Isr. 9:14 - Yus Papí: Shuarja̱i̱ Yus Yamaram Chicham Najanamu

¹⁴ Antsu Kristu peṉké tunaarinchaitiat tuke jáchatai Wakaní̱ kakarmari̱ji̱a̱i̱ jákatniunam Yusai̱ surumakmiayi. Tuma asamtai Kristu numpé̱ ii yajauchiri̱n peṉké asakáru asamtai yamaikia ii tunaarí̱ jákatniunam júana nuja̱i̱ itit enentáimtumatsuk nekas iwiaaku Yus ¿shiir umirkachminkiaitiajⁱ?

Isr. 9:14 Iomraidhean Croise

2 Sam. 4:11

Núnaka túrayatnakek netse aents nekasa nuja̱i̱ métek túrinian ni je̱e̱n peakri̱i̱n kanú tepan máwarunka pachischartataj. Antsu yamaikia wisha núnisnakka ¿yapajkianka ju̱ nuṉkanmaya̱ṉka emeṉkákchartajtsuka?” tímiayi.

2 Akup. 19:16

Tura ju̱ chicham péṉker antukta Uuntá, Ámin iwiaaku Úunt Yusaitmena nuna yajauch áujmatramas Senakiríp chichaman akuptúrka ju̱sha nekas enentáimprata.

YKan. 51:2

Winia yajauch túrutair japirturam tunaarusha mash asaktúrata.

Jiin. 12:5

Tura muriksha chípiuksha peṉké tunamárcha áishmaṉ chikichík uwí achíaku enetratarum.

Isa. 42:1

Ju̱i̱ti Winia takartin anaikiamu yáiṉtatjana nu. Wi anaikiamu asamtai wakantrusha shiir enentáimtawai. Winia wakantrun nin súsaitjiai. Túramu asa nekasa nuja̱i̱ ashí nuṉkan sumamtikiawartatui.

Isa. 53:9

Anaṉma ti kajek yajauchi túrichuitiat Yusan enentáimtichuja̱i̱ métek iwiarnastiniuyayi túrasha jakamtai kuítrintin iwiartai̱niam iwiarnasmiayi.

Isa. 61:1

Uunt Yus anaitiuku asamtai Yusa Wakaní̱ winí̱ pujurtawai. Wáitiainia nu péṉker chicham ujakárta tura enentáiji̱a̱i̱ jáiniana nusha tsuárarta núnismek achira yaruakma ainia nusha aṉkant ajastatrume tura sepusha uraniartatui tu etserkata tusa akuptúkuiti. Ruk. 4:18

Jrm. 10:10

Tura Uunt Yuska nekas Yúsaiti. Niṉkia iwiaaku Yúsaiti tura úunt akupin tuke pujuwiti. Ni kajekmataikia nuṉka muchitiawai. Tura uunt nuṉka mátsatka ainia nuka Ni suíri̱n katsuntrachmin áiniawai.

Tan. 6:26

Ashí nuṉka wi akupeamunmaṉka Taniara Yusri̱ ashamakrum Ni enentáimtustarum tusan umiktin chichaman nájanjai. Warí, Nisha tuke iwiaaku pujú Yusaiti. Tura peṉké náṉkatkachuiti. Núnisaṉ Ni akupeamuri̱sha emesnarchattawai tura amuukatin tsawanta tímianaisha tuke átatui.

Riw. 22:20

Taṉku tunamáruka peṉké itiashtiniatrume. Warí nuka péṉkeraiti tunashtatui.

Mat. 12:28

Wi Yusa Wakaní̱ kakarmari̱ji̱a̱i̱ yajauch wakaní̱n ji̱i̱ki̱ akupea asamtai atumsha Yusa akupeamuri̱ atumíin jeartámarmena nu nekaatniuitrume.

Mat. 16:16

Semuṉ Pítrusha “Ámetme Kristu, Yus Anaikiamu. Nekas iwiaaku Yusa Uchirí̱nme” tímiayi.

Mat. 20:28

Wisha Aents Ajasuitiatan Winia yáintkiarat tusan táchaitjiai antsu shuaran yáiṉtaj tusan táwitjiai. Untsurí shuara tunaarí̱ tumashri̱n akikmatkataj tusan jákatniuitjiai. Nuna tarimjiai” tímiayi Jesus.

