Isr. 9:22 - Yus Papí: Shuarja̱i̱ Yus Yamaram Chicham Najanamu

²² Nu akupkámuja̱i̱ peṉké ishichik numpa ukatkachmaja̱i̱ shiir awajsámniaiti. Túmaitiat numpaja̱i̱nchuka yajauch túrutai̱ peṉké asakárchamniaiti.

Isr. 9:22 Iomraidhean Croise

Riw. 14:14

Nuiṉkia Yúsnan pujurin nu makumarmanum maamu numpe̱n jusa, nu aents imiatkincha ajasti tusa kuishniumsha uunt uwejnumsha núnisaṉ uunt nawe̱nmasha aya untsuurnumaani̱ṉ yakartiniaiti.

Riw. 14:25

Tura Yúsnan pujurin nu aents makumarmanum Yus áestuatniun murikiun sué̱nam tsupik numpe̱n jusa imiatkincha ajasti tusa kuishniumsha uunt uwejnumsha núnisaṉ uunt nawe̱nmasha aya untsuurnumaani̱ṉ yakartiniaiti.

Riw. 14:6

Nuyá̱ chíkich chiṉki iwiaakua núnaka setru numiri̱ji̱a̱i̱ tarach kapanniuja̱i̱ tura isupu nupa̱ja̱i̱ ashí irur púkuninmaya̱ entsa ichiṉnanam shikikma chiṉki maamu numpe̱n nui̱ eṉker nijiartiniuyi.

Riw. 17:11

Warí aya̱sh iwiaakmaka numpanmaiti. Tuma asamtai Yus áestutai̱niam Winia áesturkuram suir enentáimtamu atsaṉkar aṉkant ajasmintrum tusan atumíin numpan súsaitjiarme. Warí Yus aentsun suir enentáimtamu atsaṉkar aṉkant awajsaniuka númpaiti.

Riw. 4:20

Nuik waaka yamatskaman ni tunaari̱n áestuamia nútiksaṉ ju̱ waaka uchichija̱i̱sha túratniuiti. Nuna túramtai Yúsnan pujurin tunáa túramunam akikmatkamtai ni tunaarí̱sha tsaṉkurnartin armai.

Riw. 4:26

Tura aṉkant ajasjai tusa machari̱ áestuatniua núnisaṉ Yus áestutai̱niam ashí machartiuk áestuattawai. Nuna túramtai Yúsnan pujurin tunáa túramunam akikmatkam ni tunaarí̱sha tsaṉkurnartiniuyi.

Riw. 4:35

Macharí̱ṉkia ashí jurustatui aṉkant ajasjai tusar Yus susamu áestamu macharí̱n jurus suu ainia núnis túrattui. Tura Yúsnan pujurin Uunt Yus susamu ainia nuna Yus áestutai̱niam patak áesattawai. Nuna túramtai Yúsnan pujurin yajauch túramunam akikmatkam ni yajauchiri̱ tsaṉkurnartattui.” Uunt Yus tímiayi.

Riw. 6:7

Túramtai Uunt Yus íimmianum Yúsnan pujurin Yus nu aentsun suir enentáimtamun atsaṉkar aṉkant ajastaj tusa Yusan áestuattawai. Nui̱ ashí makumarma tunáa tsaṉkurnartatui” Uunt Yus tímiayi.