Istr. 3:12 - Yus Papí: Shuarja̱i̱ Yus Yamaram Chicham Najanamu

¹² Nuya̱ṉka emka nantutin tsawantka tráisetin úunt akupniu papiri̱n ain armia nuna untsukarmiayi. Túrawar Aman timia núnaka ashí áatrarmiayi. Úunt akupniu sátrapari̱ncha núnisaṉ nuṉka tesarmánum anairamuncha ántsaṉ kapitián armia nunasha tura péprunam uuntri̱ aṉkant aṉkant nuṉka tesarmánum pujuarmia nunasha ni áatai̱ri̱ji̱a̱i̱ṉ núnisaṉ pépruncha ni chichame̱ja̱i̱ṉ úunt akupin Asueru náari̱ji̱a̱i̱ áatkar ni aniyuri̱ji̱a̱i̱ apujtua asakamiayi.

Istr. 3:12 Iomraidhean Croise

1 Akup. 21:8

Nuya̱ṉka Jisawír Akaapa náari̱ji̱a̱i̱ papin aar akupniu aniyuri̱ji̱a̱i̱ apujtua asakamiayi. Tura Nawut pujumia nu pepru úuntri̱n tura peṉkeri̱ncha akuptúkarmiayi.

Ists. 8:36

Nuya̱ṉka ni yaintri̱ sátrapa tura entsá amaini̱ kapitián armia nuna uunt akupin papí najanamun súsarmiayi. Túram nisha aentsnasha tura Yusa Je̱e̱ncha yáimkiarmiayi.

Istr. 1:22

Tuma asa úunt akupin ni nuṉké̱ nakaarma armia nui̱ṉkia aṉkant aṉkant ní áakmatairi̱ji̱a̱i̱ṉ áatrar núnisaṉ péprunka ní chichame̱ja̱i̱ṉ áatar ashí akuptuiniak ashí áishmaṉ ni je̱e̱nkia akupkarti tu áarman akuprarmiayi.

Istr. 3:11

Nu tutai úunt akupin Amanan chicharuk “Kuit támena nuka áminiuk atí. Tura nu aentssha ame wakeramna núnisaṉ túrunawarti.”

Istr. 8:2

Uunt akupin ni uwejnum awetai̱n Amannan uwejé̱n ikiursamia nuna jurukí̱ Martukíun susamiayi. Túramtai Amana je̱e̱n ni warirí̱ irunmia núnaka Istir Martukíun ashí íktusmiayi.

Istr. 9:27

Israer shuarsha tura ni uchirí̱sha tura iisha Israer shuar ajastatji tiarua nusha ju̱ tuke enentáimtutai̱ átin najanamua ju̱ka umiktatji tiármiayi. Nusha itiur áarmait ímiatrusaṉ tuke uwitin nú nantutini̱ṉ jimiará tsawant najantiatji tiármiayi.

Tan. 3:10

Uunt akupniu, ashí umputai̱n umpuiniakui tura tuntuitiai̱ncha túntuiniakui ame kuriji̱a̱i̱ najanamun ashí aents tikishmátrar shiir enentáimtusarti tusam akupkámamna núnaka umikcharai.

Tan. 6:12

Tura úunt akupniun weriar chicharainiak “Chícham nájankum traintia tsawantin aya áminiak seatmatsuk chíkich yúsnaksha núja̱i̱nchuka aentsnaksha seakka, úunt akupniu, úunt ya̱wa̱ matsamtai̱ wá̱a̱nam aju̱a̱mu atí tusam papí ¿kuesmakchamkum?” tuíniakui akupin aya̱k “Nuka nekasaiti. Kame Mítianam tura Pírsianmasha akupkámu yapajchatai̱ asamtai nui̱ túrutai̱ya nuja̱i̱ métek túramuiti” tímiayi.

Tan. 6:15

Nuyá̱ ataksha nú aentsuk irunturar akupniun chicharainiak “Úunt akupniu, amek nékame Mítianam tura Pírsianam umiktin chicham najanamun akupin ni náari̱ji̱a̱i̱ kuesmarma nuka peṉké yapaji̱áchminiaiti” tiármiayi.

Tan. 6:25

Nui̱ṉkia úunt akupin Taríu ashí aentsun tura mátsatkamu uunt nuṉka ainia nuya̱ncha núnisaṉ chíkich chíkich chichamtin ainia nuna papin áatainiak “Atumsha tuke aṉkant matsamsatarum.

Tan. 6:8

Tuma asamtai úunt akupniu, yamaikia umiktin chicham najanam yapajniáshti tusam kuesmakta. Kame Mítianam tura Pírsianmasha akupkámu yapajchatai̱ asamtai nui̱ túrutai̱ya nuja̱i̱ métek túrata” tiármiayi.