Mat. 7:11

Nuikia átum yajauchitirmesha atumí uchirí̱ péṉker ana nu tuke súuchakaitrum. Nuna naṉkaamas nuikia seakrumni̱ṉkia atumí Aparí̱ nayaimpiniam pujana nu péṉker ana nuna suramsashtatuak.

Ruk. 12:24

Chiṉkiniam enentáimsatarum. Nisha arakmainiatsui. Juuk yurumkan ikiuiniatsui. Tuma ai̱ṉ ni yurumke̱n Yus tuke suawai. Atumsha chiṉkiji̱a̱i̱ naṉkaamaschakaitrum.

Ruk. 12:28

Iis, nupa̱ yamái tsakaawai tura kashin aents tsupikiar jinium apeánáwai. Tuma ai̱ṉ Yus ti shiir awajeatsuk. Nuna tura asa atumniasha nú péṉker waitmakchattawak. ¿Urukamtai Yus nekas enentáimtatsrum?

Ruk. 4:18

Yusa Wakaní̱ winí̱ pujurtawai. Shuar warainiachun shiir chichaman ujaktinian anaitiukuiti. Kúntuts enentáimiar wake mesek pujuinian tsuártinian akuptúkuiti. Achira yaruakma ainia nusha aṉkant awajsaruiti tura ji̱ kusurúncha íimtiktinian tura yajauch awajsamu ainia nuna péṉker awajsatniuncha

Juaṉ 3:34

Yus akupkámuka Yusa Chichame̱n étserui. Warí, Yuska ni Wakaní̱nkia nekapmas amaatsji.

Tur. 1:2

nayaimpiniam wétsuk ashí Ni túramia nuna tímiajme. Jesuska nayaimpiniam wakettsuk Yusa Wakaní̱ kakarmari̱ji̱a̱i̱ túratniua nuna ni akatrámuri̱n jintintiáwarmiayi.

Tur. 10:38

Tura ju̱sha nékatsrumek. Nasarétnumia̱ Jesus, Yus Anaikiamu asa, Yusa Wakaní̱ kakarmari̱ji̱a̱i̱ péṉker túriniuyayi. Iwianchruku wáitias pujuarmia nuna péṉker awajsámiayi. Yus Niin pujurma asa ashí nuna túriniuyayi.

Tur. 14:15

Tura chicharainiak “Shuara, ¿urukamtai áitkiarum? Iisha yúschaitji. Átumea ánkitji. Peṉké ántrarum túrarmena nu ikiukrum nekas Yus nemarsatarum tusar iisha taji. Nekas Yuska nayaimpincha, nuṉkancha, nayantsancha tura ashí nui̱ írunna nunasha najanaiti.YKan. 146:6

Tur. 15:9

Yus iincha aushatka awajtámsachmaji. Antsu métekraketji. Tuma asamtai nisha Yusan enentáimtuiniakui Yuska enentái̱ya̱n ni tunaari̱n japirarmai.

Rum. 1:20

Kame yámankamtaikniumia̱ Yus wáinchataitiat ni najanamuri̱ji̱a̱i̱ ju̱ka paant nekaamniaiti. Nekas Yus asa tuke kakarmaiti. Nusha ti paant asamtai nu shuar tsaṉkurnarchartatui.

Rum. 1:4

Tura ni ti shiir wakaní̱ji̱a̱i̱ṉkia Yusa Uchirí̱nti. Tura ti kakarmaiti. Jakamunmaya̱ nantakmiaja̱i̱ nekas Yusa Uchirí̱a nu, paant nekanamiayi. Nisha ii Uuntri̱ Jesukrístuiti.

Rum. 11:12

Israer shuar umirkachmaja̱i̱ ashí shuar, Israercha ainia nusha, uwempramnia ajasármiayi. Nuna naṉkaamas Israer shuar atak Yusan enentáimtuiniak uwemprarmatai nuja̱i̱ ashí shuar tí peṉker ajasártatui.

