Istr. 3:7 - Yus Papí: Shuarja̱i̱ Yus Yamaram Chicham Najanamu

⁷ Asueru úunt akupin ajas tuse uwí pujái̱ Nisan nantutin uwí juármanum pur tutain Aman nakurúsmiayi. Núnaka warí tsawantini̱ṉᵏⁱ tura warí nantutini̱ṉᵏⁱ túramniait tusa túramiayi. Tura tuse nantutin Atar nantu tuinia nui̱ jeamiayi.

Istr. 3:7 Iomraidhean Croise

Ists. 4:6

Núnisaṉ Asueru úunt akupin náamak yama juármanum Jutanmaya̱ tura Jerusaréṉnumia̱ aents matsatainia nuna yajauch túruiniawai tusar tsanumprurar papin najatawarmiayi.

Ists. 6:15

Tura úunt akupin Taríu sais uwí náamak Pírsianam pujái̱ uwí amúamu nantu menaintiú tsawantai̱ Uunt Yusa Je̱e̱n amukármiayi.

Neem. 2:1

Kame úunt akupin Artajírjis painti uwí akupin ajas pujái̱ Nisan nantutin úunt akupniu umutairi̱n umasa iisan súakun wajamiajai. Tumai̱ úunt akupin kúntuts enentáiji̱a̱i̱ súchatai asa nekara chichartak

Istr. 1:3

akupin ajas menaintiú uwí pujus tí peṉker nukap yurumtai̱ namperan najanamiayi. Ashí chichaman iwiarin unuimiákaru tura akupniu yaintri̱ armia nusha núnisaṉ Pírsianmaya̱ tura Mítianmaya̱ncha suntara uuntri̱ tura aentsu peṉkeri̱ armia nusha núnisaṉ nuṉka tesarmánum uuntri̱ anaikiamu armia nusha úunt akupniui̱ ashí pujuarmiayi.

Istr. 2:16

Uunt akupin anaikiamu siati uwí jeamtai nantu tiástin Istiran úunt akupin Asueru je̱e̱n júkiarmiayi.

Istr. 9:1

Kame tuse nantu Atar nantutin tsawantka tráisetin úunt akupin chichakma tura umiktin chicham najanamusha uminkiatniuyayi. Nu tsawantinkia Israer shuara nemasri̱ armia nuka nupetkartatji tu enentáimtusarmiayi. Túrasha nuka túmatsuk antsu Israer shuaran nakitiarmia nú aentsun Israer shuar tumá nupetkarmiayi.

Istr. 9:21

Tuke uwitin Atar nantutin tsawant katurse tura kínsetin aṉkant ajasma tsawantan enentáimtustinian umikiarti tusa papin akuptúkarmiayi.

Istr. 9:5

Kame Israer shuarka ni nemasri̱nkia puya̱ja̱i̱ kajeṉkar emeskar núnisaṉ nin peṉké nakitrarmia nunasha ní wakeramun túrawarmiayi.

Neka. 16:33

Aents yaki awakmakat tusa nakuruiniakuisha aya Uunt Yusak awakmáktinniaka súwiti.

Mat. 27:35

Krúsnum ajintrurar suntar yaki Jesusa pushiri̱n jukit tusar nakurúsar awakmakua nuna súsarmiayi. Núja̱i̱ṉkia yaunchu Yúsnan etserin aarmia nu uminkiamiayi “Winia entsarmarun akantrarmiayi tura nakurúsar awakmakua nuna winia pushirun súsarmiayi.” YKan. 22:18