Istr. 10:2 - Yus Papí: Shuarja̱i̱ Yus Yamaram Chicham Najanamu

² Tura Martukíu uuntri̱ ajas pujumia nui̱ ashí ni túramuri̱sha núnisaṉ ni kakarmari̱sha áitkiasaṉ úunt akupin páantin awajeak papin najanamia nusha Mítiamaya̱ tura Pírsianmaya̱ Úunt Akupin Túrunawarma Aatai̱ papí ainia ¿nuí̱ṉchuk aakma ainia?

Istr. 10:2 Iomraidhean Croise

1 Akup. 11:41

Nuyá̱ Saramúṉka chíkich túramuri̱ṉkia tura ashí ni najankamuri̱sha núnisaṉ nekatairi̱sha ni túramu papiniumka ¿áakchamuk ainia?

1 Akup. 14:19

Kame Jirupuáma chíkich túramuri̱ṉkia núnisaṉ mesetnum mánaikmari̱sha nuyá̱ itiur akupkámia nusha Israernumia̱ Úunt Akupin Túrawarma Aatai̱ papinium aakma áiniawai.

1 Akup. 22:39

Tura Akaapa chíkich túramuri̱ṉkia nuyá̱ ashí najankamuri̱sha núnisaṉ yajasma wajinkiji̱a̱i̱ ni je̱e̱n je̱a̱mmia nusha tura péprun najankarmia nunasha Israernumia̱ Úunt Akupin Túrawarma Aatai̱ papinium áakchamukait.

Istr. 2:23

Nuya̱ṉka inintrus nekáa nekasaitkiui jimiará áishmaṉ nuatcha armia nuna yakí̱ nenawar máwarmiayi. Kame túrunawarma papinium úunt akupniusha pujai̱ṉᵏⁱ áararmiayi.

Istr. 6:1

Nu káshikia úunt akupin kanartinian tujintkiamiayi. Túruna chichaak “Ashí túrunama nuna winia papirui̱ áarman itiarti” tímiayi. Nuna takui̱ úunt akupniui̱ áujnasmiayi.

Istr. 8:15

Tura Martukíusha akupin entsatái̱ pushin wiṉkiaja̱i̱ pújun entsar, uunt tawaspancha kuriji̱a̱i̱ najanamun etseṉkraku pátatkesha yamakáimpramun entsaru úunt akupin pujamunmaya̱ jiinkimiayi. Túrunamtai Súsanam pujuarmia nuka tí warainiak charaatum ajarmiayi.

Istr. 8:2

Uunt akupin ni uwejnum awetai̱n Amannan uwejé̱n ikiursamia nuna jurukí̱ Martukíun susamiayi. Túramtai Amana je̱e̱n ni warirí̱ irunmia núnaka Istir Martukíun ashí íktusmiayi.

Istr. 9:4

Kame úunt akupniu je̱e̱nkia Martukíuka tí uuntauyayi núnisaṉ ni páantniuri̱ncha ashí nuṉkanam etsernarmiayi. Túmak nuna naṉkaamas uunt ajakí̱ wémiayi.

YKan. 18:35

Ame uwemtikkiartutai tantarum surusume. Untsuur uwejmiji̱a̱i̱ emetruame. Túram ashí péṉker jintiukit tusam yaintkiame.

Tan. 2:48

Kame nuna tinia úunt akupniusha Taniaran shiir enentáimtus ashí naṉkamantu awajás tí shiira nuna ántar súsatniun núkap suramiayi. Tura Papirúnia nuṉka uuntri̱ awajás núnisaṉ Papirúnianmaya̱ neka armia nuna uuntri̱ awajsámiayi.