Rum. 11:24

Túram Israer shuarcha asam niisháa numinmaya̱ tsupikiar peṉké numiniam anujnakuitrume. Nuna tura asa nekas ni kanawe̱ tsupikia ajapamun páchitsuk atak anujkamniaiti.

Rum. 6:13

Atumí aya̱shí̱ tunaan túrat tusarum tsaṉkatkairap. Antsu jakamunmaya̱ nantakin asarum Yus wakeramu túratin surumaktarum. Tura aya̱shmisha aya péṉkernak túrati tusarum Yus íktustarum.

Rum. 6:22

Antsu yamaikia tunaanumia̱ uwempra asarum Yus umirniuitrume. Antsu ju̱ka Yusja̱i̱ shiir wekasatniunam júawai tura nuyá̱ tuke iwiaaku pujustatrume.

1 Kur. 15:45

Yus Papinium nuní̱ áarmaiti “Emka áishmaṉ ni naari̱ Ataṉ, aents ajas iwiaaku ajasmiayi.” Naṉ. 2:7 Ukunmaṉka yamaram Ataṉka áintsaṉ Kristu, wakan asa ashí aentsun nekas iwiaaku átinian susamniaiti.

2 Kur. 5:21

Krístuka peṉké tunaarinchauyayi. Túmanak íi tunaari̱n Yus Krístun makumiayi. Nuna tura Kristui̱ iikia makuchmin Yusa péṉkeri̱ ajasúk tusa túraiti.

2 Kur. 6:16

¿Iwiaaku Yusa je̱e̱ncha ántar yus pujustinkiait? Tura atumsha iwiaaku Yusa jé̱e̱ntrume. Yus Niṉki ni Papiri̱i̱n ju̱na tíchamka “Niji̱a̱i̱ tsaniṉkia pujusan niji̱a̱i̱ wekasartatjai tura ni Yusri̱ átatjai tura nisha Wí aents ajasártatui.” Riw. 26:12

Kar. 2:19

Iistá, akupeamun umiktaj tukamán peṉké tujintkiamjai. Umiktinian tujintkian jaka áintsanak ajasmajai akupeamunam. Antsu Yusja̱i̱ iwiaaku pujajai ni wakera nuna umiktinian.

Ipi. 2:5

Tuma asa ii tunaanum tuke jaka pujarni̱ṉ Krístuja̱i̱ métek iwiaaku awajtámsamiaji. Aya ti anenkartin asa uwemtikrampramiaji.

Ipi. 5:2

Kristu iin anenmajⁱ núnisrum anenaitiarum. Kame ii tunaari̱n akikmaktaj tusa Niṉki Yusan súsatniuncha tura ti shiir nekapújamnia áestamuncha núnis jákatniunam surumakmiayi.

Muis. 17:1

Atumí Uunt Yusri̱ waaka áishmaṉ nuíchuka murikkisha tunamárua nu tura warí urukaksha áestuawairap. Warí Úunt Yusja̱i̱ṉkia nuka muí̱jmiainti.

Muis. 31:27

Warí atumí kajetáiri̱n tura umishtai̱ri̱ncha wikia nékajai. Kame wi iwiaaku atumji̱a̱i̱ pujai̱sha Uunt Yus umirkatin nakitiarme. ¿Ániatirmesha wi jakamtaisha urukattarmek?

1 Tis. 1:9

Antsu átum iin péṉker itiaamun ni íksaṉ ujatmainiaji. Tura nuya̱sha najankamu yus enentáimtustin iniaisarum nekas iwiaaku Yus nekas enentáimtusrum umirkarumna nunasha ujatmainiaji.

1 Tim. 1:17

Tuma asamtai uwir uwir tuke pujú Úunt Akupin tura jachaa núnisaṉ wáinchatai chikichik Yusa nuke iniaṉnatsuk tuke shiir awajsamu tura naṉkamantu páantin awajsamu atí. Nuke atí.

Tit. 2:14

Jesukrístuka iin jarutramkamiaji ii tunaarí̱nia̱ uwemtikrampratajtsa. Tura Winia ajasár tuke enentáiji̱a̱i̱ péṉker túrawarat tusa ii tunaari̱n japirtampramiaji.

