Istr. 1:7 - Yus Papí: Shuarja̱i̱ Yus Yamaram Chicham Najanamu

⁷ Uunt akupin tsaṉkamkamia nuja̱i̱ métek úunt akupin umutai̱ wíniun kurí piniṉnum ukatiar jukí̱ jukí̱ aentsun suármiayi. Kame piniṉsha aṉkant aṉkant niisháa niisháa najankamu ármiayi.

Istr. 1:7 Iomraidhean Croise

1 Akup. 10:21

Úunt akupniu Saramúṉka umutairi̱sha aya kúrik ármiayi. Núnisaṉ “Ríwianu Kampuntin Je̱a̱” náartinnium piniṉ irunmia nusha kuitji̱a̱i̱ najanachma antsu aya kúriji̱a̱i̱ṉ najankamu ármiayi. Warí Saramúṉ pujumia nui̱ṉkia kuít jiruka peṉké ántrauyayi.

Istr. 1:8

Kame umartinkia aṉkant ámiayi. Tuma asamtai útsukchamuja̱i̱ umartin ármiayi. Warí úunt akupin ni takarniúri̱ úuntri̱n chicharainiak “Umartinkia yaaksha útsukairap antsu aṉkant aṉkant ni jeana nuja̱i̱ métek umararti” tímiayi.

Istr. 2:18

Nuya̱ṉka Istiran páantin awajeak tí peṉker yurumtai̱ namperan najatamiayi. Túrak ashí ni takarniúri̱ úuntri̱ncha tura ni akupeamuri̱n takarin armia nunasha ipiaawarmiayi. Uunt akupin kuit akiktin amia nunasha nuṉká itiarmiayi. Kame úunt akupniusha ni tsaṉkari̱n iniakmak ni warirí̱ncha ántar súsarmiayi.

Mat. 4:24

Ashí Siria nuṉkanam Jesus tsuákratman nekaawar ashí náṉkamas suṉkurja̱i̱ wáitin armia nuna Jesusan tsuarti tusa itiariármiayi. Ashí jáiniancha, najaimiancha, iwianchrukuncha, wáuruncha, emearuncha Jesus tsuármiayi.