Istr. 1:12 - Yus Papí: Shuarja̱i̱ Yus Yamaram Chicham Najanamu

¹² Túrasha úunt akupin nuatcha áishmaṉja̱i̱ chícham akuptúkmaitiat akupniu nua̱rí̱ Pástikia umiktinian nakitmiayi. Túramtai úunt akupin ti kajek suíran ka̱e̱ kaje̱ntkamiayi.

Istr. 1:12 Iomraidhean Croise

Naṉ. 3:16

Nuyá̱ nuwa̱n chichareak “Ajaprukmesha najaimiakum ti wáitin átatme tura uchi takakmesha ti najaimiakam takúu átatme. Ame áishrum nupetkattsam wakerittiame túrasha niṉkia ame úuntrum átatui” tímiayi.

Istr. 1:11

“Uunt akupniu nua̱rí̱ Pasti etseṉkrutai̱ri̱ etseṉkrumtikiarum ashí péprunmaya̱ aents tura uuntri̱ matsatainia ju̱i̱ itiatárum” ni shíirmari̱n iniakmamsat tusa akuprámiayi. Warí niṉkia shíirmach íirkauyayi.

Istr. 1:13

Túruna núnisaṉ tuke túrutai̱ asamtai akupkámu umiktin chichaman tura umikchamtaisha warí túratniua tsaṉkatkamuit tusa unuimiákaru armia nuna úunt akupniuka anintrúsmiayi.

Istr. 7:7

Nuya̱ṉka úunt akupin nuna nekáa ti kajek péṉker yurumtainmaya̱ ajapa ikiuak kuku̱j aja úunt akupniu je̱e̱n amia nui̱ wémiayi. Antsu Amanka úunt akupin Amanka mantamnati títinian nekaama nuwa̱ akupin Istirai̱ jáka̱i̱j antsu iwiaakmarun chichampruktaj tusa nuiṉ wajas juákmiayi.

YKan. 74:1

¿Yusá urukamtai túkesha ajapa inikiartusum? Tura Ame sa̱a̱krumíya̱ murik árincha ¿urukamtai kajerkartukuitiam?

YKan. 79:5

Jiuwaá ¿urutma tsawanta kajeká pujustatam tura túkek kajektatam? ¿Ame akasmatairmeka ji kapá̱a̱ núniniak tuke átata?

Jiin. 32:19

Nuya̱ṉka Muisaissha matsamkamunam támiayi. Nui̱ taa Israer shuar waakan kuriji̱a̱i̱ nakumak najanawar jantsempru matsamtuinian wainiak ti kajekmiayi. Tura jimiará kaya Akupkámu Chicham áarman takakuya núnaka Senái táritkiamuri̱n aji̱a̱r tsáirmiayi.

Jiin. 32:22

Tutai Araun áimiuk “Winia uuntru kajertukaip. Ju̱ aents aya yajauchiniak túratniun enentáimin ainia nu, paant nékame.

Neka. 19:12

Uunt akupniu kajetáiri̱ṉkia úunt ya̱wa̱ kajeana ántsaiti tura ni waitnenkartutairi̱ṉkia sana nupa̱n ukatna núnisaiti.

Neka. 20:2

Úunt akupniu kajetái̱ri̱nkia úunt ya̱wa̱ ashamái̱ chichana núnisaiti tuma asa ákajeana nuka niṉki yajauch awajmámniuiti.

Tan. 2:12

Nu tutai úunt akupin ti kajek Papirúnianmaya̱ nekamin pujuinia nuka mash mátarum tusa akupkámiayi.

Tan. 3:13

Tuíniakui úunt akupin Napukutunusúr ti kajek chichaak “Shatraaksha, Mishaaksha, Awitníkiusha wárik itiatárum” tutai nuya̱i̱k nu natsa armia nuna akupniúnam itiarmiayi.

Tan. 3:19

Nuiṉkia úunt akupin Napukutunusúr Shatraakan, Mishaakan, Awitníkiuncha ti kajerkar ni suntari̱n akupénak “Ji tuke ikiapátaiji̱a̱i̱sha iniaṉkakrum ikiapárum siati awena utsuetarum” tímiayi.

Ipi. 5:22

Núwa̱ka Krístun umirna núnisaṉ ni áishri̱ncha umirkatniuiti.

Ipi. 5:24

Nu asamtai Yus shuar Krístun umirin áiniawai. Núnisaṉ ashí ana nuja̱i̱ nuwa̱ ni áishri̱n umirkatniuiti.

Muis. 29:20

Nuyá̱ Uunt Yuska ni kajetáiri̱ tura akasmatairi̱nti, ji keak mukuintiana núninia nuja̱i̱ tsaṉkuratniun peṉké nakitrattawai. Tura ashí yajauch yumiṉ jú̱ papinium aarma nu jeartiatui. Nuyá̱ ju̱ nuṉkanmaya̱ṉka Uunt Yus ni náari̱n japirattawai.

1 Pit. 3:1

Tuma asamtai nuwa̱tiram atumí aishri̱ umirkatarum. Amesha péṉker Yus umirka weká asakmin áishrum Yus chichaman umirchaitiat ame túramurmin nekáa ámeka chichaatsmini̱ṉ nisha Yus shuar ajastinian wakerittiawai.