Isr. 1:3

Níyaiti Yusan imiá métek nakumeana nu. Tura Níyaiti Yus naṉkaamas shiira nuna paant awajeana nu. Nisha aya ni chichame̱ja̱i̱ kakarma nuja̱i̱ ashí írunna nuna wáiniuk emeta pujurui. Tura ii yajauch túramuri̱n nijiatramak akupin pujutai̱nium Yusa untsuurí̱ni̱ pujusuiti.

Isr. 10:10

Nuja̱i̱ Jesukrístu Yusan umiruk jákatniun chikichkí surumakmatai Yus iin tunaarincha shiir awajtámsaitji.

Isr. 10:12

Antsu Jesukrístuka jákatniunam chikichkí surumak ashí shuara yajauchiri̱n asakár atakka peṉké jákashtiniaiti. Nuna tura Yusa untsuurí̱ni̱ nekas akupin pujutai̱nium pujusuiti.

Isr. 10:2

Kame asakátrar shuar nekas shiir awajsámniaitkiuiṉkia taṉku maar Yus súsatniun atsumachuk iniaisara̱a̱yi. Iis, mash tsaṉkuramuitkiuṉka ni tunaari̱ji̱a̱i̱ itit enentáimtumascharainti.

Isr. 10:22

Tuma asamtai tuke enentáiji̱a̱i̱ Yus imiá nekas enentáimtusar Yusai̱ jeartai. Ii enentái̱ Kristu numpe̱ja̱i̱ nijiarma asamtai nekas enentáimtakur Kristu nekas winia úuntruiti tiar ii yajauchiri̱ji̱a̱i̱ itit enentáimtumaschatniuitji. Tura ii aya̱shí̱sha saar entsaja̱i̱ imiantniuitji.

Isr. 11:21

Núnisaṉ Jakup Yusan nekas enentáimtak játsuk ni tiraṉki̱n, Jusé uchirí̱n shiir túrunattana nuna ujakármiayi. Tura ti úuntach asa wái̱ri̱n ushukruma Yusan shiir awajsámiayi.

Isr. 13:12

Núnisaṉ Jesussha péprunam arant wáitkianas mantamnamiayi. Nuja̱i̱ ashí shuara tunaari̱n ni numpe̱ja̱i̱ nijiatkaiti.

Isr. 3:12

Anearta, yatsuru. Yajauch enentáimsarum tuke iwiaaku Yus enentáimtutsuk kanakiirap.

Isr. 6:1

Uunt ajastai. Krístunu ana nuyá̱ aya yúpichuchia nuke enentáimtutsuk nu arantcha unuimiártai. Kame emka unuimiártinia nu ju̱ áiniawai, shuar ni yajauchiri̱n jákatniunam júana nuna kúntuts ené enentáimiu ajas Yusan shiir enentáimtustincha,

Isr. 7:16

Niṉkia Riwí shuar asa Yúsnan pujurin ajaschamiayi antsu jákashtin asa nu kakarmaja̱i̱ Yúsnan pujurin ajasmiayi.

Isr. 7:27

Nisha yaunchu Yúsnan pujurniu uuntri̱ armia núninchaiti. Yaunchua nuka murikiun máwar ashí tsawant Yusan suu ármiayi. Nuja̱i̱ emka ni yajauchiri̱n nuyá̱ ashí shuara tunaari̱ncha asakátin ármiayi. Tura Jesuska jákatniunam chikichkí surumak ashí shuara yajauchiri̱n asakátramiayi.

Isr. 9:12

Tura Kristu Imiá Shiir Tesamunam chipiu áishmaṉ tura waaka yamatskama numpe̱ja̱i̱sha waya̱chuiti antsu ímia ni numpe̱ja̱i̱ṉᵏⁱ waya̱iti. Tura aya chikichkí wayá̱ ii yajauch túrutairi̱n asaktúrmar iniaṉnatsuk uwemtikrampramiaji.

Isr. 9:26

Kame wa̱i̱ pujutniuitkiuiṉkia nuṉka yama naṉkammanumia̱ṉ juárkiniaitkiuṉka ataksha awaiṉki̱ ajá puju̱a̱yi. Túrasha yamaikia tunáa amukatniun nuṉka amuumam jákatniunam Krístuka chikichkí surumakuiti.

