Istr. 3:1 - Yus Papí: Shuarja̱i̱ Yus Yamaram Chicham Najanamu

¹ Nu naṉkaamasu ai̱ úunt akupin Asueru Ametáta uchirí̱ Amanan Akaak aentsnumia̱n uuntri̱ awajsámiayi. Tura ashí nui̱ chichaman iwiarin unuimiákaru armia núnaka iniaṉkas Amannaka uunt awajsámiayi.

Istr. 3:1 Iomraidhean Croise

Naṉ. 41:40

Nu tuma asamtai ame winia je̱a̱rui̱ akupin ai̱ tusan ánaiyajme. Tura ashí aents ámin umirtamin ártatui. Aya wiki ashí akupin asan ámiji̱a̱i̱ naṉkaamas uunt átatjai.

Naṉ. 41:55

Tura ukunam Ejiptunmaya̱sha tsukamtemawar Parauṉkai̱ yurumak juukman seatái tusar werú wéarmiayi. Tura jeawarmatai Parauṉ ashí Ejiptunmaya̱n chicharainiak “Jusé werirum seautarum tura ashí ni títiatna nu túratarum” tímiayi.

Ists. 7:14

Warí ame Yúsrum akupkámu ame takakma tana nuja̱i̱ métek Jutaja̱i̱ Jerusaréṉ iyutarum tusa úunt akupin tura ni yaintri̱ siati ainia nu akuptámainiawai.

Istr. 1:14

Kame úunt akupniuka Karsenan, Setaran, Atmatan, Társesan, Mírisan, Marsenan tura Memukanan untsukarmiayi. Ju̱ chichaman iwiarin unuimiákaru siati armia nuka Pírsianmaya̱ núnisaṉ Mítianmaya̱ ármiayi. Kame úunt akupniuja̱i̱ áujmatsatniuṉka niṉkia aṉkant ármiayi. Núnisaraṉ akupeamunmaṉka nisha uuntri̱ náakam ármiayi.

Istr. 3:10

Nuna takui̱ úunt akupin uwejnum awetai̱n uwejnumia̱n ukuiniak Amanan Akaak shuar Ametáta uchirí̱n Israer shuara nemasri̱n susamiayi.

Istr. 5:11

Tura Amanka imiá naṉkaamas kuítriniuya nuna núnisaṉ uchirí̱sha tí untsurí armia nunasha tura itiurá úunt akupin uunt awajsámia áitkiasaṉ úunt akupin chíkich úuntri̱ji̱a̱i̱ nuyá̱ chíkich takarniúri̱ji̱a̱i̱sha naṉkamantu awajsámia nuna áujmatmiayi.

Istr. 7:6

Tutai Istir áimiuk “Ii nemasri̱ netse peṉké yajauchia nuka ju̱ Aman eketna ju̱i̱ti” tutai Amanka úunt akupniusha tura Istirsha pujuiniamunmaṉ sapijmiak jaka enentáimiá ekemiayi.

Istr. 8:3

Nuya̱ṉka ataksha Istir utki̱ úunt akupniu nawe̱n pujuras Akaak shuar Aman, Israer shuar amuukatin chicham najanamu asakátrurta tusa seamiayi.

YKan. 12:8

Yajauchin túramtai warartai áiniak netse ainia nusha téntakní̱ yujáu áiniawai.

Neka. 29:2

Yusan umirin káwenakuinkia ashí shuar warainiawai antsu akupin Yusan enentáimtichuitkiuiṉkia kúntuts pujuiniak útainiawai.

Tan. 6:2

Tura sátrapa anairamu armia nuna túramuri̱n nekaawartinian nuna úuntri̱n menaintiun anaikiarmiayi. Núnaka úunt akupin itiurchat awajnaka̱i̱ tusa túramiayi. Nu menaintiunam Taniarsha páchitkiauyayi.

Wek. 24:7

Israer shuarka entsa tuke waana núnis asa ti pampaṉkartatui. Tura ni tiraṉki̱sha árak entsá ayamach tsapái̱ péṉker tsakaana núnisar shiir pujusártatui. Ni akupniúri̱sha Akaakja̱i̱ṉkia naṉkaamas uunt átatui. Tura ni akupeamuri̱sha naṉkamantu awajnástatui.

1 Sam. 15:33

Túrasha Samuirka chicharuk “Ame puya̱rum untsurí nuwa̱n uchirtincha awajsarmai. Núnisan ame nukusha untsurí nuwa̱nam uchirtincha yamái juáktatui” tímiayi. Tura Uunt Yus íimmianum Samuir Akaakan Jirkarnum tsupir mámiayi.

1 Sam. 15:8

Nuna túrawar Amaríknumia̱ úunt akupin Akaaknaka máatsuk Saur achikmiayi antsu aentsnaka puya̱ja̱i̱ ashí amukármiayi.