Istr. 2:15 - Yus Papí: Shuarja̱i̱ Yus Yamaram Chicham Najanamu

¹⁵ Nuya̱ṉka Apijiáira nawantri̱ Istir Martukíu ni íichri̱niun ni nawantri̱ya nútikias tsakatmarmia nu úunt akupniunam wétintri̱ jeamiayi. Niṉkia warinkish júkitniun enentáimsachmiayi. Antsu áyatik nuatcha Jekái wáinin timia nunak jukimiayi. Tí peṉker shiir enentáimtusmin asamtai Istirnaka ashí wainiarmia nusha shiir enentáimtiarmiayi.

Istr. 2:15 Iomraidhean Croise

Istr. 2:14

Tura niṉkia kashi we nuyá̱ tsawa̱r nuwa̱ chíkich matsamtai̱niam nuatcha Saaskas náartin akupin apujsamu nuwá̱ wáinin pujumia nú je̱a̱nam waketkimiayi. Nui̱ pujuska úunt akupin wakerak náari̱n anaitiukka untsúachmaka taa wéchamiayi.

Istr. 2:16

Uunt akupin anaikiamu siati uwí jeamtai nantu tiástin Istiran úunt akupin Asueru je̱e̱n júkiarmiayi.

Istr. 2:3

Tura úunt akupin ni akupeana nui̱ ashí nuṉka tesarmánum takarniúri̱ uuntri̱ pujuarmia nu nuwa̱ natsa áishmaṉja̱i̱ tsaniṉcha ashí shíirmach iirka ainia nuna e̱a̱tkarti tiármiayi. Tura irur pepru uuntri̱ Súsanam akupniu nua̱ri̱ya nútikias irurar apujsamunam Jekái nuatcha áishmaṉ nuwá̱ wáinin pujamunam júkiarti. Túramtai kuṉkuinji̱a̱i̱sha tura aya̱sh iwiartai̱ yakamatai̱ji̱a̱i̱sha ni iwiarmamtikrarti.

Istr. 8:1

Nu tsawantini̱ṉ úunt akupin Asueru Israer shuara nemasri̱ Amanai̱ irunmia núnaka nuwa̱ akupin Istiran ashí susamiayi. Tura Istirsha Martukíuka wí shuaraiti tusa ujakma asa Martukíuka úunt akupniui̱ támiayi.

Istr. 9:29

Nuyá̱ nuwa̱ akupin Istir Apijiáira nawantri̱ Martukíuja̱i̱ ni kakarmari̱ji̱a̱i̱ Purimian pachis ataksháa papin áararmiayi.

Neka. 15:33

Yusa naari̱ shiir awajsatniuka ti neka átinian jintinkiartiniaiti. Tura shiir awajtin árat tákurkia emka péejchach átiniaiti.

Anen. 6:9

Nuyá̱ chikichkiti winia yámpitschirka imiá peṉkeri̱nkia. Úunt akupniu nua̱rí̱ armia nusha tura apatramuri̱sha niṉkia naṉkamantu awajiármiayi. Nuwa̱ natsachisha wáinkiarmiayi tura nekas shíiraiti tu tiármiayi.

Anen. 8:10

“Wikia wénukaitjiai tura winia muntsurka je̱a̱ tsakatskatniua núnin áiniawai. Tuma asan aneamur íismaka wampu enentáin aṉkant átini̱n wainkia núniniaitjiai.

Tur. 7:10

Tuma asa ashí ni itiurchatri̱i̱nia̱ uwemtikramiayi. Tura waitnenkartutairi̱ncha nekatairi̱ncha susamiayi. Tuma asamtai Ejiptunam úunt akupin Parauṉ Ejiptu nuṉkáa akupniúri̱ ajasat tura ni je̱e̱n wainniuri̱ ajasat tusa anaikiamiayi.