Isr. 9:15 - Yus Papí: Shuarja̱i̱ Yus Yamaram Chicham Najanamu

¹⁵ Nu asamtai Jesukrístu yamaram chichaman shiir takarniuiti. Yaunchu chichamja̱i̱ yajauch túramu nekas tsaṉkurachma asamtai Kristu jaka nu tunaancha tsaṉkurarmiayi. Nuja̱i̱ ashí Yus shuarti Yus achikma asar Yus tsaṉkatramajnia nu wáinkiar tuke wararsattaji.

Isr. 9:15 Iomraidhean Croise

YKan. 37:18

Péṉker aents ainia nuna tsawantri̱nkia Jiuwá nékawai. Tura ni sunasartatna nuka péṉke amukashtiniaiti.

Tan. 9:26

Nuyá̱ sasaintitús tumiṉ naṉkaamasmatai Misíaska junaktiatui. Túram wariṉkísha takuschattawai. Tura akupin tátatna nuna shuari̱ pépruncha nuyá̱ Yus Shiir Awajtai̱ Je̱e̱ncha emeskartatui. Túrasha amukatniuka entsa ama̱a̱ra núnis amukáttawai. Tura meset amuumam ashí amuktinia nu tunattawai.

Mat. 19:29

Tura shuar ni je̱e̱ncha, yachi̱ncha, umai̱ncha, aparí̱ncha, nukurí̱ncha, nua̱ri̱ncha, uchirí̱ncha tura nuṉke̱ncha Winia anentu asa ikiukí̱ wekaakka nu shuar ni ikiukmia núnisaṉ yamaisha ti untsurí wainkiattawai tura ukunmasha tuke Yusja̱i̱ shiir pujustatui.

Mat. 22:3

Túrak ni takarniúri̱n ipiaamautarum tusa akupkarmai. Tura ipiaamusha nakitrarmai.

Mat. 25:34

Túran nekas Úunt Akupin untsuurí̱ni̱ wajainian títiatui ‘Atumniaka winia Apar shiir awajtámsaitrume. Wi akupeajna nui̱ winitiárum. Yus nuṉkan najanamia tímianaik átum nui̱ warastinian tsaṉkatramkamiarme.

Mat. 25:36

Pushir atsai̱sha átumka surusmiarme. Jaa tepai̱sha iiraimiarme. Sepunam eṉketai̱sha tarum iiraimiarme’ títiatui.

Mar. 10:17

Ukunam Jesus nuyá̱ weai̱ shuar tseke Nin tarimiayi. Tarí tikishmátar chicharuk “Uuntá, Amesha tí peṉkeraitme. Tuma asam turuttia ¿warinia túrakna tuke iwiaaku átataj?” tímiayi.

Ruk. 18:18

Shuara uuntri̱ Jesusan tarí áujsamiayi. “Uuntá, amesha péṉkeraitme. Tuma asam turuttia ¿warinia túrakna tuke iwiaaku átataj?” tímiayi.

Ruk. 22:20

Tura yuruma amikiarmatai piniṉkian achik “Ju̱ piniṉ winia numparun nakumea asa uwempratin yamaram chicham najanamun nakumeawai. Winia numpar atumnian puartamprattawai.

Juaṉ 10:28

Tura yamaram iwiaakman tuke jákashtinian súajai. Nu asamtai jákachartatui tura Wi wáinmancha ¿yaki jurutkit?

Tur. 20:32

Pai, yamaikia yatsuru, Yus yainmakarti. Yusa aneṉkrattairi̱ nékaitrumna nú chichamsha kakarmaiti. Nú chicham átum katsua̱rar kakaram wekasatniun yaintmakarti. Kame nú chicham atumí enentái̱n pujakui Yus ni shuari̱n matsamsatniun anajmatramia nui̱ pachinkiattarme.

Rum. 5:10

Yusa nemasri̱ áyatar Yusa Uchirí̱ jakamuja̱i̱ yamaikia Yusja̱i̱ shiir nawamnaikiar pujaji. Nu arant nui̱kia Kristu tuke iwiaaku asa iiji̱a̱i̱ tsaniṉkiu asa ashí yajauchinmaya̱ uwemtikramar tuke shiir awajtámsattaji.

Rum. 5:6

Iikkia peṉké uwemprachmin asakrin tsawant jeamtai Kristu ashí shuara tunaari̱n jarukmiayi.

Rum. 5:8

Antsu ii tuke tunáa árini̱ṉ Kristu jarutramkamiaji. Nuja̱i̱ iin ti anenmajnia nuna ti paant iniakturmaji.

Rum. 6:23

Tunáa takarkumka tuke jákatniun akirmáktatui. Antsu Yuska iikia takaatsrini̱ṉ peṉké ántar tuke iwiaaku pujustinian suramsattaji. Ii Uuntri̱ Jesukrístuja̱i̱ tsaniṉkia pujá asakrin nuna túrutmattaji.

