Isr. 9:1 - Yus Papí: Shuarja̱i̱ Yus Yamaram Chicham Najanamu

¹ Yamaikia nekaata, emka chicham najanamuka Yus itiur enentáimtustiniait tura Yus Shiir Awajtai̱ Je̱a̱ ju̱ nuṉkanam amia núnan jintiimiayi.

Isr. 9:1 Iomraidhean Croise

Jiin. 25:8

Nuyá̱ Wi shiir pujutai̱n je̱a̱rtiarti. Túrawarmatai nui̱ Wi niin pujursartatjai.

Isk. 43:11

Tura nuní̱ túram ni yajauch túrutairi̱n enentáimtusar natsa̱a̱rarmatai Yusa Je̱e̱ je̱a̱mtin nakumkamua nu tura itiur je̱a̱mnatta núnisaṉ ni wá̱i̱ti̱a̱i̱ri̱sha, jintiai̱ri̱sha ashí uruku ártata nu ashí ujakáram enentáimtikrarta. Nuyá̱ akupkámu umiktin chicham nisha iimiainiai̱ṉ áatraram itiur túrawartata nusha ashí jintintrarta. Kame núnaka nisha ashí péṉker nekaawar tímianuja̱i̱ métek takasarmi tusam túrata.

Riw. 18:30

Nu túruna asamtai wi akupkámu umiktin chicham umíakrum péṉker túratarum. Yaunchu túrawarmia núnis mui̱jmiai̱ túrakrum yajauch ajasáirap. Wi atumí Uunt Yusri̱ asan tájarme” tímiayi.

Riw. 22:9

Kame umikchamunam iik makura̱i̱j tura imiatkímpra awajkámunam jáka̱i̱j tusar niṉkia Wi akupkámun péṉker enentáimtusar umikiartiniaiti. Warí, Witjiai Tunaarincha awajkartin Uunt Yus.

Ruk. 1:6

Yúsja̱i̱sha Sakaríassha Irisapítcha mái̱ metek péṉker ármiayi. Yus akupkámia nunasha umirin ármiayi. Tuma asamtai peṉkesha chíkich nin yajauch chicharkatin atsuarmiayi.

Rum. 9:4

Israer wea shuar áiniawai. Tura ni uchirí̱ya áinis Yus achikiáruiti. Yusa winchari̱sha niji̱a̱i̱ pujumiayi. Yaunchu Chicham ni we̱a̱trí̱ji̱a̱i̱ iwiaramuncha tura Muisais akupkámuncha susamiayi. Tura Yusa Je̱e̱n Nin shiir awajsatniun jintintiámiayi. Tura ukunam shiir tsaṉkatkattana nunasha ujakmiayi.

Kurs. 2:8

Atumsha aneartarum. Aentsti enentáimmiaja̱i̱ṉ ashí ju̱ nuṉkanmaya̱n enentáimprar tura Krístun enentáimtutsuk niisháa chichaman áujtamainiak nekaschaja̱i̱ anaṉkramataj tusa wakerutmainiawai.

Isr. 8:13

Wats emka chicham yajauch ajakui Yus yamaram chichaman nájaneak pujurui. Tura yajauch ajasua nuka wárik ajapnattawai.

Isr. 8:2

Nekas Yusa Je̱e̱ nayaimpinma nu aents najanachma antsu Yus najanamuiti. Nui̱ Jesus Yúsnan pujurui.

Isr. 8:7

Kame emka chicham Yus Muisaisja̱i̱ yaunchu najanamia nu, nekas péṉkeraitkiuiṉkia yamaram chichaman najanacha̱a̱yi.

Isr. 9:24

Kame Krístuka Yusa Je̱e̱n aents najanamu nayaimpinmaya̱ṉ aya nakumea nui̱ waya̱tsuk antsu nekas nayaimpiniam Yus pujamunam wayá̱ iin áujturmaji.