Isr. 9:16 - Yus Papí: Shuarja̱i̱ Yus Yamaram Chicham Najanamu

^16-17 Shuar ni kuítri̱n akantratak chichaman najanatniuiti. Tura jáatsa̱i̱ṉ nu kuit akantrashtiniaiti. Aya ni jakamtai nu chicham najanamu uminkiatniuiti.

Isr. 9:16 Iomraidhean Croise

Rum. 5:12

Ayu. Yámankamtaik emka áishmaṉ Ataṉ niṉki yajauchin túramtai nú tunaaja̱i̱ ashí shuar tunaarintin ajasármiayi. Tura ashí tunaarintin ajasár mash jákatin áiniawai.

Rum. 6:23

Tunáa takarkumka tuke jákatniun akirmáktatui. Antsu Yuska iikia takaatsrini̱ṉ peṉké ántar tuke iwiaaku pujustinian suramsattaji. Ii Uuntri̱ Jesukrístuja̱i̱ tsaniṉkia pujá asakrin nuna túrutmattaji.

Isr. 1:3

Níyaiti Yusan imiá métek nakumeana nu. Tura Níyaiti Yus naṉkaamas shiira nuna paant awajeana nu. Nisha aya ni chichame̱ja̱i̱ kakarma nuja̱i̱ ashí írunna nuna wáiniuk emeta pujurui. Tura ii yajauch túramuri̱n nijiatramak akupin pujutai̱nium Yusa untsuurí̱ni̱ pujusuiti.

Isr. 13:20

Aṉkant pujustinnium apujkartinia nú Yus, ii Uuntri̱ Jesukrístun jakamunmaya̱ iniantkímia nu, ni numpé̱ kakarmari̱ji̱a̱i̱ ashí péṉker ana nuna suramsarti. Nuja̱i̱ ni wakeramu túrattarme. Tura Jesukrístu kakarmari̱ji̱a̱i̱ ashí ni wakeramun iin pujurtamas takasti. Ii Uuntri̱ Jesukrístu ashí Yus shuaran tí peṉker Wáinniuiti. Tura ni numpe̱ja̱i̱ yamaram chichaman kakaram awajsámiayi. Nu chichamsha tuke meṉkakashtatui. Aya Kristu tuke shiir awajnásti. Núnisaṉ atí.

Isr. 9:15

Nu asamtai Jesukrístu yamaram chichaman shiir takarniuiti. Yaunchu chichamja̱i̱ yajauch túramu nekas tsaṉkurachma asamtai Kristu jaka nu tunaancha tsaṉkurarmiayi. Nuja̱i̱ ashí Yus shuarti Yus achikma asar Yus tsaṉkatramajnia nu wáinkiar tuke wararsattaji.

San. 2:10

Chíkich akupkámu írunna nu ashí umikiam tura aya chikichik akupkámu umikchamka nuikia ashí akupkámu umircha ajasume.