Istr. 2:18 - Yus Papí: Shuarja̱i̱ Yus Yamaram Chicham Najanamu

¹⁸ Nuya̱ṉka Istiran páantin awajeak tí peṉker yurumtai̱ namperan najatamiayi. Túrak ashí ni takarniúri̱ úuntri̱ncha tura ni akupeamuri̱n takarin armia nunasha ipiaawarmiayi. Uunt akupin kuit akiktin amia nunasha nuṉká itiarmiayi. Kame úunt akupniusha ni tsaṉkari̱n iniakmak ni warirí̱ncha ántar súsarmiayi.

Istr. 2:18 Iomraidhean Croise

Naṉ. 29:22

Nuya̱ṉka Rapan ashí ni írutramuri̱n nuatma nampernum ipiaawarmiayi.

Neem. 8:11

Tura Riwí shuarsha ashí aentsun chicharainiak “Mitia ajastarum. Warí ju̱ tsawantka Yusna akantúkma asamtai kúntuts enentáimsairap.”

Istr. 1:7

Uunt akupin tsaṉkamkamia nuja̱i̱ métek úunt akupin umutai̱ wíniun kurí piniṉnum ukatiar jukí̱ jukí̱ aentsun suármiayi. Kame piniṉsha aṉkant aṉkant niisháa niisháa najankamu ármiayi.

Istr. 9:22

Kame nu tsawantin Israer shuarka ni nemasri̱ji̱a̱i̱ aṉkantcha pujuarmia nuyá̱ aṉkant ajasármiayi. Warí kúntuts matsamtai̱ nantunka iniaisar íksaṉ ti shiir warasarti. Ántsaṉ ajakmámprar útaincha iniaisar tumá tí peṉker yurumkan iwiarkar warasar yurumáwarti. Tura ni írutramuri̱ji̱a̱i̱ mái̱ ajamnai ajainiak nuya̱sha atsumainia nunasha wariṉkish súsarti tusa umiktin chichaman aar akuptúkmiayi.

Anen. 3:11

Seúnnumia̱ nuwa̱ natsachi jíinkikiua túrarum úunt akupin Saramúṉ iiskua. Ni nuatnaiyamu tsawantin nukurí̱ etseṉkrumtikiamia nuna etseṉkrukai. Nusha ni enentáin waramtikiuk nu tsawantin túramiayi.”

Anen. 5:1

“Maa umaru, winia nua̱ru wisha ajaruí̱ támajai. Tura mira kuṉkuinniasha tura chíkich kuṉkuinniasha júurmakmajai. Tura chininiuncha tura míshkincha winianak umararmajai. Núnisnak winia wíniurnak muntsuncha umararjai.” “Maa winia amikru yurumátarum tura núkap umartarum aneamurtiram.”

Mat. 22:2

“Yus akupeamunam pachinkiartin jú̱nis enentáimpramniaiti. Úunt akupin ni uchirí̱ nuateakui nampermamai.

Mar. 6:21

Jirutías itiurak máwaj tu pujái̱ úunt akupin Irutis ni akiiniamu tsawantri̱ jeamtai ni suntari̱ncha Kariréanmaya̱ úuntri̱ncha kuítrintin armia nunasha untsukar namperan najanamiayi.

Ruk. 14:8

“Nuatnaikiatin nampernum peṉkeri̱ pujutai̱nium pujusaip. Nui̱ pujakminkia chíkich ámiji̱a̱i̱ naṉkaamas peṉkeri̱ táchatpiash.

Apu. 11:10

Nu jákarmatai ashí nuṉkanam pujuinia nú shuar ni jakamun ti wararainiak mái̱ sunai ajartatui. Kame nu jimiará aents Yúsnan áujmatenak ashí aentsun wáitkiasaru ásarmatai ti warasarmai.

Apu. 19:9

Nuyá̱ nayaimpinmaya̱ suntar turutmiai “Ju̱ áatrarta ‘Murik nuatma nampernum ipiaamu ainia nuka ti shiir warasarti.’ Tu aartá, turutmiai. Ju̱ka Yus timia asa imiá nekasaiti.”