Istr. 2:16 - Yus Papí: Shuarja̱i̱ Yus Yamaram Chicham Najanamu

¹⁶ Uunt akupin anaikiamu siati uwí jeamtai nantu tiástin Istiran úunt akupin Asueru je̱e̱n júkiarmiayi.

Istr. 2:16 Iomraidhean Croise

Ists. 4:6

Núnisaṉ Asueru úunt akupin náamak yama juármanum Jutanmaya̱ tura Jerusaréṉnumia̱ aents matsatainia nuna yajauch túruiniawai tusar tsanumprurar papin najatawarmiayi.

Ists. 7:8

Artajírjis úunt akupin ajasmaka siati uwí tura nantusha seṉku jeamunam Ístras Jerusaréṉnum jeamiayi.

Istr. 2:1

Uunt akupin Asueru kajekmári̱n iniaṉkas pujus Pasti túramia nuna núnisaṉ úunt akupniui̱ṉkia atakka peṉké táchati tu chichaman najanawarmia nuna ti enentáimturmiayi.

Istr. 2:15

Nuya̱ṉka Apijiáira nawantri̱ Istir Martukíu ni íichri̱niun ni nawantri̱ya nútikias tsakatmarmia nu úunt akupniunam wétintri̱ jeamiayi. Niṉkia warinkish júkitniun enentáimsachmiayi. Antsu áyatik nuatcha Jekái wáinin timia nunak jukimiayi. Tí peṉker shiir enentáimtusmin asamtai Istirnaka ashí wainiarmia nusha shiir enentáimtiarmiayi.

Istr. 2:17

Istirka tí peṉker enentáimkia asamtai úunt akupin ashí nuwa̱ natsa áishmaṉja̱i̱ tsaniṉcha armia nuja̱i̱ naṉkaamas wakerukmiayi. Tura asa úunt akupin etseṉkrutai̱n muuknum etseṉkrumtikiamiayi. Tura nuik Pasti pujumia núnisaṉ yamaikia nuwa̱n akupin awajsámiayi.

Istr. 2:3

Tura úunt akupin ni akupeana nui̱ ashí nuṉka tesarmánum takarniúri̱ uuntri̱ pujuarmia nu nuwa̱ natsa áishmaṉja̱i̱ tsaniṉcha ashí shíirmach iirka ainia nuna e̱a̱tkarti tiármiayi. Tura irur pepru uuntri̱ Súsanam akupniu nua̱ri̱ya nútikias irurar apujsamunam Jekái nuatcha áishmaṉ nuwá̱ wáinin pujamunam júkiarti. Túramtai kuṉkuinji̱a̱i̱sha tura aya̱sh iwiartai̱ yakamatai̱ji̱a̱i̱sha ni iwiarmamtikrarti.

Istr. 8:9

Tura nu chichamaik úunt akupniunu papí ain armia núnaka nántuka menaintiunam tura tsawantka paintitráistin untsukarmiayi. Kame Martukíu timia ímiatrusaṉ Israer shuarnaka tura sátrapancha nuyá̱ uuntri̱ armia nunasha nuṉka tesarmánum uuntri̱ anaikiamu armia nunasha Íntianmaya̱ juarki̱ Itiupía ímianai papí áarman akuprarmiayi. Tura ashí siantu paintisiáti nuṉka tesarmánum pujuarmia núnaka ní aatai̱ri̱ji̱a̱i̱ métek tura ashí aentsnasha aṉkant aṉkant ní chichame̱ja̱i̱ṉ áatkarmiayi. Tura Israer shuarnaka ní aatai̱ri̱ji̱a̱i̱ṉ tura ní chichame̱ja̱i̱ métek áatkarmiayi.