Istr. 4:11 - Yus Papí: Shuarja̱i̱ Yus Yamaram Chicham Najanamu

¹¹ Ashí úunt akupniu takarniúri̱ ainia nu núnisaṉ ashí nuṉka tesarmánum úunt akupniu aentsri̱ ainia nusha nékainiawai. Náṉkamas aents áishmaṉkesha nuwa̱ksha úunt akupniu je̱e̱n init á̱a̱ri̱n untsukchamaitiat waya̱ka chikichik akupkámuk awai. Nuka jákatniukete. Antsu áyatik úunt akupin akupkur takutai̱ kúriji̱a̱i̱ṉ najanamu iwiaintiukmaka antsu nuiṉkia iwiaaku áminiaiti. Túrasha ju̱ traintia tsawant naṉkaamasai̱ ju̱i̱ úunt akupin pujamunam peṉké untsukchamuitjiai” tímiayi.

Istr. 4:11 Iomraidhean Croise

Istr. 1:19

Tuma asamtai úunt akupniu, ámiji̱a̱i̱ péṉkeraitkiuiṉkia akupkámu umiktin chicham úunt akupniui̱ya̱ jíinkiti. Tura Pírsianmaya̱ núnisaṉ Mítianmaya̱ akupkámu yapajchatai̱ya núnis yapajniáshti tusam yamaikia Pástikia úunt akupin Asueru pujamunam peṉké weantkashti. Antsu chíkich nuwa̱n níji̱a̱i̱ṉkia naṉkaamas péṉkeran akupniu nuwe̱ úunt akupin awajsati.

Istr. 2:14

Tura niṉkia kashi we nuyá̱ tsawa̱r nuwa̱ chíkich matsamtai̱niam nuatcha Saaskas náartin akupin apujsamu nuwá̱ wáinin pujumia nú je̱a̱nam waketkimiayi. Nui̱ pujuska úunt akupin wakerak náari̱n anaitiukka untsúachmaka taa wéchamiayi.

Istr. 4:10

Nuya̱sha Istir Jatakan chicharuk “Martukíu jú̱nisam titiá.

Istr. 4:12

Tura Istira chichame̱n Martukíun ujakármiayi.

Istr. 6:4

Nuya̱ṉka úunt akupin chichaak “¿Ya a̱a̱ wajá?” támaja̱i̱ métek Aman akupniu je̱e̱n á̱a̱ri̱n taa Martukíun kajemtikra mátin iwiaramu ana ai̱ úunt akupin nenamtikiati títiaj tusa úunt akupniun wajatmiayi.

Istr. 8:4

Nuya̱ṉka Istir túmakui̱ úunt akupin akupkur takutai̱ kuriji̱a̱i̱ najanamun iwiaintiukmiayi. Túram Istir úunt akupniun wajatki̱

Tan. 2:9

Kame wi mesekrampramur paant ujatchakrumka átum asutniátniuka iwiaramuiti. Antsu waitruarum ti yajauchia nu ujatkatai tusarum atumí enentái̱ji̱a̱i̱ṉ itiur títiatjia tu enentáimkiuram wari ujattsurme. Yamaikia mesekrampramur ujatkatarum. Túrawakrumni̱ṉkia wi mesekrampramurun nekas nekartuarume títiatjarme” tímiayi.

1 Pit. 3:7

Tura áishmaṉtirmesha Yus wakerana nu nekaarum atumí nuwe̱ shiir enentáimtusrum tsaniṉtarum. Nuwemsha, nuwa̱ asa, áishmaṉja̱i̱ métek katsuntrachminiaiti. Tura nisha ámiji̱a̱i̱ métek Yusa waitnenkartutariji̱a̱i̱ tuke iwiaaku átinian takusminiaiti. Tu enentáimta asam ame núwem shiir enentáimtusta. Yus áujkuram itiurchat atsutí tusarum túratarum.