Istr. 2:23 - Yus Papí: Shuarja̱i̱ Yus Yamaram Chicham Najanamu

²³ Nuya̱ṉka inintrus nekáa nekasaitkiui jimiará áishmaṉ nuatcha armia nuna yakí̱ nenawar máwarmiayi. Kame túrunawarma papinium úunt akupniusha pujai̱ṉᵏⁱ áararmiayi.

Istr. 2:23 Iomraidhean Croise

Naṉ. 40:19

Menaintiú tsawant jeamtai Parauṉ ataksha ámin sepunmaya̱ ji̱i̱rmakin yakí̱ numiniam nenatma mantamattawai. Túrutmamtai ame aya̱shmin chuaṉ yúartatui” tímiayi.

Naṉ. 40:22

Túrasha páṉkan najanniu úuntri̱nkia Jusé timia tímiatrusaṉ sué̱nam jiṉkiá nená mámiayi.

Ists. 4:15

Nusha yaunchu naṉkaamasua nu nekaatin tusar túrunawarma papinium ame apa ainia nu aarma nui̱ iistá. Túram nu yaunchu naṉkaamasua nu papinium aarma wainkiattame umiktinian nakitín peprua nu, tuma asa akupin ainia nuna tura péprun itiurchat awajin ainia nu nekaattame. Tura yáunchuya̱n umiktinian nakitín ainia nu nekaattame. Tuma asa nu pepru emeskamuiti.

Istr. 10:2

Tura Martukíu uuntri̱ ajas pujumia nui̱ ashí ni túramuri̱sha núnisaṉ ni kakarmari̱sha áitkiasaṉ úunt akupin páantin awajeak papin najanamia nusha Mítiamaya̱ tura Pírsianmaya̱ Úunt Akupin Túrunawarma Aatai̱ papí ainia ¿nuí̱ṉchuk aakma ainia?

Istr. 5:14

Nuna takui̱ ni nuwe̱ Séres núnisaṉ ni amikrí̱sha chicharainiak “Tákumka kajemtikra maatai̱ yakiri̱ seṉkuintia kuntu jeá najanmamtikiawarta. Túram kashin káshik úunt akupin chicharkum Martukíu nui̱ nenatarum titiá. Nu túram tí peṉker yurumtai̱ nampernum úunt akupniuja̱i̱ warasam waya̱ta.” Tuinia nuna Aman antuk nekas péṉkeraiti tu enentáimias kajemtikrar “maatai̱ najanatarum” tímiayi.

Istr. 6:1

Nu káshikia úunt akupin kanartinian tujintkiamiayi. Túruna chichaak “Ashí túrunama nuna winia papirui̱ áarman itiarti” tímiayi. Nuna takui̱ úunt akupniui̱ áujnasmiayi.

Istr. 7:10

Martukíu kajemtikra mátniun imia niṉki Aman najanamia nui̱ níniak nenawarmiayi. Túrawarmatai úunt akupin suir kaje̱ntkamun mikirmiayi.

Mks. 3:16

Nuyá̱ Uunt Yusan ashamin armia nu aṉkant aṉkant ni ai̱ji̱a̱i̱ áujmatainian Uunt Yus wainiak anturkarmiayi. Tura Uunt Yusan ashamainiak Ni naari̱ shiir awajainia nu tuke enentáimtusma kajinmatkichmin armi tusa Nisha íimiai̱ṉ papinium áarmiayi.