Isr. 9:4 - Yus Papí: Shuarja̱i̱ Yus Yamaram Chicham Najanamu

⁴ Nui̱ kuṉkuin áestutai̱sha núnisaṉ Yus Aentsja̱i̱ Chícham Najanamu Eṉketai̱sha takamtsuk kurimpramu pujuarmiayi. Kame nú eṉketai̱niam init piniṉ kúriji̱a̱i̱ najanamunam maná yurumak eṉkeamu tura Arauna wai̱ri̱ je̱e̱rmia nusha núnisaṉ jimiará kaya pakanam Akupkámu Chicham Yus áarmasha nui̱ eṉkemármiayi.

Isr. 9:4 Iomraidhean Croise

1 Akup. 7:50

Nu arantcha piniṉnasha tura ekemátai̱ri̱ncha, amamkuncha, uṉkushpincha kuṉkuin eṉkea áestutai̱ncha aya kúriji̱a̱i̱ṉ najankamai. Núnisaṉ Yusa Je̱e̱n nékatka wáitiri̱ nuyá̱ Shiir Tesamu tura Imiá Shiir Tesamu wáitiri̱ armia nunasha urantái̱ri̱ perkamuri̱ncha kuriji̱a̱i̱ najankamai.

1 Akup. 8:21

Yaunchu Ejiptu nuṉkanmaya̱ ii we̱a̱trí̱n ji̱i̱r Yus Aentsja̱i̱ Chícham Najanamu Eṉketáiniam chumpiru apujsatniun iwiarturjai” tímiayi.

1 Akup. 8:9

Nú Eṉketáiniam aya jimiará kaya eṉkemniuyi. Kame Israera shuari̱ Ejiptunmaya̱ jíinkiar tura Urep nainnium jeawarmatai Uunt Yus Israera shuari̱ji̱a̱i̱ chichaman najanamun Muisais nu jimiará kayanam nu chichaman áarmiayi. Tura tuke Urep nainnium pujus Muisais nu kayan Yusna Eṉketáiniam eṉkeamiayi.

Jiin. 26:33

Nuyá̱ tsauka nenarma ainia nui̱ awaṉturam nu tarach ejaata. Tura nu tarach ejaamu initiaani̱ Yus Aentsja̱i̱ Chícham Najanamu Eṉkeamua nu nui̱ apujsata. Kame tesar tarach ejaamua nuka nékatkaka Shiir Tesamu tutai tura initiaani̱ṉkia Imiá Shiir Tesamu tutainti.

Jiin. 31:18

Núnisaṉ Senainium Yus Muisaisja̱i̱ chichasua umik jimiará kayanam Akupkámu Umiktin Chichaman Yus ni uwejé̱ja̱i̱ áarman susamiayi.

Jiin. 32:15

Nuyá̱ Muisais Senainiumia̱ jimiará kaya pakamámunam akupkámu chicham ju̱í̱ni̱sha á̱a̱wini̱sha mai̱ paen áarman takukí̱ táamiayi.

Jiin. 34:29

Nuyá̱ Muisais Senainiumia̱ jimiará kayanam Akupkámu Umiktin Chicham áarman takaku támiayi. Nui̱ Muisais Uunt Yusja̱i̱ chichasua tau asa ni yapí̱ winchar ajaamuncha nekaamachmiayi.

Jiin. 37:25

Núnisaṉ kuṉkuin áestai̱ncha akasia numiji̱a̱i̱ najanamai. Tura nuka ashí yantame̱ métekrak chikichik kuntu jeá armai antsu yakiri̱ṉkia jimiará kuntuyi. Kachurí̱sha nu numiji̱a̱i̱ṉ najatar kurimkiamuyi. Tura weakar júkitniuri̱sha kuatru tenté kúrik najatar yanaktintri̱sha akasiaja̱i̱ najanar kurimkiamuyi. Núnisaṉ ukattai̱ asuitincha tura kuṉkuinian najanin tí peṉker kuṉkuinniasha najanawarmai.

Jiin. 39:35

tura Yus Aentsja̱i̱ Chícham Najanamu Eṉketáin tura etektutai̱ri̱ Tunaan Akikmatrukmatai Tsaṉkurnatai̱ncha nuyá̱ wearkar jutairtiuk,

Jiin. 40:3

Yus Aentsja̱i̱ Chícham Najanamu Eṉketai̱ nuyá̱ ekentsa yurumtai̱, shirikip ekentai̱, kuṉkuin áestutai̱ tura wá̱i̱ti̱a̱i̱nmaya̱ tarach nui̱ ikiusarta.

Riw. 16:12

Nuya̱sha Yus íimmianum Yus áestutai̱ pujana nuya̱n jinia kaí̱ri̱ kapa̱a̱n jusa kuṉkuin áestai̱niam eṉkea tura kuṉkuin nekeṉman jimiará atsakak tarach ejamu á̱a̱wini̱ júkitniuiti.

Wek. 17:10

Nuya̱ṉka Uunt Yus Muisaisan chicharuk “Araunka wai̱ri̱ṉkia ataksha awaiṉkim Yus Aentsja̱i̱ Chícham Najanamu Eṉketai̱ pujamunam eem naka ikiusta. Kame nuja̱i̱ Israer shuar umichu ainia nu enentáimpraratⁱ tusam ikiusta. Tura Winia yajauch chichartuiniaksha jákara̱i̱ṉ tusam nuja̱i̱ itiatmamtikiartatme” tímiayi.

Wek. 17:5

Tura Wi yana anaikiattaj nú aentsu wai̱ri̱ṉkia kuku̱jrúktatui. Nuna túran Wisha ántamunmaṉ Israer shuar atumín yajauch chichartamprumna núnaka iniaimiatkiasartatjai” tímiayi.

Wek. 17:8

Nuya̱ṉka kashin tsawantai̱ Yus Shiir Awajtai̱ Je̱e̱n wayá̱ Muisais iyaj tukamá Riwí shuara Arauna wai̱ri̱ je̱e̱r kuku̱jruk nerek armintru tsamakú akatainian wainkiamiayi.

Muis. 9:11

Tura kuaraintia tsawant tsawai̱sha káshisha naṉkaamasai̱ nú kayan jímiaran surusmai. Kame nu kaya pakamámunam Uunt Yus aentsja̱i̱ chichaman najanamia nú áarmauyayi.

Muis. 9:9

Tura wi naint wakan Uunt Yus akupkámu umiktin chichaman Yus atumji̱a̱i̱ najanama nuna kaya pakamámunam áarman surusat tusan wakamjai. Kame nui̱ kuaraintia tsawant tsawai̱sha káshisha yurumtsuk tura entsankesha umutsuk pujusmajai.

Apu. 11:19

Tuíniakui Yusa Uunt Je̱e̱ nayaimpiniam ana nu uranmiatai wakenmaani̱ Yus Aentsja̱i̱ Chícham Najanamu Eṉketai̱ paant amai. Túrunamtai peemsha, ipiamtasha, cháarpisha, u̱u̱sha armai tura michasha tí kakekamai.

Apu. 8:3

Nuyá̱ chíkich Yusa suntari̱ kuṉkuin eṉketain kuriji̱a̱i̱ najanamun itiamai. Tura Yus sútai̱nium ayamas wajasmatai núkap kuṉkuin sunasmai. Nu kuṉkuin ashí Yus shuar áujsamuja̱i̱ métek kuṉkuin ekemátainium ekemáktiniuyi. Nu ekemátai̱ kuriji̱a̱i̱ najanamuyi tura úunt akupin pujutai̱nium naka pujumai.