Isr. 9:7

Tura Imiá Shiir Tesamunmaṉka aya Yúsnan pujurniu uuntri̱ wá̱i̱niuyayi. Tura nisha ashí uwitin aya chikichik tsawant wá̱i̱niuyayi. Waya̱k ni yajauchiri̱ncha tura ashí shuara yajauchiri̱ncha tsaṉkurnarat tusa taṉkú numpe̱n Yus súsatniuya nuna juu wémiayi.

Isr. 9:9

Nusha yamái pujuiniajⁱ nuna enentáimtikrampratniuitji. Shuar Yus shiir enentáimtikratniun taṉkun maa suíniaksha nu shuar ni yajauch túrutairi̱ji̱a̱i̱ tuke itit enentáimtumarmiayi.

1 Pit. 1:19

Antsu Kristu numpe̱ ti shiira nuja̱i̱ uwemtikramuitrume. Nu nékarme. Yaunchu shuar tunáa túrakui Yus chichaak “Murik yajauchichu tunamárcha máarum Yus sútai̱niam ikiustarum. Nuna numpe̱n wainkian atumí tunaari̱n tsaṉkurattajai” tíniuyayi. Núnisaṉ Kristu iin jarutramka asa ii tunaarí̱nia̱ uwemtikrampraitji.

1 Pit. 2:22

Krístuka tunaan peṉké túrachmiayi. Tura chikichkinkesha peṉké anaṉkachmiayi. Isa. 53:9

1 Pit. 2:24

Kristu imia Niṉki ni aya̱shí̱i̱n ii tunaari̱n entsakí̱ krúsnum jarutramkamiaji. Kame iikia yajauch túrutainmaṉka jákaitji. Túmaitiatar naka péṉkera nuja̱i̱ métek túratniunam iwiaakji. Ántsarik Ni asutniámuja̱i̱ iikia tsuámaruitji.

1 Pit. 3:18

Kristu ii tunaari̱n asakártaj tusa jarutramkamiaji. Ashí asakárma asamtai atak tunaan jarukchatniuiti. Nisha tunaan peṉké túrichuitiat ii tunáa asakrin Yusai̱ ejetamtai tusa wáitrutmasmiaji. Aya̱shi̱i̱nkia jakayat ni wakaní̱ji̱a̱i̱ ni aya̱shi̱ ataksha iwiaaku ajasmiayi.

1 Pit. 4:2

Antsu “iwiaakjana nui̱kia Yusa wakeramuri̱n tuke umirkátjai” tu enentáimiui. Ni aya̱shi̱ wakerana nuna yamaikia páchiatsui.

1 Jṉ. 1:7

Yuska tuke tsáapninium pujuwiti. Iisha núnisrik tuke tsáapninium pujakrikia nuamtak nawamnaikiar pujuiniaji. Túrakrin Yus ni Uchirí̱ Jesukrístu numpe̱ja̱i̱ ashí ii yajauch túramuri̱n japirtamji.

1 Jṉ. 3:5

Jesukrístu ii tunaarí̱ asakártaj tusa ju̱ nuṉkanam tamia nu nékarme. Tura Niṉkia yajauchin túrichuyayi.

Apu. 1:5

Núnisaṉ Jesukrístu shiir yaintmakarti. Ni tana nu imiá nekasaiti. Nisha emka jakamunmaya̱ yamaram iwiaakmaja̱i̱ nantakniuiti. Tura ju̱ nuṉkanmaya̱ akupniu Úuntri̱nti. Iin anenma asa ni numpe̱ja̱i̱ ii tunaari̱n nijiatramkaitji.

1 Sam. 17:26

Tura niji̱a̱i̱ pujuarmia nuna Tawit chicharainiak “Jiristíanmaya̱ aentsun nupetak Israer shuaran yajauch chicharainiana nuna emenkákmataisha nupetmakuncha ¿itiurkartin? Iwiaaku Yusa suntari̱ kakarmaitkiuinkia nekapnaisatai títincha tsupirnakcha Jiristíusha ¿ániusha warimpiait?” tímiayi.