Istr. 3:15 - Yus Papí: Shuarja̱i̱ Yus Yamaram Chicham Najanamu

¹⁵ Úunt akupin akupeamu ásar papí juu armia nusha júkiar wárikmas wéar pepru uuntri̱ Súsanmaka etserarmiayi. Tura úunt akupniuka Amanja̱i̱ umartinian juárkiarmiayi. Túrasha nuna túmainiai̱ ashí Súsanmaya̱ṉka páchim enentáimprar pujuarmiayi.

Istr. 3:15 Iomraidhean Croise

Naṉ. 37:25

Nuna túrawar yurumátai tusar pujusármiayi. Nui̱ pujusár kamiyusha tura untsurí Ismaer aentssha Karaat nuṉkanmaya̱ wininian wáinkiarmiayi. Tura kuṉkuinian pársamun nuyá̱ míran Ejiptunam suruktinian kamiyunam juármiayi.

1 Akup. 14:27

Nu yaruakma asamtai akupin Rupuam yaṉkú jiruja̱i̱ tantaran najanak suntara uuntri̱ akupniu je̱e̱n wá̱i̱ti̱a̱i̱ri̱n wainiarmia nuna wáinkiarat tusa súsarmiayi.

Istr. 1:10

Kame nampermak pujus siati tsawant jeamtai úunt akupin wíniun umar nampek wará warat ajas ni takarniúri̱ nuatcha siati armia nuna Mejuman tura Wistan nuyá̱ Arpunan, Piktan, Apaktan, Setaran tura Kárkasan chicharainiak

Istr. 4:16

“Israer shuarka Súsanam matsatainia nu ashí irurarta. Túrarum menaintiú tsawant tura menaintiú kashi winia enentáimtursarum ijiarmátarum. Tura menaintiú tsawant tsawai̱sha káshisha yurumtsuk tura umutcha umutsuk pujustarum. Wisha núnisnak winia yáintin ju̱i̱ pujuinia nuja̱i̱ ijiarmáttaji. Kame nuna túran úunt akupniun waintiattajai. Kame nuka akupkámunmaṉka tsaṉkamkachma ai̱ṉᵏ núnaka túrattajai. Tuma asamtai jáknasha jakatjai” tímiayi.

Istr. 8:15

Tura Martukíusha akupin entsatái̱ pushin wiṉkiaja̱i̱ pújun entsar, uunt tawaspancha kuriji̱a̱i̱ najanamun etseṉkraku pátatkesha yamakáimpramun entsaru úunt akupin pujamunmaya̱ jiinkimiayi. Túrunamtai Súsanam pujuarmia nuka tí warainiak charaatum ajarmiayi.

YKan. 37:7

Uunt Yusai̱ mijiat pujusam shiir enentáiji̱a̱i̱ nákasta. Núnisaṉ aents yajauch túramuja̱i̱ páantin ajainia nu wainkiam itiurchat enentáimsaip.

Neka. 1:16

Warí yajauchin túrin ainia nuka maṉkartuataj tusar aya wáurtin áiniawai. Tuma asamtai uchiru, umirkaip.

Neka. 29:2

Yusan umirin káwenakuinkia ashí shuar warainiawai antsu akupin Yusan enentáimtichuitkiuiṉkia kúntuts pujuiniak útainiawai.

Neka. 31:4

Remuerá, ju̱ka akupin túrushtainti tura akupniúka nampekchatniuiti. Núnisaṉ uuntri̱ ainia nuka awartiun umarchatniuiti.

Ams. 6:6

Wíniusha tsapa ti úuntnum úmarme tura kuṉkuincha tí peṉker ainia nuja̱i̱ ukatmamprume. Tura Jusé shuari̱ weasha tí itiurchatnum pujakuisha ishitkisha kúntutska nekapeatsrume.

Juaṉ 16:20

Ti nekas tájarme. Átumka kúntuts pujusrum úttiatrume tura Yus shuarcha warasartatui. Tuma ai̱ṉᵏⁱ átum kúntuts pujayatrumek ukunam warastatrume.

Apu. 11:10

Nu jákarmatai ashí nuṉkanam pujuinia nú shuar ni jakamun ti wararainiak mái̱ sunai ajartatui. Kame nu jimiará aents Yúsnan áujmatenak ashí aentsun wáitkiasaru ásarmatai ti warasarmai.