Isr. 9:5 - Yus Papí: Shuarja̱i̱ Yus Yamaram Chicham Najanamu

⁵ Kame Yusa winchari̱n nakumainia nú kirupín nui̱ pátatek wajasar Tunaan Akikmatrukmatai Tsaṉkurnatai̱ ni nanape̱ja̱i̱ nukuarmiayi. Túrasha nu yamaikia tímiatrusar jintiarar áujmattsachminiaiti.

Isr. 9:5 Iomraidhean Croise

2 Akup. 19:15

Tura nui̱ Uunt Yusan seak “Uunt Yusru, Israera Yúsri̱nme, kirupín téntakma ajapén Ame akuptai̱ pujutái̱ram pujamna nuitme. Núnisaṉ Amek ashí nuṉkanmaya̱ akupeamu ainia nuna Úuntri̱nme. Kame nayaimpisha nuṉkasha najankaitme.

YKan. 80:1

Israer shuar wáinniuitmena nu antukta. Murikiu wainniua núnisam Jusé ámeka wainkiam ewekámme. Kirupín ainia nu matsatmanum ajapén pujutainiam Ámeka tsáapin ajasam pujusta.

YKan. 99:1

¡Jiuwaka akupkui! ¡Aentska kurainiak tákeer ajartatui! Kirupín téntakma Niṉkia ajapén pujawai. Núnisaṉ nuṉkasha muchitrati.

Riw. 16:13

Nui̱ Uunt Yus pujamunam kuṉkuin áestai̱niam jinia kaí̱ri̱ kapa̱a̱munam kuṉkuinian eṉkea áestak mukuintiuri̱sha Yusna Eṉketai̱ etektuktai̱ri̱n Tunaan Akikmatrukmatai Tsaṉkurnatai̱n mash amuattawai. Nuna túrakka Arauncha jákashtatui.

Riw. 16:2

Nui̱ Uunt Yus Muisaisan chicharuk “Ame yátsum Araun ujakta nisha náṉkamas tsawantin Ti Shiir Tesamunam tarach ejamua nui̱ init waya̱wa̱i̱ṉ. Tura Tunaan Akikmatrukmatai Tsaṉkurnatai̱ya nui̱ weantkashti, jáka̱i̱ṉ. Kame Wikia Yusna Eṉketai̱ etektutai̱ri̱n Tunaan Akikmatrukmatai Tsaṉkurnatai̱ya nui̱ yuraṉminiam wantinkiattajai.

Rum. 9:4

Israer wea shuar áiniawai. Tura ni uchirí̱ya áinis Yus achikiáruiti. Yusa winchari̱sha niji̱a̱i̱ pujumiayi. Yaunchu Chicham ni we̱a̱trí̱ji̱a̱i̱ iwiaramuncha tura Muisais akupkámuncha susamiayi. Tura Yusa Je̱e̱n Nin shiir awajsatniun jintintiámiayi. Tura ukunam shiir tsaṉkatkattana nunasha ujakmiayi.

Ipi. 3:10

Yamaikia ashí nayaimpiniam pujuinia nuka Yus ni shuari̱i̱n túrunamun iisar Yuska imiá neka asa ashí enentáimniua nuna paant nékainiawai.

Isr. 4:16

Yus waitneṉkratakur akupin pujutai̱niam shiir enentáiji̱a̱i̱ arantutsuk weantúktiniaitji. Tura Yus iin anenma asa waitnentramak itiurchat pujajnia nui̱ yaintmaktatji.

1 Pit. 1:12

Tura ni pujuiniai̱ṉkia túrunashtinian antsu ti ukunam ii pujajnia ju̱i̱ túrunatniun Yus nekaamtikiamiayi. Núnaka Yusa shiir chichame̱n ujatmákarmia nú shuar nekaprutmarme. Nú shuar Yusa Wakaní̱ nayaimpinmaya̱ akupkámu ana nuna nekatairi̱ji̱a̱i̱ ujatmákurme. Maa, nu uwempratniun tájana nuna nayaimpinmaya̱ suntar nekaatai tusar wakeruiniawai túrasha tujintiainiawai.

1 Sam. 4:4

Tuma asamtai Ashí Akupin Uunt Yus ni akupkur pujutái̱ri̱ṉkia kirupín matsatmanum ajapén ana núnan Yusna Eṉketai̱ Sírunmaya̱ utitiarum tusa Israer shuarka akupkarmiayi. Tura Irí mai̱ uchirí̱ Upni Piniasja̱i̱ṉkia Yus Aentsja̱i̱ Chícham Najanamu Eṉketai̱ pujamunam pujuarmiayi.