱e̱n pujá asan Israer shuarnumia̱ṉka aya wiki uwemprattajai tu enentáimsaip.

Istr. 4:15

Tura Istirsha Martukíun chichaman akuptak

Juup 9:18

Nuna túruta wáitkiarak ishichiksha peṉké mayatkachmin awajtinti.

Isa. 49:23

Kame úunt akupniuka ame uchirmin wáinin ártatui tura ni nawantri̱ ainia nusha ame uchirmin tsakatma ártatui. Núnisaṉ tikishmar ámin tsuntsumprútmawar nawemíya̱ nuṉka ju̱yu̱ri̱n nukarartatui. Nuja̱i̱ Wi Úunt Yusaitjiana nu nekaattame. Tura winia nákarainia nuka peṉké natsa̱a̱rchartatui” tawai.

Isa. 54:17

Nuyá̱ jiru ame mantamnatin najanamuka mantamashtatui. Tura sumamtikiatin tsawant jeattana nu tsawantinkia náṉkamas aents ámin aushá chichartamainia nuka íksamek ashí sumamtikiawartatme. Ju̱ka Uunt Yusan takarin ainia nu sunasartin iwiarturma nuiti tura Wini̱i̱ni̱ṉ ni péṉker túramu paant awajtúsma átatui” tawai Uunt Yus.

Jrm. 30:11

Warí Wi uwemtikrattaj tusan ámiji̱a̱i̱ pujustatjai tawai Uunt Yus. Uunt nuṉka mátsatkamu ainia nuja̱i̱ tura yajá tsakiṉmakarmaj nuja̱i̱ ashí amukártatjai. Antsu áminkia emesrashtatjame tura nekasa nuja̱i̱ métek asutiáttajme. Túrasha asuttsuk peṉké ikiukchattajme.

Jrm. 46:28

Ámeka winia takartin Jakupá ashamkaip. Warí Wi ámiji̱a̱i̱ṉkia pujajai tawai Uunt Yus. Kame ashí uunt nuṉka mátsatkamunam tsakiṉmakuitjiamna nu nuṉkanmaya̱ṉka nekasan amukártatjai. Túrasha áminkia amukchattajme antsu nekasa nuja̱i̱ métek asutiáttajme. Tura asan tunamkachua núnisnaka peṉké asuttsuka iniaisashtatjame” tawai Uunt Yus.

Riw. 26:42

Wisha núnisnak Jakupja̱i̱ tura Isakja̱i̱ nuyá̱ Aprajámja̱i̱ chícham najanawarmiajna nuna tura nuṉkancha enentáimturtatjai.

Mat. 16:18

Tura Wisha tájame, ámeka Pítruitme. Nu kayanam je̱a̱ je̱a̱mtinia áintsaṉ Yus shuaran ekenin tsakatmartatjai. Túramtai jákatniusha tura Yusa nemasri̱sha nu je̱a̱mman pukukchattawai.

Mat. 24:22

Nu wáitsatin ti esarmaitkiuiṉkia chikichkisha uwemprachainti. Tura Yus nu wáitsatniun wárik amumtikiattawai. Shuar Niniu ajasarat tusa achikma ainia nu uwemprarat tusa wárik amumtikiattawai” tímiayi.

Muis. 32:36

Kame Uunt Yus ni shuari̱ túramuja̱i̱ iirsar nekarawartatui tura ni shuari̱n amuikiarmataisha ántsaṉ emetamusha núnisaṉ aṉkant pujuiniasha juákcharmatai nuna wainiak waitnentrar ayamprúkartatui.

Suma. 15:6

Túrunamtai Jiristíanmaya̱ aentska ya emesmakuit tusar péṉker anintrúsar Sansun nuwé̱ surutkamu asa tura nuna nekaawarmiayi. Nuya̱ṉka Sansuna we̱a̱rí̱ je̱e̱n weriar Sansuna we̱a̱rí̱ncha tura emka nuwe̱ncha mantuawar ekemákarmiayi. Tura Sansunka núna nukap kajek Jiristíanmaya̱ aentsnaka ataksha núna nukap kajeṉmiayi. Núnisaṉ ashí yapajmiákan umiimiam peṉké iniaisachartatjai tímiayi. Nuna tura ikiuak Etamnum kayá wa̱a̱ amia nui̱ pujuumiayi.

1 Sam. 12:22

Warí Uunt Yuska ni naari̱ uunt asamtai ní shuari̱nkia ajapanka ikiukchattawai. Warí Ni shuar awajsatniun Niṉkia wakerukuiti.

1 Sam. 17:29

Takui̱ Tawit aya̱k “Wisha yamaisha ¿warinia túraj. Warí aya áujmattsujak?” tímiayi.