Rum. 8:28

Yus anea asakrin ashí naṉkatamjinia nuja̱i̱ Yus pujurtamji. Tura nuja̱i̱ péṉker awajtamji. Nu paant nékaji. Tura Ni wakerimia núnisaṉ Ní shuar awajtámsaitji.

Rum. 8:30

Tura Yus achikmia nuna Niniu awajsámiayi. Tura nu shuaran “péṉkeraitrume” tímiayi. Tura ti shiir awajsámiayi.

Rum. 9:24

Tura iincha Israer shuarnumia̱sha Israer shuarchanumia̱sha ni shuari̱ ajasat tusa achirmákmiaji.

2 Kur. 3:6

Yamaram chichaman Yus najanamia nuna iincha péṉker etserkatniun suramsaitji. Yaunchu aarma chichamnum ashí takamtsuk umirkachrikia tuke jakamniuyaji. Antsu yamaram chichamnum Yuska ni Wakaní̱ji̱a̱i̱ yamaram wekasatniun súramji. Yusa kakarmari̱ji̱a̱i̱ nu chicham étserji.

Kar. 3:20

Antsu chikichik shuar niṉki takastinian enentáimkiuṉka chikichan atsumatsui. Tura Yus aya chikichkiti. Niṉki chikichan akattsuk ashí aentsun Aprajámja̱i̱ péṉker awajsatniun Aprajáma anajmatar niji̱a̱i̱ chichaman najanamiayi.

Ipi. 1:7

Yus imiá waitnentramak ni aneamu Uchirí̱ numpe̱ja̱i̱ ii yajauchiri̱n akikmatramak uwemtikrampraitji.

2 Tis. 2:14

Nu túrunat tusa Yus wakerutmarme. Krístuja̱i̱ uwempratin chicham ii ujakjinia nuja̱i̱ Yus untsurmakmarme. Ii Uuntri̱ Jesukrístu tí peṉker pujana nui̱ pachinkiamniuram tusan nú chichaman ujakmajrume.

1 Tim. 2:5

Aya chikichik Yus awai. Tura Jesukrístu aents ajas niṉki Yusja̱i̱ aentsun nawamnaimtikiartiniaiti.

2 Tim. 2:10

Ashí shuar ni shuari̱ ártí tusa Yus achikiárua nuna yáiṉtajtsan ashí itiurchatan katsunteajai. Nuja̱i̱ Jesukrístuja̱i̱ tsaniṉkiaru ásar uwemprar tuke shiir pujusártatui Yusja̱i̱.

Tit. 1:2

Tura nu arant nú shuarsha tuke iwiaaku pujusárat tusan étsereajai. Nú shuarnasha nuṉkan najantsuk “uwemtikrattajai” Yus tímiayi. Tura Nisha wáitruatniun tujintiawai.

Tit. 3:7

Waitnentramu asar péṉker awajsámuitji. Nui̱ṉkia iisha yamaram awajsamu asar tuke iwiaaku átin ti wakerimiaj nu íiniuiti.

Isr. 10:34

Atumsha sepunam pujuarmia nusha waitnentramarme. Tura shiir warasrum kuítrumin atantramainiakuisha katsuntramarme. Nayaimpiniam tuke amuukashtin ashiji̱a̱i̱ naṉkaamas írunna nu achiktin asarum túramarme.

Isr. 10:36

Atumsha esetra enentáimsarum Yus wakera nu túrakrum Yus atumín amastatjarme timia nu wainkiattarme.

Isr. 11:13

Ashí nu shuar Yus tsaṉkatkamun wáintsuk jákarmiayi. Túrasha Yusan nekas enentáimtuiniak arantia̱ wáinkiar warasar shiir enentáimtiarmiayi. Túrawar “ju̱ nuṉkanam nekas aya íraraitji” tiármiayi.

Isr. 12:24

Nui̱sha Yamaram Chichaman iin chichamprútmajnia nu, Jesus pujawai. Ni numpe̱ ukatramuja̱i̱ Apira numpe̱ja̱i̱ naṉkaamas péṉkeraiti. Kame Apir ántar maamu asamtai yapajmiátrukta títinia áintsaṉ enentáimtaji. Antsu Jesus yajauch shuaran péṉker awajsartaj tusa jakamiayi.

Isr. 13:20

Aṉkant pujustinnium apujkartinia nú Yus, ii Uuntri̱ Jesukrístun jakamunmaya̱ iniantkímia nu, ni numpé̱ kakarmari̱ji̱a̱i̱ ashí péṉker ana nuna suramsarti. Nuja̱i̱ ni wakeramu túrattarme. Tura Jesukrístu kakarmari̱ji̱a̱i̱ ashí ni wakeramun iin pujurtamas takasti. Ii Uuntri̱ Jesukrístu ashí Yus shuaran tí peṉker Wáinniuiti. Tura ni numpe̱ja̱i̱ yamaram chichaman kakaram awajsámiayi. Nu chichamsha tuke meṉkakashtatui. Aya Kristu tuke shiir awajnásti. Núnisaṉ atí.

