Istr. 10:3 - Yus Papí: Shuarja̱i̱ Yus Yamaram Chicham Najanamu

³ Martukíuka Israer shuarauya nuka tí paantniuyayi. Túrasha aya úunt akupin Asueru niji̱a̱i̱ naṉkaamas úuntauyayi. Tuma asamtai Israernumka niṉkia untsurí aents shiir enentáimtiarmiayi tura ántsaṉ arantúkmauyayi. Ni shuari̱ péṉker matsamsarat tusa wakerak aṉkant pujusárat tusa chichampriniuyayi.

Istr. 10:3 Iomraidhean Croise

Naṉ. 41:40

Nu tuma asamtai ame winia je̱a̱rui̱ akupin ai̱ tusan ánaiyajme. Tura ashí aents ámin umirtamin ártatui. Aya wiki ashí akupin asan ámiji̱a̱i̱ naṉkaamas uunt átatjai.

Naṉ. 45:10

Ashí uchirtiuk tiraṉkri̱ntiuk ashí taṉkurtiuk ashí ni takakna nuja̱i̱ mash yarumak winití, Kusen nuṉkanam winí̱ tíjiu̱ch pujusat.

Naṉ. 45:11

Warí tíjiu̱ch pujakuiṉkia tsukái wáitsara̱i̱ṉ tusan ashí niji̱a̱i̱ írutra ainia nunasha yurumkanka súsartatjai. Warí tuke seṉku uwí tsukaja̱i̱ wáitniaschattuak túramui’ titiarum.

Neem. 2:10

Túrasha Urun aents Samparát nuyá̱ ni takarniúri̱ Amun aents Tuwías nuna antukar yaaksha taar Israer shuarnan péṉkeran túrawara̱i̱n tusar peṉké nakitiáiniak kajearmiayi.

Istr. 2:5

Nu pepru uuntri̱ Súsanam áishmaṉ Israer shuar Martukíu náartin pujuyayi. Nisha Jaira uchirí̱yayi Semái tiraṉki̱ nuyá̱ apachrí̱ṉkia Kish tura nuka Piṉjiamín wea ármiayi.

Istr. 3:2

Túrunamtai nui̱ úunt akupniu takarniúri̱ pujuarmia nuka Amanan úunt akupin túratarum timia ásar ashí tsuntsumpruáwar tikishmátiarmiayi. Túrasha Martukíuka tikishmátratniuncha tura shiir awajsatniuncha peṉké nakitrámiayi.

Tan. 5:16

Kame mesekrampramun nekáa warí tawa nuna ujakratniuiti tura itiurchata nunasha nékawiti táman anturkajme. Tuma asamtai yamaikia jú̱ aarma áujsam waritia áarmait nu ujatkákminkia tí peṉker pushí yamakáimpramun áentsran nuyá̱ nuṉkutai̱ kúriji̱a̱i̱ṉ najanamun unuṉkrattajme. Nuya̱ṉka akupin pátatka nuyá̱ patatka winia akupeamurui̱ pujustatme.”

Tan. 5:29

Nuya̱ṉka úunt akupin Pirsasár chichaku asamtai Taniaran tí peṉker pushí yamakáimpramun áentsrar nuṉkutai̱ kúriji̱a̱i̱ṉ najanamuncha unuṉkrarmiayi. Nuya̱ṉka akupeamunam úunt akupin pátatka nuyá̱ patatka úuntaiti tusa etserarmiayi.

Tan. 6:3

Kame ti shiir wakaní̱ takaku asa ashí uuntri̱ tura sátrapa armia nui̱sha aya Taniarak nekaska páantniuyayi. Tuma asamtai Taniarnaka ashí ni akupeamuri̱n uuntri̱ awajsataj tusa úunt akupniuka wakerimiayi.

Rum. 10:1

Yatsuru, Israer shuar uwemprarat tusan ti wakerakun Yusan áujtajai.

Rum. 14:18

Ashí shuar Krístun núnis umireakui Yussha tura chíkich shuarsha péṉker enentáimtuiniawai.

1 Sam. 18:16

Túrasha Israernumia̱ṉka tura Jutanmaya̱sha Tawitniaka ashí anearmiayi. Warí, mesetan ashiintiakush ní yarum wéarmiayi núnisan waketainiaksha niṉki ikianiarmiayi.