Isr. 9:2 - Yus Papí: Shuarja̱i̱ Yus Yamaram Chicham Najanamu

² Kame Yus Shiir Awajtai̱ Je̱a̱sha ju̱ní̱ najanamuyi. Émkaka Shiir Tesamua nui̱ṉkia shirikip ekentai̱ tsáapin awajtai̱sha tura awa̱tai̱niam Yus iiji̱a̱i̱ pujawai tama paṉsha awamniuyayi.

Isr. 9:2 Iomraidhean Croise

Jiin. 25:23

Núnismek paṉ awa̱tai̱sha akasia numiji̱a̱i̱ najankum esantí̱ṉkia jimiará kuntu nuyá̱ waṉkantí̱ṉkia chikichik kuntu núnisaṉ yakiri̱sha chikichik kuntu íniaṉkasmek najanata.

Jiin. 25:30

Tura Wi nui̱ pujá asamtai nu paṉ najanattamna nuka nui̱ tuke awa̱ntritia.

Jiin. 25:31

Tura ajintrutai̱ji̱a̱i̱ nekeara takasam aya kúriji̱a̱i̱ṉ ekemákar ekentai̱ najanata. Nájankum pújakmari̱sha tura wájakmari̱sha núnisaṉ piniṉkrí̱sha tura turuj ekenkamunam kuku̱j nakumpram íkiatsuk takamtsuk najanata.

Jiin. 26:1

Yus Shiir Awajtai̱ Je̱a̱ je̱a̱mtin tias tarach ríniuja̱i̱ kutampra nájankum wiṉkia, kapantaku, ti kapa̱a̱ku ainia nuja̱i̱ eteṉkrata. Túram émamkesam najanam Yusa suntari̱ úuntri̱sha ímiatrusaṉ nakumnak jiinkittiawai.

Jiin. 26:33

Nuyá̱ tsauka nenarma ainia nui̱ awaṉturam nu tarach ejaata. Tura nu tarach ejaamu initiaani̱ Yus Aentsja̱i̱ Chícham Najanamu Eṉkeamua nu nui̱ apujsata. Kame tesar tarach ejaamua nuka nékatkaka Shiir Tesamu tutai tura initiaani̱ṉkia Imiá Shiir Tesamu tutainti.

Jiin. 26:35

Tura páṉ awa̱tai̱ṉkia tarach ejaamua nui̱ áwiini̱ arakaani̱ apujsata. Tura shirikip ekemátai̱ṉkia Yusa paṉkri̱ awa̱tai̱ pujana nuja̱i̱ íṉkiuasmak nuṉkaani̱ apujsata.

Jiin. 29:1

Waaka yamatskam chikichik tura jimiará murik achikta. Paṉ karin eṉketáchma jiá iniarámu chaṉkinium eṉkeata. Yus Shiir Awajtai̱ Je̱a̱ wá̱i̱ti̱a̱i̱ri̱n Araun nijiartatui. Araun pushí kunturtin takamtsuk entsatái̱ shíirmach kayaja̱i̱ uku̱jtiurma, aya netsepnum entsatái̱, akachumtairi̱sha Yus takarkur muuknum etseṉkrutai̱ etseṉkrumtikiata. Asuiti muuknum ukatkata. Ni uchirí̱sha pushí nuntuaru áentsrata. Araun uchirtiuk akachumtikiawarta. Tura Yúsnan pujurin ajas tuke iniaṉnatsuk pujusártatui.

Jiin. 29:35

Muisaisá, Araun tura ni uchirí̱ji̱a̱i̱ siati tsawant imiatkímprachu awajsarta. Waaka tuke tsawant maam áesata. Yajauch túramun tsaṉkurturat tusam túrata. Imiatkímprachu ajasat tusa Yus áestutai̱nmasha asuiti ukatkata.

Jiin. 40:2

“Emka nantu tsawantri̱ yama juármanum Yus Shiir Awajtai̱ Je̱a̱ je̱a̱mtarum” tímiayi.

Mat. 12:4

Yusa Uunt Je̱e̱n wayá̱ Yus Iiji̱a̱i̱ Pujawai tama páṉkan yuámiayi. Nu paṉsha aya Yúsnan pujurniuk yúatin asamtai Tawitniasha tura ni nemari̱n ana nunasha suritkiamuyayi. Túmai̱ṉ yúawarmiayi.

Mat. 5:15

Núnisaṉ shiripik ekemákam eṉketáiniam eṉkeatniukait. Antsu yakí̱ sukuatsmek ashí je̱a̱nam ana nu paant atí tusam.

Isr. 9:25

Yaunchu Yúsnan pujurniu uuntri̱ ni numpe̱ja̱i̱nchu ashí uwitin Imiá Shiir Tesamunam wa̱i̱n ármiayi. Antsu Krístuka tuke wa̱i̱ pujuchmiayi.