Isr. 2:14

Tura nu uchi aents ásarmatai núnisaṉ Jesussha aents ajasmiayi. Tura aents ajas jaka iwianchin jatai̱ nérenniuri̱n ashí emesramiayi.

Isr. 3:1

Tuma asamtai tunaarincha yatsuru, atumniasha Niniu atí tusa Yus achirmákuitrume. Tuma asarum Kristu Jesus péṉker enentáimtustarum. Nisha Yus nekas Akatrámuyayi. Tura ashí Yus shuar ajasárua nuja̱i̱ Yúsnan pujurniu uuntri̱a núnisaiti.

Isr. 6:13

Yus yaunchu Aprajámja̱i̱ chichaak “Ti nekas shiir awajsattajme tura tí nukap pampamtikrattajme” Naṉ. 22:17 tímiayi. Nuna taku imiá nekas tajai tusa tura chíkich Niji̱a̱i̱ naṉkaamas uunt atsakui imia Niṉki pachimias tumammiayi.

Isr. 6:15

Tutai Aprajám yáitmataik nákas Yus timia nuna wainkiamiayi.

Isr. 7:22

Tuma asamtai Jesuska nekas uwemtikrattajai tusa yaunchu amia nuja̱i̱ naṉkaamas péṉker chichaman iwiarturuiti.

Isr. 8:13

Wats emka chicham yajauch ajakui Yus yamaram chichaman nájaneak pujurui. Tura yajauch ajasua nuka wárik ajapnattawai.

Isr. 9:12

Tura Kristu Imiá Shiir Tesamunam chipiu áishmaṉ tura waaka yamatskama numpe̱ja̱i̱sha waya̱chuiti antsu ímia ni numpe̱ja̱i̱ṉᵏⁱ waya̱iti. Tura aya chikichkí wayá̱ ii yajauch túrutairi̱n asaktúrmar iniaṉnatsuk uwemtikrampramiaji.

Isr. 9:16

Shuar ni kuítri̱n akantratak chichaman najanatniuiti. Tura jáatsa̱i̱ṉ nu kuit akantrashtiniaiti. Aya ni jakamtai nu chicham najanamu uminkiatniuiti.

Isr. 9:28

Núnisaṉ Kristu chikichkí jákatniunam surumak untsurí shuara tunaari̱n asakáruiti. Tura atakka aents yajauch túrukarman asakártinian wantinkiashtatui. Antsu ni tátintri̱n nákainia nuna uwemtikrattsa wantinkiattawai.

San. 1:12

Shíiraiti shuar ni itiurchatri̱i̱n nekas katsunteana nuka. Nekapsam jíinkiuṉka akinkiatniun wainkiattawai. Iwiaaku átinian, tawasap achiktinia núnisaṉ wainkiattawai Yus ni aneam tsaṉkatka nuna.

1 Pit. 3:18

Kristu ii tunaari̱n asakártaj tusa jarutramkamiaji. Ashí asakárma asamtai atak tunaan jarukchatniuiti. Nisha tunaan peṉké túrichuitiat ii tunáa asakrin Yusai̱ ejetamtai tusa wáitrutmasmiaji. Aya̱shi̱i̱nkia jakayat ni wakaní̱ji̱a̱i̱ ni aya̱shi̱ ataksha iwiaaku ajasmiayi.

1 Pit. 5:10

Wats, ishichik tsawant wáitsarmena nu naṉkaamasmatai Yus ataksha péṉker awajtámsattarme. Tura numi wewe wajana núnisaṉ ikiakátmartatrume. Tura Yus ikiaká̱rma asarum ni jinti̱i̱n tuke péṉker wekasattarme. Ju̱ Yus tuke iin waitnentramtsujik. Tura iisha Jesukrístunu asakrin Niji̱a̱i̱ métek Yus ni shiir pujutai̱nium tuke shiir pujusmintrum tusa achirmákuitji.

1 Jṉ. 2:25

Jesukrístusha Niji̱a̱i̱ tuke iwiaaku pujustinian tsaṉkatramkaitji.

Apu. 5:9

Ju̱ yamaram kantancha kantampriarmai “Amek imiá naṉkaamas akupniuitme. Amek papí achikiam asakamu já̱a̱kminiaitme. Yus sutai namaṉkea áinis mantamna asam túramniaitme. Ashí nuṉkanmaya̱ shuarnumia̱sha Yusna árat tusam ame numpe̱mja̱i̱ iin sumakmiame.