Isr. 9:9 - Yus Papí: Shuarja̱i̱ Yus Yamaram Chicham Najanamu

⁹ Nusha yamái pujuiniajⁱ nuna enentáimtikrampratniuitji. Shuar Yus shiir enentáimtikratniun taṉkun maa suíniaksha nu shuar ni yajauch túrutairi̱ji̱a̱i̱ tuke itit enentáimtumarmiayi.

Isr. 9:9 Iomraidhean Croise

Rum. 5:14

Ataṉ pujumia nuyá̱ Muisais tuke akupeatsa̱i̱ṉ shuara tunaarí̱ paantcha ai̱ṉ ashí shuar tunaan túrawar jákarmiayi. Kame ni tunaarí̱ Ataṉna áintsachuyayi. Ataṉka Yus akupkámu paant ujakman umirkachmiayi. Antsu nu shuar Yus akupkámu paant nékainiachiataṉ tunaan túrin áiniak jákarmiayi. Tura Ataṉka Krístuja̱i̱ apatkar enentáimpratai.

Kar. 3:21

¿Tura Yus jimiará chichamja̱i̱ chichaawak, tíchaintmeash. Emka Aprajáman “Ju̱ja̱i̱ uwemprattame” tíchamkia, nuyá̱ Muisaisan ni akupkámuri̱n súsachmakia? tíchaintmeash. Tura áintsachuiti. Nekaata, akupkámu umirkatniuja̱i̱ Yusja̱i̱ tuke péṉker pujusminiaitkiumka nuyá̱ aya akupkámuja̱i̱ uwempram yajauch túramuja̱i̱nchu ajasaintme.

Isr. 10:11

Tura Israer shuarnumia̱ Yúsnan pujurin ashí tsawantai̱ nú taṉkunnak máwar yajauchin asakáchunak Yusan ti suu áiniawai.

Isr. 11:19

Aprajám “mámtaisha Yus iniantkíttiawai” tu enentáimpramiayi. Tura Yus ukunam mátniun suritkiamtai Isakan máchiat nekas jákatniunmaya̱ uwempran nantakniua áintsaṉ wainkiamiayi.

Isr. 5:1

Tura Yúsnan pujurniu úuntri̱ṉkia shuar anaikiamuiti tura ni takatrí̱ jímiaraiti. Yusai̱ shuarnan chicharsatniuiti. Nuya̱sha Yus suíniamun súsatniuiti tura núnisaṉ taṉkun maa Yusan súsatniuiti shuara yajauchiri̱n asakátratniun.

Isr. 7:11

Muisais akupkámunam Riwí shuarnumia̱ aya Araun wea shuar Yúsnan pujurin ármiayi. Nisha Muisais akupkámu timia nuja̱i̱ métek peṉké shuarja̱i̱ takasarmiayi. Tura Riwí shuarnumia̱ Yúsnan pujurniu takatrí̱ji̱a̱i̱ yajauchin nekas asakárminiaitkiuiṉkia Yúsnan pujurin yamarmaka Araun weachu anaikiashtin ainti. Túrasha Yus Jesusan Mirkiseték amia áinis Yúsnan pujurniun anaikiaiti. Nusha Araun weachuiti.

Isr. 8:4

Ju̱yá̱ Yúsnan pujurin Muisais timia nuna Yusan yamaisha susamin akui Jesus ju̱ nuṉkanam pujakka Yúsnan pujurin áchainti. Antsu nayaimpiniam takaawai.

Isr. 9:24

Kame Krístuka Yusa Je̱e̱n aents najanamu nayaimpinmaya̱ṉ aya nakumea nui̱ waya̱tsuk antsu nekas nayaimpiniam Yus pujamunam wayá̱ iin áujturmaji.

1 Pit. 3:21

Nu yumi Yus shuarti imiantinian nakumui. Ii aya̱shi̱ chamir awajsatai tusar imiantsuji. Antsu ii enentái̱ péṉker atí tusar Yus sear imianji. Nuja̱i̱ iisha uwemji. Jesukrístu nantakin asamtai nuja̱i̱ uwempraitji.